2 LAITORINIK 16:3 - BUKUIT NE TILIIL Sireet ne Dutero Kanon

³ Ago ki wendotee ortinwegap laitorinigap Israel, ee, ak kogoito weeriinnyi kobun maat, ko uu tuguuk che kiwechei che po pororyosyek, che ki oon Kamuktaindet ne Toroor koba eng' taitap piigap Israel.

Bukuit Ne Tilil

³ Ago ki wendotee ortinwegap laitorinigap Israel, ee, ak kogoito weeriinnyi kobun maat, ko uu tuguuk che kiwechei che po pororyosyek, che ki oon Kamuktaindet ne Toroor koba eng' taitap piigap Israel.

BUKUIT NE TILIL

³ Ago kiwendote ortinwekab laitorinikab Israel, ee, ak kogoito werinnyi kobun mat, ko u tuguk che kiwechei che bo bororiosiek, che kion Jehovah koba eng’ taitab lagokab Israel.

2 LAITORINIK 16:3 ပူးပေါင်းရင်းမြစ်များ

1 LAITORINIK 14:24

Ki mi sodomik ak icheek, ak ki yai tuguuk tugul che kiwechei che po pororyosyek che kiga koon Kamuktaindet ne Toroor eng' taitap piigap Israel.

2 LAITORINIK 17:16

Ki meto icheek ng'atuutik tugul che po Kamuktaindet ne Toroor Kamuktaindennywa, ak koyachigei moek aeng' che po kanamonik che ki kitany ak ki yai Asera. Kigutung'ji icheek tuguuk tugul che po kipsengwet, ak koot Baal.

2 LAITORINIK 17:17

Ki igoito weeriikwak ak tiibiikwak kobun maat. Kiboisyee ng'oorset ak ponisosyek ak koaldagei koyai yaityet eng' taitap Kamuktaindet ne Toroor, kotach ineendet konereech.

2 LAITORINIK 17:19

Ma riip agine Judah ng'atuutigap Kamuktaindet ne Toroor Kamuktaindennywa, ago kibendatee kaneetisyosyegap Israel che ki yai.

2 LAITORINIK 17:8

ak kobendatee ng'atuutigap pororyosyek, che kigaon Kamuktaindet ne Toroor koba eng' taitap piigap Israel, ak eng' taitap laitorinigap Israel che kiga yai icheek.

2 LAITORINIK 21:11

“Amu kogoyai Manasseh laitoryatap Judah tuguuchu kiwechei, koyai yaityet kosiir tugul che ki yai Amorik, che ki mi eng' tai, ko tomo kobiit ineendet ak kogoochi Judah agine koyai tengekto eng' kanamonikyik;

2 LAITORINIK 21:2

Ki yai yaityet eng' taitap Kamuktaindet ne Toroor, koosup tuguuk che kiwechei che po pororyosyek, che ki oon Kamuktaindet ne Toroor eng' taitap piigap Israel.

2 LAITORINIK 21:6

Ki igoito weeriinnyi kobun maat, king'orso ak koboisyee ponisyet, ak kobois kobooto piik che poisyee oik ak pooniik. Ki yai yaityet eng' taitap Kamuktaindet ne Toroor, kotach ineendet konereech.

2 LAITORINIK 21:9

Ago ma kas icheek. Ki ichuut Manasseh icheek koyai yaityet kosiir ne ki yai pororyosyek, che ki par Kamuktaindet ne Toroor eng' taitap piigap Israel.

2 LAITORINIK 23:10

Ki ing'wanit Topet, ne mi atebweetap lagogap Hinom, si ma igoito chii weeriinnyi anan ko cheptonyi kobun maat kogoochi Molek.

2 LAITORINIK 8:18

Kiwendote ortinwegap laitorinigap Israel, koyai ko uu kootap Ahab: amu ki cheptap Ahab osotyonnyi. Ki yai yaityet eng' taitap Kamuktaindet ne Toroor.

2 ATEPTAP PEETUUSYEK 22:3

Kiwendote agine ortinwegap kootap Ahab, amu ki ek kamennyi kaneetindennyi ne ki ineet ineendet koyai ne ya.

2 ATEPTAP PEETUUSYEK 33:2

Ki yai ne ya eng' taitap Kamuktaindet ne Toroor, kosuubi tuguuk che kiwechei che po pororyosyek che kigaon Kamuktaindet ne Toroor eng' taitap piigap Israel.

2 ATEPTAP PEETUUSYEK 33:6

Ak ki igoito kogeny lagokyik kobun maat eng' atebweetap weeriitap Hinom: ak king'orso ak ki isogis, ak ki yai ponisyet, ak ki ng'alaal ak che poisyee oik ak pooniik: ki yai yaityet ne oo eng' taitap Kamuktaindet ne Toroor, kotach ineendet konereech.

TIENWOGIKAL 106:35

Ago kiburuchkei kobooto pororyosyek, ak ki ineetkei poisyonikwak.

ISAIAH 57:5

che olaali mageng'wong' eng' keetiik keel, eng' kelutap keetit age tugul ne tuon; okweek che obare lagok eng' atebwosyek, eng' ole kibetak eng' rwandosyek?

JEREMIA 32:35

Ak ki teech komoswek che torooreen che po Baal, che mi atebweetap weeriitap Hinom, si kogoito weeriikwak ak tiibiikwak kobun maat kogoochi Molek; ne ki ma ang'at, ama kuura met, ale si kobiit koyai kii kiwechei; ak kogoochi Judah koyai tengekto.

EZEKIEL 16:21

kot ibar lagokyuk ak igoite kobun maat igoochini icheek?

EZEKIEL 16:47

Ago ma isup ortinwekwak, anan isup iyai tuguukwak che kiwechei; ago, nda ki kiit ne ming'in nooto, ko ki iyaitu inyee kosiir icheek eng' ortinweguk tugul.

EZEKIEL 20:26

ak ki amurwon icheek eng' konunoikwak icheegei, amu ki igoito lagok tugul che yaatei iyoteet kobun maat, si kobiit agoochi icheek kobononso, si konai kole aa Kamuktaindet ne Toroor.

EZEKIEL 20:31

Ak ye ogoitoi kagoochinoikwok, ye ogoitoi weeriikwok kobun maat, ko tos ma omurwonegei kanamonikwok agoi rani? Ko tos oteepsena, okweek kootap Israel? Mwaei Kiptaiyat Kamuktaindet ne Toroor kole, ko uu ye asabe, koma achame oteepsena:

ATEPTAP LAWIK 18:21

“Amegoite iyoteng'ung' ibeelji Molek, ak amereeny kainetap Kamuktaindeng'ung'. Aa Kamuktaindet ne Toroor.

ATEPTAP LAWIK 20:2

“Ileenji piigap Israel, Chii age tugul ne igoochin lagokyik Molek, ngo age eng' piigap Israel anan age eng' punootik che meng'iisyei eng' Israel, kebarei chiichooto iman. Lachei piigap emet eng' koik.

MIKAH 6:7

Tos paibaitune Kamuktaindet ne Toroor mengichik eliphuusyek, anan ainoosyek eliphuusyek taman che po mwanik? Tos agoite taaitanyu agobo pistoennyu, agoite iyoteetap poortanyu agobo tengektap saboondanyu?

NG'ATUTIK 12:31

Ameyachi ko uu nooto Kamuktaindet ne Toroor Kamuktaindeng'ung'. Amu kiy age tugul ne wegot eng' Kamuktaindet ne Toroor ne wechei ineendet, ko ki yachi ko uu nooto icheek kanamonikwak, amu peelei agot weeriikwak ak tiibiikwak kobeeljin kanamonikwak.

NG'ATUTIK 18:10

Amat kobiit eng' okweek ne igoitoi weeriinnyi anan cheptonyi kobun maat anan ne poisyee ng'oorset anan sageiywek anan ne isagisyei anan poonindet,