2 LAITORINIK 14:29 - BUKUIT NE TILIIL Sireet ne Dutero Kanon

²⁹ Ki ru Jeroboam kobooto kwanisyekyik, chooto ko laitorinigap Israel. Ak ki laitoran Zekariah weeriinnyi kogeer ineendet.

Bukuit Ne Tilil

²⁹ Ki ru Jeroboam kobooto kwanisyekyik, chooto ko laitorinigap Israel. Ak ki laitoran Zekariah weeriinnyi kogeer ineendet.

BUKUIT NE TILIL

²⁹ Ak kiru Jeroboam koboto kwanisiekyik, choto ko laitorinikab Israel; ak kilaitoran Sekaria werinnyi kogeer inendet.

2 LAITORINIK 14:29 ပူးပေါင်းရင်းမြစ်များ

2 LAITORINIK 10:30

Ki leenji Kamuktaindet ne Toroor Jehu, “Amu ki iyai ne myee eng' yaetap imanda ne myee eng' tainnyu, ak iyachi kootap Ahab ko uu tuguuk tugul che ki mi muguleldanyu, tebee anyun weeriiguk ng'echereetap laitornatet ne po Israel, agoi ibindap ang'wan.”

2 LAITORINIK 14:28

Poisyonik tugul che po Jeroboam, ak tuguuk tugul che ki yai, kimnateennyi, ole kiyaita lugeet, ak ole ki iweegundo Damasko ak Hamath ne ki po Judah, koweekyi Israel, ko tos ma siraatiin eng' kitabuutap ateptap peetuusyek ne po laitorinigap Israel?

2 LAITORINIK 15:1

Ki toi kolaitoran Azariah weeriitap Amasia laitoryatap Judah eng' kenyiitap tiptem ak tisap kobooch kolaitoran Jeroboam eng' Israel.

2 LAITORINIK 15:12

Niito ko ng'olyoot ne ki mwachi Kamuktaindet ne Toroor Jehu, koleenji, “Tebee weeriiguk ng'echereetap laitornatet ne po Israel agoi ibinda ne po ang'wan.” Ak kiyaak ko uu nooto.

2 LAITORINIK 15:8

Ki laitoran Zekariah weeriitap Jeroboam eng' Israel eng' Samaria arawek lo eng' kenyiitap sosom ak sisiit kobooch kolaitoran Azariah eng' Judah.