2 LAITORINIK 11:4 - BUKUIT NE TILIIL Sireet ne Dutero Kanon

⁴ Ki iyookto `Jehoiada chiito eng' kenyiitap tisap kwo koguur kiptainik che pou pogolwogigap Kariitik, ak che po riibiik, koguur icheek kobwa ole mi ineendet eng' kootap Kamuktaindet ne Toroor. Ki iyomiskei kobooto icheek, ak koleenji koyasyo eng' kootap Kamuktaindet ne Toroor, yeityo koboorchi icheek weeriitap laitoryat.

Bukuit Ne Tilil

⁴ Ki iyookto `Jehoiada chiito eng' kenyiitap tisap kwo koguur kiptainik che pou pogolwogigap Kariitik, ak che po riibiik, koguur icheek kobwa ole mi ineendet eng' kootap Kamuktaindet ne Toroor. Ki iyomiskei kobooto icheek, ak koleenji koyasyo eng' kootap Kamuktaindet ne Toroor, yeityo koboorchi icheek weeriitap laitoryat.

BUKUIT NE TILIL

⁴ Ak kiiyokto Jeoiada chito eng’ kenyitab tisab kwo koguur kiptainik che bou bogolwogikab Karitik, ak che bo ribik, koguur ichek kobwa ole mi inendet eng’ gotab Jehovah; ak kiiyomisgei koboto ichek, ak kolenji koyosio eng’ gotab Jehovah, ak koborji ichek weritab laitoriat.

2 LAITORINIK 11:4 ပူးပေါင်းရင်းမြစ်များ

TAUNET 50:25

Ak kimach `Joseph piigap Israel koyasyo kole, “Rutochinok iman Kamuktaindet, ak oip kawekyuk kotogosta koba eng' oli.”

2 SAMUEL 20:23

Kiboi Joab lugeet tugul ne po Israel, koboi Benaiah weeriitap Jehoiada Keretik ak Peletik.

2 SAMUEL 8:18

Ki pou Benaiah weeriitap Jehoiada Keretik ak Peletik ak ki tisiik weeriigap Daudi.

1 LAITORINIK 14:27

Ki yai Rehoboam long'onik che po sugunonik kogeere chooto, ak kogoochi kiptainigap riibiik che ki riibei kurgeetap kootap laitoryat.

1 LAITORINIK 18:10

Ko uu ye sabei Kamuktaindet ne Toroor Kamuktaindeng'ung', koma mi pororyet anan ko laitornatet, ne tomo koyookto piik kiptaiyandennyu koba kocheeng'in. Ak ngo mwa kole, ‘Ma mi oli’, koleenjin pororyonooto anan ko laitornatanooto koyasyo kole, ‘ma keerin.’

2 LAITORINIK 11:17

Ki yai Jehoiada arorutyet eng' kwenutap Kamuktaindet ne Toroor ak laitoryat ak piik kole egu icheek piigap Kamuktaindet ne Toroor; ak eng' kwenutap laitoryat agine ak piik.

2 LAITORINIK 11:19

Ki imut kiptainik che po pogolwogik, ak Kariitik, ak riibiik, piik tugul che po emet, kobooto laitoryat kochoorgei eng' kootap Kamuktaindet ne Toroor, kobun ooreetap ormariichetap riibiik agoi kootap laitoryat. Ak ki tebee ng'echereetap pounateet ne po laitorinik.

2 LAITORINIK 11:3

Ki tebi ak ineendet, kounyegei eng' kootap Kamuktaindet ne Toroor kenyiisyek lo. Ak ki laitoran Athaliah koboi emet.

2 LAITORINIK 11:9

Ki yai anyun kiptainik che pou pogolwogik ko uu tuguuk tugul che ki ng'at Jehoiada tisiindet. Ki imut chii age tugul piikyik, che kibwanei eng' sabato, kobooto che kimandoi eng' sabato. Ki pwa ole mi Jehoiada tisiindet.

2 LAITORINIK 12:7

Koguur anyun Laitoryat Jehoas tisiindet Jehoiada, kobooto tisiik alak, ak koleenji icheek, “Amu nee si moteeche ole ki kobutok eng' koot? Nooto anyun, amata oip fedhaisyek eng' che ongenge, ogoite keyae ole ki kobutok eng' koot.”

2 LAITORINIK 23:3

Ki tonon laitoryat eng' ye po toloita ak koyai arorutyet eng' taitap Kamuktaindet ne Toroor, koosup Kamuktaindet ne Toroor ak koriip ng'atuutikyik, paornatosyekyik ak kayomisutikyik eng' muguleldanyi tugul ak saboondanyi tugul, kogimit ng'aleegap arorutyoni che ki kisirchi bukuini. Kitononso piik tugul koyan arorutyonooto.

1 ATEPTAP PEETUUSYEK 9:13

Tupchosyekwak ak kandoigap kooriigap kwanisyekwak, ko piik eliphuut agenge ak pogol tisap ak tamanwogik lo. Ki piik che tinyei kamuget inne ne po poisyetap otet eng' kootap Kamuktaindet.

2 ATEPTAP PEETUUSYEK 15:12

Ki yai arorutyet kocheeng' Kamuktaindet ne Toroor, Kamuktaindetap kwanisyekwak, eng' mugulelwekwak tugul ak eng' saboonwekwak tugul,

2 ATEPTAP PEETUUSYEK 29:10

Ara anyun, mi muguleldanyu kiyomiske ak Kamuktaindet ne Toroor, Kamuktaindetap Israel, si keistoenech nereegekyik che koroomen.

NEEMIA 10:29

koginamgei ak tupchosyekwak, piikwak che taagunotiin ak ki iyasyo eng' chubisyet ak kayasyoet, kole kobendatee ng'atuutigap Kamuktaindet che ki kigoon eng' Musa otwogindetap Kamuktaindet. Ki iyasyo koriip ak koyai kayomisutik tugul che po Kamuktaindet ne Toroor Kiptaiyandennyo, kobooto kirwoogutikyik ak katigonutikyik.

NEEMIA 5:12

Komwa anyun kole, kiweekyini icheek, ama kemage kiy icheek; kiyae anyun ko uu nooto, ko uu ye kemwa. Ki aguur anyun tisiik, ang'at koyasyo kole koyai ko uu kayomisutyoni.

NEEMIA 9:38

Agot eng' chooto tugul ko kagiyai arorutyet ne kiim, ak keesir, ak kong'ooch pounikyok ak Lawikyok ak tisiikyok.

POISYONIGAP CHE KIYOKTOI 5:24

Ak kingo kas ng'aleechu kiptaiyatap Hekaluut ak tisiik che eecheen, koiimgei miising' agobo icheek kole egu nee anyun ng'aleechu.

POISYONIGAP CHE KIYOKTOI 5:26

Kwo anyun kiptaiyat kobooto kiplugotinik ak komut kobwa, ago ma eng' kimnateet, amu ki iywei kole imuuch kolach piik `icheek eng' koik.

JOSHUA 24:25

Koyomiskei `Joshua anyun ak pichooto peetuunooto, ak koyachi ng'atuutyet ak kayomisutyet eng' Shekem.

1 SAMUEL 18:3

Ki iyomiskei anyun Jonathan ak Daudi, amu ki cham Jonathan ineendet ko uu saboondanyi.

1 SAMUEL 23:18

Ki iyomiskei tuwai eng' taitap Kamuktaindet ne Toroor. Ki tebee Daudi timiin ak ko ki wo Jonathan koonnyi.