2 LAITORINIK 17:23 - BUKUIT NE TILIIL Sireet ne Dutero Kanon

²³ agoi kong'eeto Kamuktaindet ne Toroor Israel eng' tainnyi, ko uu ye ki mwa eng' otwogikyik tugul, maotik. Ki kiluul anyun Israel kimut eng' emennywa koba emetap Assyria agoi ra.

Bukuit Ne Tilil

²³ agoi kong'eeto Kamuktaindet ne Toroor Israel eng' tainnyi, ko uu ye ki mwa eng' otwogikyik tugul, maotik. Ki kiluul anyun Israel kimut eng' emennywa koba emetap Assyria agoi ra.

BUKUIT NE TILIL

²³ agoi kong’eeto Jehovah Israel eng’ tainnyi, ko u ye kimwa eng’ otwogikyik tugul, maotik. Kimut anyun Israel eng’ emenywa koba emetab Asuria, agoi ra.

2 LAITORINIK 17:23 ပူးပေါင်းရင်းမြစ်များ

1 LAITORINIK 13:2

Ak kiwaage ineendet kapkorosuut eng' ng'olyootap Kamuktaindet ne Toroor kole, “Ee, kapkorosuni, kapkorosuni, kamwa Kamuktaindet ne Toroor kole, ‘Keero, tuun kisikyin lakweet kootap Daudi, ne kiguure kainennyi Josiah; ak kogoitoenen ineendet tisiigap komoswek che torooreen, che peelenen nyamdutik, ak tuun peelei eng' inyee kawegap piik.’ ”

1 LAITORINIK 14:16

Metoi ineendet Israel amu tengekwogigap Jeroboam, che ki yai ineendet, che ki ibeete Israel si koyai tengekto.”

1 LAITORINIK 9:7

ang'etoi Israel anyun eng' emet ne ki agoochi, ak kooi ki atiliil agobo kainennyu, aistoi eng' tainnyu; si koek Israel kalewenet ak atindyot eng' piik tugul.

2 LAITORINIK 13:23

Ago ki iboorchi Kamuktaindet ne Toroor myeeindonyi icheek, koriiree ak kogonyit icheek, amu kayomisennyi ne ki iyomiskei ak Abraham, Isak ak Jakobo. Ma cham kobar anan koon icheek eng' tainnyi agoi rani.

2 LAITORINIK 17:13

Ago kibaoryan Kamuktaindet ne Toroor kora agobo Israel, ak agobo Judah, eng' maotyot age tugul, ak keerindet age tugul koleenji, “Oweege eng' ortinwekwok che yaacheen, ak oriip ng'atuutikyuk ak kayomisutikyuk, ko uu Ng'atuutyet tugul ne ki ang'at kwanisyekwok, ak che ki ayookwok eng' eunegap otwogikyuk maotik.”

2 LAITORINIK 17:18

Ki nereekyi anyun Kamuktaindet ne Toroor Israel miising', ak kong'eeto icheek eng' tainnyi. Ma ng'et agot agenge kobatee ooreetap Judah ineegei.

2 LAITORINIK 17:20

Ki eesyo Kamuktaindet ne Toroor kesweek tugul che po Israel; ki inyaliil icheek ak konde eunegap piik che kiluul icheek, agoi kong'eeto icheek koba eng' tainnyi.

2 LAITORINIK 17:22

Kibendate piigap Israel tengekwogik tugul che po Jeroboam che ki yai; ma istoegei,

2 LAITORINIK 17:6

Ki nam laitoryatap Assyria Samaria, eng' kenyiitap sogool ne po Hoshea ak komut Israel koba Assyria. Ki imut icheek kwo konde komeny Hala ak Habor, eng' aineetap Gosan ak nganasoogap Medes.

2 LAITORINIK 21:14

Atoortai che kang'et che po porotennyu, ak ande icheek eunegap puunikwak. Egu icheek luulenik che luulei puunikwak tugul,

2 LAITORINIK 23:27

Ki le Kamuktaindet ne Toroor, “Aistoi Judah agine eng' tainnyu, ko uu ye ki aiste Israel, ak amete nganasani ki alewen, Jerusalem, kobooto koot ne ki ale, ‘Tebee kainennyu yooto.’ ”

2 LAITORINIK 24:3

Ki ityi kii Judah iman ko uu ng'atuutyetap Kamuktaindet ne Toroor, si koisto icheek koba eng' tainnyi, amu ng'oogiswegap Manasseh, ko uu tugul che ki yai,

2 LAITORINIK 25:21

Ki par laitoryatap Babilon pichooto eng' Ribla eng' emetap Hamath. Ki kimut anyun Judah keluul komanda eng' emennyi.

2 LAITORINIK 3:3

Nganda uu nooto ko ki nam ineendet tengekwogigap Jeroboam weeriitap Nebat, che ki ibeete Israel si koyai tengekto; ma istoegei.

NEEMIA 9:32

Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

TIENWOGIKAL 51:13

Yeityo aneet anyun pistoik ortinweguk; ak koweekyingei kiptengeginik.

ISAIAH 7:8

Amu metitap Syria ko Damasko, ak metitap Damasko ko Rezin. (Ye tomo kogeskei kenyiisyek tamanwogik lo ak muut, ko tonaksei Ephraim si ma ko pororyet.)

JEREMIA 52:3

Ak ki piitune tuguuchooto nereegegap Kamuktaindet ne Toroor eng' Jerusalem ak Judah kot kotimda icheek koba eng' tainnyi. Ak ki ingelelji Zedekiah laitoryatap Babilon.

JEREMIA 7:15

Atimdak eng' tainnyu, ko uu ye ki atimde tupchosyekwok tugul, iyoteet komugul ne po Ephraim.

HOSEA 12:3

Ki nam kwaryatap ng'eetap kamet komi moo; ak ki tinyei kimnateet kobooto Kamuktaindet ko kagoeet:

AMOS 5:27

Agoitook anyun keluulok, kimutak osiir Damasko, mwaei Kamuktaindet ne Toroor, ne kainennyi ko Kamuktaindet ne po lugoosyek.

MIKAH 1:5

Piitu chuuto amu pistoetap Jakobo, ak amu tengekwogigap kootap Israel. Nee pistoetap Jakobo? Tos ma Samaria? Ak nee komoswek che torooreen che po Judah? Tos ma Jerusalem?

MIKAH 1:6

Ayae anyun Samaria koek karurugutyetap emet, ak koigei ole kiminjin sabibuk: ak atumde koikyik koba atebweet, ak ang'aany lumeiywekyik.

MIKAH 2:5

Menyooru anyun chiito ne wiirtoi porowet eng' parbaryat eng' tuiyetap Kamuktaindet ne Toroor.

NG'ATUTIK 32:20

Ak ki le, “Aung'e togeennyu, Ageere ole teptoi kagesunennywa; Amu icheek ko ibinda ne imaasat miising'. Lagok che ma tinyei kayaneet.

JOSHUA 23:13

onai komyee ole ma koonei kogeny Kamuktaindet ne Toroor Kamuktaindeng'wong' pororyosyechuuto eng' taing'wong', ago egu mesteet ak kiit ne riichei piich eng' okweek ak kipchoritiit eng' karasaikwok ak katook eng' konyekwok, kot kotun olusye eng' emoni karaaran ki koonok Kamuktaindet ne Toroor Kamuktaindeng'wong'.

KIRUOGIK 18:30

Kilumdochigei `lagogap Dan kanamwet ne ki kiwai kotonon. Ki ek tisiigap pororyetap Danik, Jonathan weeriitap Gershom, weeriitap Musa, ineendet ak weeriikyik agoi peetuut ne ki kiluule emet.