2 LAITORINIK 15:5 - BUKUIT NE TILIIL Sireet ne Dutero Kanon

⁵ Ki pir Kamuktaindet ne Toroor laitoryat, ak ki nam mogondosaik agoi peetuutap meennyi, ak ki meny koot ne itabaanat. Ki pou koot Jotham weeriitap laitoryat, korwookyin piik eng' emet.

Bukuit Ne Tilil

⁵ Ki pir Kamuktaindet ne Toroor laitoryat, ak ki nam mogondosaik agoi peetuutap meennyi, ak ki meny koot ne itabaanat. Ki pou koot Jotham weeriitap laitoryat, korwookyin piik eng' emet.

BUKUIT NE TILIL

⁵ Ak kibir Jehovah laitoriat, ak kinam mogondosik agoi betutab meennyi, ak kimeny got ne itabanat. Ak kibou got Jotam weritab laitoriat, koruokyin bik eng’ emet.

2 LAITORINIK 15:5 ပူးပေါင်းရင်းမြစ်များ

2 SAMUEL 3:29

Ingotebee metitap Joab ak kotebee kootap kwandanyi tugul. Amat kobet eng' kootap Joab chii ne tinyei kusereet anan ne tinyei mogondos anan ne tebenoti kirokto anan ne kibarei eng' rotwetap chok anan ko ne ma tinyei amitwogik.”

2 SAMUEL 8:15

Ak ki laitoran Daudi eng' Israel tugul; ak ki irwookyi Daudi piikyik tugul eng' lititindo ak iman.

1 LAITORINIK 3:28

Ki kas Israel tugul kirwooget ne ki irwooch laitoryat; ak ki iywei laitoryat, amu ki keer kole mi utaatyetap Kamuktaindet eng' ineendet, si kobiit korwooch.

1 LAITORINIK 3:9

Igoochi anyun otwogindeng'ung' muguleldo ne tinyei kaguiyet si korwookyi piiguk, si kobiit abesyo ne myee ak ne ya; amu ng'oo anyun ne imuuchi korwookyi pororyoning'ung'et tagunoot?”

2 LAITORINIK 15:32

Ki toi kolaitoran Jotham weeriitap Uzziah laitoryatap Judah eng' kenyiitap aeng' kobooch kolaitoran Pekah weeriitap Remaliah eng' Israel.

2 LAITORINIK 15:6

Poisyonik che ng'etunotiin che po Azariah, ak tugul che ki yai, ko tos ma siraatiin eng' kitabuutap ateptap peetuusyek ne po laitorinigap Judah?

2 LAITORINIK 5:27

Namin anyun mogondosigap Naaman ak iyoteng'ung' koigeny.” Ki manda anyun eng' ye ki mi ineendet ko kagonam mogondosaik, koleelit ko uu teluji.

2 LAITORINIK 7:3

Ki mi piik ang'wanu che ki tinyei mogondosaik ole kibunei eng' ormariichet: ak ki leenjigei, “Amu nee si ketebee yu kot kebegu?

1 ATEPTAP PEETUUSYEK 3:12

Amasia weeriinnyi, Azariah weeriinnyi, Jotham weeriinnyi,

1 ATEPTAP PEETUUSYEK 5:17

Ki kiit chuuto tugul eng' tetuutigap ibinwekwak che ki kosiirto eng' peetuusyegap Jotham laitoryatap Judah, ak eng' peetuusyegap Jeroboam laitoryatap Israel.

Kitabuutap JOB 34:19

Kotam nee anyun eng' ineendet ne ma konyiti pounik, ne ma keerei mogoreek kosiir kibananook? Amu poisyonigap eunekyik icheek tugul.

TIENWOGIKAL 72:1

Ee Kamuktaindet, igoochi laitoryat kirwoogutiguk, Ak igoochi imandang'ung' weeriitap laitoryat.

HOSEA 1:1

Ni ng'olyootap Kamuktaindet ne Toroor ne ki nyoonji Hosea weeriitap Beri eng' peetuusyegap Uzziah, Jotham, Ahaz, ak Hezekiah che ki laitorinigap Judah, ak eng' peetuusyegap Jeroboam weeriitap Joash laitoryatap Israel.

ATEPTAP LAWIK 13:46

Murwoniitu ineendet peetuusyek tugul kotee koamei myanooto. Meng'iisyei ineegei; meng'ootennyi ko saang'utap nganaseet.

MIKAH 1:1

Ng'olyootap Kamuktaindet ne Toroor ne ki nyoonji Mikah meng'iindetap Moresheth eng' peetuusyegap Jotham, Ahaz, ak Hezekiah, laitorinigap Judah, ne ki keer agobo Samaria ak Jerusalem.

KAITOSYEK 12:10

Ye kingo togosta parak pooldet eng' Emait, ogeero, ki am mogondosaik Miriam, kileelit poortanyi ko uu teluji. Ak ye kingo kusyi kong' Aron, kogeer Miriam kotinyei mogondosaik.

KAITOSYEK 12:14

Ki leenji `Kamuktaindet ne Toroor Musa, “Nda kagang'utyi kwandanyi togeet, ko tos kama komurwon peetuusyek tisap? Ingegerchi ineendet saang'utap nganaseet peetuusyek tisap, ak ye ibata kimut kogeny konyo kaa.”

NG'ATUTIK 24:8

“Riipkei eng' koroitap mogondosaik, riip komyee eng' kagiiletapkei ak iyai ko uu tugul che ineetin tisiik Lawiik. Ko uu ye ki ang'at icheek, oriip anyun si oyai ko uu nooto.