2 LAITORINIK 11:17 - BUKUIT NE TILIIL Sireet ne Dutero Kanon

¹⁷ Ki yai Jehoiada arorutyet eng' kwenutap Kamuktaindet ne Toroor ak laitoryat ak piik kole egu icheek piigap Kamuktaindet ne Toroor; ak eng' kwenutap laitoryat agine ak piik.

Bukuit Ne Tilil

¹⁷ Ki yai Jehoiada arorutyet eng' kwenutap Kamuktaindet ne Toroor ak laitoryat ak piik kole egu icheek piigap Kamuktaindet ne Toroor; ak eng' kwenutap laitoryat agine ak piik.

BUKUIT NE TILIL

¹⁷ Ak kiyai Jeoiada arorutiet eng’ kwenutab Jehovah ak laitoriat ak bik kole egu ichek bikab Jehovah; ak eng’ kwenutab laitoriat agine ak bik.

2 LAITORINIK 11:17 ပူးပေါင်းရင်းမြစ်များ

2 SAMUEL 5:3

Ki pwa anyun poisyek tugul che po Israel ole mi laitoryat eng' Hebron; ak ki yai `Laitoryat Daudi arorutyet kobooto icheek eng' Hebron eng' taitap Kamuktaindet ne Toroor, ak ki iil `icheek Daudi koek laitoryat koboi Israel.

2 LAITORINIK 11:4

Ki iyookto `Jehoiada chiito eng' kenyiitap tisap kwo koguur kiptainik che pou pogolwogigap Kariitik, ak che po riibiik, koguur icheek kobwa ole mi ineendet eng' kootap Kamuktaindet ne Toroor. Ki iyomiskei kobooto icheek, ak koleenji koyasyo eng' kootap Kamuktaindet ne Toroor, yeityo koboorchi icheek weeriitap laitoryat.

2 LAITORINIK 23:3

Ki tonon laitoryat eng' ye po toloita ak koyai arorutyet eng' taitap Kamuktaindet ne Toroor, koosup Kamuktaindet ne Toroor ak koriip ng'atuutikyik, paornatosyekyik ak kayomisutikyik eng' muguleldanyi tugul ak saboondanyi tugul, kogimit ng'aleegap arorutyoni che ki kisirchi bukuini. Kitononso piik tugul koyan arorutyonooto.

1 ATEPTAP PEETUUSYEK 11:3

Ki pwa anyun poisyek tugul che po Israel ole mi laitoryat eng' Hebron, ak ki iyomiskei Daudi ak icheek eng' Hebron eng' taitap Kamuktaindet ne Toroor, ak ki iil Daudi koek laitoryat eng' Israel, ko uu ng'olyootap Kamuktaindet ne Toroor ne ki mwa eng' Samuel.

2 ATEPTAP PEETUUSYEK 23:16

Koyomiskei anyun Jehoiada ak piik tugul, ak laitoryat, kole koek piigap Kamuktaindet ne Toroor.

2 ATEPTAP PEETUUSYEK 29:10

Ara anyun, mi muguleldanyu kiyomiske ak Kamuktaindet ne Toroor, Kamuktaindetap Israel, si keistoenech nereegekyik che koroomen.

2 ATEPTAP PEETUUSYEK 34:31

Ak ki tonon laitoryat eng' komostanyi, ak koyai arorutyet eng' taitap Kamuktaindet ne Toroor, koosup Kamuktaindet ne Toroor, ak koriip ng'atuutikyik, ak paornatosyekyik, ak kayomisutikyik, eng' muguleldanyi tugul, ak eng' saboondanyi tugul, koosup ng'aleegap arorutyet che ki kisirchi bukuini.

EZRAH 10:3

Ongiyomiske anyun ak Kamuktaindennyo keiste osotik tugul ak lagok che kisichei osotichooto ko uu ng'olyoondeng'ung' inyee kiptaiyandennyu ak ne po icheeget che kabotanso amu ng'atuutyetap Kamuktaindennyo ak ingoyaak ko uu ng'atuutyet.

NEEMIA 9:38

Agot eng' chooto tugul ko kagiyai arorutyet ne kiim, ak keesir, ak kong'ooch pounikyok ak Lawikyok ak tisiikyok.

JEREMIA 34:8

Ki nyoonji Jeremiah `ng'olyoot ne ki punu Kamuktaindet ne Toroor, ye kingo kagoyai Laitoryat Zedekiah arorutyet kobooto piik tugul che ki mi Jerusalem, kole, komwaita katyaget eng' icheek;

2 KORINTOEK 8:5

ak ma ko uu ye ki kimang'u, ago kisip kogoochigei icheeget Kiptaiyat, ak ki konechkei eng' mageetap Kamuktaindet;

JOSHUA 24:25

Koyomiskei `Joshua anyun ak pichooto peetuunooto, ak koyachi ng'atuutyet ak kayomisutyet eng' Shekem.

1 SAMUEL 10:25

Komwachi `Samuel piik maguutik ak poisyonigap laitornatet. Yeityo kosirchi bukuit ak konde taitap Kamuktaindet ne Toroor. Kingo pata komwachi `Samuel piik tugul koba. Ki wo chii tugul koonnyi.