2 LAITORINIK 17:18 - BUKUIT NE TILIIL Sireet ne Dutero Kanon

¹⁸ Ki nereekyi anyun Kamuktaindet ne Toroor Israel miising', ak kong'eeto icheek eng' tainnyi. Ma ng'et agot agenge kobatee ooreetap Judah ineegei.

Bukuit Ne Tilil

¹⁸ Ki nereekyi anyun Kamuktaindet ne Toroor Israel miising', ak kong'eeto icheek eng' tainnyi. Ma ng'et agot agenge kobatee ooreetap Judah ineegei.

BUKUIT NE TILIL

¹⁸ Konerekyi anyun Jehovah Israel mising’, ak kong’eeto ichek eng’ tainnyi: ma ng’et agot agenge kobate oretab Juda inegei.

2 LAITORINIK 17:18 ပူးပေါင်းရင်းမြစ်များ

1 LAITORINIK 11:13

Ago marebe laitornatet tugul; ago agoochini ooreet agenge weeriing'ung', agobo Daudi otwogindennyu, ak Jerusalem ne ki alewen.”

1 LAITORINIK 11:32

Ago punjin ineendet ooreet agenge, agobo otwogindennyu Daudi, ak agobo Jerusalem, nganaseet ne ki alewen eng' ortinwek tugul che po Israel.

1 LAITORINIK 11:36

Tuun agoochini weeriinnyi ooreet agenge, si kolal kotugul taitap Daudi otwogindennyu eng' tainnyu eng' Jerusalem, nganaseet ne ki alewenjigei ande kainennyu yooto.

1 LAITORINIK 12:20

Kingo kas Israel tugul kole kogoweek Jeroboam, koyookto keguur konyo tuiyet, ak koyai ineendet koek laitoryat koboi Israel tugul. Ki ma piit ne ki isup kootap Daudi, kobatee ooreetap Judah kityo.

1 LAITORINIK 8:46

“Ngot koyaun tengek, (amu ma mi chii ne ma yaei tengek,) ak inereekyi, igoochi icheek eunegap puunikwak, koluul icheek komut koba emetap puunik, ngot ko loo anan ko neegit,

2 LAITORINIK 13:23

Ago ki iboorchi Kamuktaindet ne Toroor myeeindonyi icheek, koriiree ak kogonyit icheek, amu kayomisennyi ne ki iyomiskei ak Abraham, Isak ak Jakobo. Ma cham kobar anan koon icheek eng' tainnyi agoi rani.

2 LAITORINIK 17:6

Ki nam laitoryatap Assyria Samaria, eng' kenyiitap sogool ne po Hoshea ak komut Israel koba Assyria. Ki imut icheek kwo konde komeny Hala ak Habor, eng' aineetap Gosan ak nganasoogap Medes.

2 LAITORINIK 21:14

Atoortai che kang'et che po porotennyu, ak ande icheek eunegap puunikwak. Egu icheek luulenik che luulei puunikwak tugul,

2 LAITORINIK 23:27

Ki le Kamuktaindet ne Toroor, “Aistoi Judah agine eng' tainnyu, ko uu ye ki aiste Israel, ak amete nganasani ki alewen, Jerusalem, kobooto koot ne ki ale, ‘Tebee kainennyu yooto.’ ”

2 LAITORINIK 24:3

Ki ityi kii Judah iman ko uu ng'atuutyetap Kamuktaindet ne Toroor, si koisto icheek koba eng' tainnyi, amu ng'oogiswegap Manasseh, ko uu tugul che ki yai,

TIENWOGIKAL 51:13

Yeityo aneet anyun pistoik ortinweguk; ak koweekyingei kiptengeginik.

JEREMIA 15:1

Yeityo koleenjo anyun Kamuktaindet ne Toroor, agot nganda kiga tononso Musa ak Samuel eng' tainnyu, ko matokyingei kabwaatutikyuk pichu. Iste eng' tainnyu, koba.

JEREMIA 52:3

Ak ki piitune tuguuchooto nereegegap Kamuktaindet ne Toroor eng' Jerusalem ak Judah kot kotimda icheek koba eng' tainnyi. Ak ki ingelelji Zedekiah laitoryatap Babilon.

JEREMIA 7:15

Atimdak eng' tainnyu, ko uu ye ki atimde tupchosyekwok tugul, iyoteet komugul ne po Ephraim.

HOSEA 11:12

Yiemena Ephraim lembechek, koyiemena kootap Israel ng'aalseet: ago pounisyei Judah kora kobooto Kamuktaindet, ak koyanaat eng' Ineendet ne Tiliil.

HOSEA 12:3

Ki nam kwaryatap ng'eetap kamet komi moo; ak ki tinyei kimnateet kobooto Kamuktaindet ko kagoeet:

HOSEA 9:3

Ma menyei icheek emetap Kamuktaindet ne Toroor; ago weekyingei Ephraim Misiri, ak koam amitwogik che ma tiliileen eng' Assyria.

NG'ATUTIK 32:20

Ak ki le, “Aung'e togeennyu, Ageere ole teptoi kagesunennywa; Amu icheek ko ibinda ne imaasat miising'. Lagok che ma tinyei kayaneet.

JOSHUA 23:13

onai komyee ole ma koonei kogeny Kamuktaindet ne Toroor Kamuktaindeng'wong' pororyosyechuuto eng' taing'wong', ago egu mesteet ak kiit ne riichei piich eng' okweek ak kipchoritiit eng' karasaikwok ak katook eng' konyekwok, kot kotun olusye eng' emoni karaaran ki koonok Kamuktaindet ne Toroor Kamuktaindeng'wong'.

JOSHUA 23:15

Ago onai anyun ole, ko uu ye ki pwanjok tuguuk tugul che myachen che kimwaiwok Kamuktaindet ne Toroor Kamuktaindeng'wong', koibwok Kamuktaindet ne Toroor ko uu nooto, tuguuk tugul che yaacheen agoi kogeswok eng' emoni karaaran ki koonok Kamuktaindet ne Toroor Kamuktaindeng'wong'.

KIRUOGIK 18:30

Kilumdochigei `lagogap Dan kanamwet ne ki kiwai kotonon. Ki ek tisiigap pororyetap Danik, Jonathan weeriitap Gershom, weeriitap Musa, ineendet ak weeriikyik agoi peetuut ne ki kiluule emet.