2 LAITORINIK 15:29 - BUKUIT NE TILIIL Sireet ne Dutero Kanon

²⁹ Ki nyo Tiglat-peleser laitoryatap Assyria eng' peetuusyegap Pekah laitoryatap Israel ak ki nam Ijon, Abel ne po Beth-maaka, Janoah, Kedesh, Hasor, kobooto Gilead, Galilaya, ak emet tugul ne po Naphtali ak kiluul icheek komut koba Assyria.

Bukuit Ne Tilil

²⁹ Ki nyo Tiglat-peleser laitoryatap Assyria eng' peetuusyegap Pekah laitoryatap Israel ak ki nam Ijon, Abel ne po Beth-maaka, Janoah, Kedesh, Hasor, kobooto Gilead, Galilaya, ak emet tugul ne po Naphtali ak kiluul icheek komut koba Assyria.

BUKUIT NE TILIL

²⁹ Kinyo Tiglat-peleser laitoriatab Asuria eng’ betusiekab Peka laitoriatab Israel, ak kinam Ijon, ak Abel-bet-maaka, koboto Janoa, ak Kedes, ak Hasor, ak Gilead, ak Galili, emet tugul ne bo Naptali; ak kiluul ichek komut koba Asuria.

2 LAITORINIK 15:29 ပူးပေါင်းရင်းမြစ်များ

1 LAITORINIK 14:15

Kong'eete nguno kobarei Kamuktaindet ne Toroor Israel, ko uu ye kitumdumi morong'yot eng' peek. Itutu `ineendet Israel eng' emoni karaaran, ne ki igoochi kwanisyekwak, ak koseer kosiir aineet pitoniin; amu kiyachigei Aserik ak kotaach Kamuktaindet ne Toroor.

1 LAITORINIK 15:20

Ki kas iit `Ben-Hadad Laitoryat Asa ak koyookto kiptainik che po lugosyekyik koba kobargei ak nganasoogap Israel. Ki par Ijon, Dan, Abel ne po Beth-maaka, ak Kinnereth tugul, kobooto emet tugul ne po Naphtali.

1 LAITORINIK 9:11

(kiga kogoochi Hiram laitoryatap Tyro Solomon keetiigap taragonik ak keetiigap piribirinik, ak thahabu, ko uu tugul che kimachei,) kogoochi anyun `Laitoryat Solomon Hiram nganasook tiptem eng' emetap Galilaya.

2 LAITORINIK 15:19

Kiseet Pul laitoryatap Assyria koleen kobar emet; ak ki igoochi Menaem Pul keruutik eliphuusyek sosom ak tisap che po fedha, si kobiit kotoret Pul ineendet kogimit laitornatet eng' eunnyi.

2 LAITORINIK 15:20

Kirep Menaem fedhaisyek eng' Israel, che po piik tugul che eecheen che mogoreek, ki ibe chii tugul shekelisyek konom, fedha nusu kilo, si kobiit kogoochi laitoryatap Assyria. Ki week anyun laitoryatap Assyria, ma tebi eng' emonooto.

2 LAITORINIK 15:28

Ki yai yaityet eng' taitap Kamuktaindet ne Toroor. Ma istoegei ineendet tengekwogigap Jeroboam weeriitap Nebat, che ki ibeete Israel si koyai tengekto.

2 LAITORINIK 15:30

Kichaam Hoshea weeriitap Elah Pekah weeriitap Remaliah, ak kibar kobar ineendet ak kolaitoran kogeer ineendet, eng' kenyiitap tiptem kobooch kolaitoran Jotham weeriitap Uzziah.

2 LAITORINIK 16:10

Ki wo Laitoryat Ahaz Damasko kotorookto Tiglat-peleser laitoryatap Assyria ak ki keer kaptisisyet ne ki mi Damasko. Ki iboorchi Laitoryat Ahaz Urija tisiindet kiit ne uu kaptisisyonooto, kergeindanyi ak ole uu musoknatennyi tugul.

2 LAITORINIK 16:7

Ki iyookto anyun Ahaz piik koba kap Tiglat-peleser laitoryatap Assyria, koleenji, “Aa otwogindeng'ung' ak ko aa weeriing'ung'. Togosu, sarwo eng' eutap laitoryatap Syria ak eng' eutap laitoryatap Israel, che machei kobookyo.”

2 LAITORINIK 17:20

Ki eesyo Kamuktaindet ne Toroor kesweek tugul che po Israel; ki inyaliil icheek ak konde eunegap piik che kiluul icheek, agoi kong'eeto icheek koba eng' tainnyi.

2 LAITORINIK 17:23

agoi kong'eeto Kamuktaindet ne Toroor Israel eng' tainnyi, ko uu ye ki mwa eng' otwogikyik tugul, maotik. Ki kiluul anyun Israel kimut eng' emennywa koba emetap Assyria agoi ra.

2 LAITORINIK 17:6

Ki nam laitoryatap Assyria Samaria, eng' kenyiitap sogool ne po Hoshea ak komut Israel koba Assyria. Ki imut icheek kwo konde komeny Hala ak Habor, eng' aineetap Gosan ak nganasoogap Medes.

2 LAITORINIK 18:11

Ki imut `laitoryatap Assyria Israel koba Assyria, ak ki wo konde Hala ak Habor, aineetap Gosan ak nganasoogap Medes.

2 LAITORINIK 19:11

Ki igas iman kiit ne ki koyachi laitorinigap Assyria emotinwek tugul, eng' ng'emet ne king'em icheek kogees. Tos kisaruun inyee?

2 LAITORINIK 8:11

Kitokyi ineendet togeennyi konjurur inne, kot kolilaan ineendet. Ki riir anyun chiitap Kamuktaindet.

1 ATEPTAP PEETUUSYEK 5:22

ak ki kibar che chaang', amu ki po lugeet Kamuktaindet. Ak kimeng'iis eng' olooto kogeer icheek kot koit peetuut ne ki kiluule.

1 ATEPTAP PEETUUSYEK 5:26

Ki ing'eet anyun Kiptaiyat Kamuktaindetap Israel Pul laitoryatap Assyria, ak Tilgath-pilneser laitoryatap Assyria, ak ki imut, piigap Reuben, piigap Gad, kebebertap pororyetap Manasseh koba emet ne ma nenywa. Ki imut koba Hala, Habor, Hara ak kot koit aineetap Gosan, agoi ra.

1 ATEPTAP PEETUUSYEK 5:6

Beera weeriinnyi, ne kiluul Tilgath-pilneser laitoryatap Assyria komut. Beera ko ki pounindetap piigap Reuben.

2 ATEPTAP PEETUUSYEK 16:4

Ki kasyi anyun `Ben-Hadad laitoryat Asa ng'aleekyik, ak koyookto kiptainigap lugosyekyik koba kobar nganasoogap Israel. Ki par Ijon, Dan, Abel-maim ak nganasook tugul che po Naphtali che ki kigonoree tuguuk.

NEEMIA 9:32

Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

ISAIAH 1:7

Kigoguber emeng'wong', ki kebeel nganasookwok; ibookyin toek emeng'wong' ogeere, kogoguber, ko uu ne kogong'em toek.

ISAIAH 37:18

Iman, Kamuktaindet ne Toroor, ki kobar laitorinigap Assyria, emotinwek tugul, ak emennywa,

ISAIAH 7:16

Amu kotom konai lakweet koeesyo ne ya, ak kolewen ne myee, kemetoi emet ne iweche laitorinikyik tuwai.

ISAIAH 7:20

Inemu metit Kamuktaindet ne Toroor eng' peetuunooto eng' rotweet ne ki alei, ne mi komoswegap aineet pitoniin, kobooto laitoryatap Assyria, inemu metit ak koroorigap keelyek, ak konem kogeny tamnet kogees.

EZEKIEL 23:9

Ki ande anyun ineendet eunegap chamanikyik, kwo eunegap piigap Assyria, che ki chamei miising'.

ATEPTAP LAWIK 26:32

Ak ayai emet koek surkwen ak kokwong'yo puunikwok che menyei olooto.

AMOS 1:13

Mwaei Kamuktaindet ne Toroor kole: Maawechi pireet ne abire lagogap Ammon amu pistaosyekyik somok, ee agot ang'wan; amu kogogereer kwonyiik che tamonosyek che po Gilead, kole si kobiit kotes kiwotennywa.

AMOS 1:3

Mwaei Kamuktaindet ne Toroor kole: Ma aweechi pireet ne abire Damasko amu pistaosyekyik somok, ee agot ang'wan, amu kogobire Gilead tuguugap kariik che kibore peek.

AMOS 5:27

Agoitook anyun keluulok, kimutak osiir Damasko, mwaei Kamuktaindet ne Toroor, ne kainennyi ko Kamuktaindet ne po lugoosyek.

AMOS 6:14

Mwaei Kamuktaindet ne Toroor, Kamuktaindet ne po lugoosyek, kole, “Ee, kootap Israel, nai ni ile, ang'eeti pororyet si obargei, ak konyaliilak kobooch ole kibunei kebendi Lebo-hamath agoi kereruut ne po Arabah.”

KAITOSYEK 32:1

Ki tinyei akwotisyek che chaang' miising' lagogap Reuben ak lagogap Gad. Ye kingo keer emetap Jaser ak emetap Gilead kole emet ne nyoljin akwotisyek,

KAITOSYEK 32:40

Ki igoochi `Musa Makir weeriitap Manasseh, Gilead ak ki meny olooto.

NG'ATUTIK 28:25

“Igoitoin Kamuktaindet ne Toroor koterteerin puuniguk. Ibookyini eng' ooreet agenge ak imwee eng' tainnywa eng' ortinwek tisap ak konaatiin laitornatosyek tugul che po ng'wony.

NG'ATUTIK 3:15

Ki agoochi Makir emetap Gilead.

JOSHUA 11:1

Ye kingo kas Jabin laitoryatap Hasor agobo niito, koyookto ng'olyoo kwo kap Jobap laitoryatap Madon, kap laitoryatap Simron, kap laitoryatap Aksap,

JOSHUA 11:10

Ki week `Joshua eng' ak konam Hasor ak kobar laitoryandennyi eng' rotwetap chok. Ki ne oo Hasor eng' tai eng' laitornatosyechooto tugul.

JOSHUA 11:13

Ago ki ma peel `Israel nganasook che kitonondos eng' tuloonookwak kobatee Hasor kityo ne ki peel Joshua.

JOSHUA 12:19

laitoryatap Madon agenge, laitoryatap Hasor agenge;

JOSHUA 16:6

ak kwo kiwoteet kot koit araraitap Mediterenian. Eng' murot kaataam kowendi kiwoteet kong'etee Mikmethath agoi kong'asiis ne po Taanath-shiloh kosiirto kotogosta agoi kong'asiis ne po Janoah.

JOSHUA 19:35

Nganasook che kiga king'ot ko Sidim, Ser, Amat, Rakat, Kineret,

JOSHUA 19:37

Kedesh, Edrei, En-hasor,

JOSHUA 20:7

Amu nooto anyun, ko ki itabaan Kedesh eng' Galilaya eng' emetap tuloonook ne po Naphtali, Shekem eng' emetap tuloonook ne po Ephraim ak Kiriath-arba (nooto ko Hebron) eng' emetap tuloonook ne po Judah.

KIRUOGIK 18:30

Kilumdochigei `lagogap Dan kanamwet ne ki kiwai kotonon. Ki ek tisiigap pororyetap Danik, Jonathan weeriitap Gershom, weeriitap Musa, ineendet ak weeriikyik agoi peetuut ne ki kiluule emet.

KIRUOGIK 4:2

Ki alda `Kamuktaindet ne Toroor icheek koba eunegap Jabin laitoryatap Kanaan, ne ki laitorani eng' Hasor. Ki indochin lugeennyi Sisera, ne ki menyei Haroset ne po Pororyosyek.