2 LAITORINIK 11:1 - BUKUIT NE TILIIL Sireet ne Dutero Kanon

¹ Kingo keer Athaliah kametap Ahasia kole kagome weeriinnyi, kong'eet ak kobar anyun iyoteet tugul ne po kaplaitoryat.

Bukuit Ne Tilil

¹ Kingo keer Athaliah kametap Ahasia kole kagome weeriinnyi, kong'eet ak kobar anyun iyoteet tugul ne po kaplaitoryat.

BUKUIT NE TILIL

¹ Ak kingogeer Atalia kametab Aasia kole kagome werinnyi, kong’eet ak kobar anyun iyotet tugul ne bo gab laitoriat.

2 LAITORINIK 11:1 ပူးပေါင်းရင်းမြစ်များ

TAUNET 9:5

Amagenok ne matiny korotiigap saboonwekwok agobo saboondap chii, eng' tyony age tugul ak eng' chii anan ko eng' ne tupcho.

TAUNET 9:6

Chii age tugul ne tumdoi korotiigap chii, ketumdoi chechiik agine; amu eng' itoondonyi ko ki yai `Kamuktaindet chii.

1 LAITORINIK 1:12

Nyoo anyun, asoomin ale aneetiin kiy, si kobiit isaru saboondang'ung' ak saboondap weeriing'ung' Solomon.

1 LAITORINIK 2:44

Ki mwachi kogeny laitoryat Shimei koleenji, “Ingen inyee tengektong'ung' tugul ne mi muguleldang'ung'; ne ki iyachi Daudi abba. Nooto anyun weekyin Kamuktaindet ne Toroor tengektong'ung' meting'ung'.

2 LAITORINIK 10:36

Ki laitoran Jehu koboi Israel eng' Samaria ko ki kenyiisyek tiptem ak sisiit.

2 LAITORINIK 10:7

Kingo it parweet oldanywa, konam weeriigap laitoryat ak kobar, piik tamanwogik tisap ak konde metowekwak kitongok, ak koyooktoochi ineendet eng' Jezreel.

2 LAITORINIK 12:1

Ki toi kolaitoran Jehoas eng' kenyiitap tisap ne po Jehu, ak ki laitoran kenyiisyek artam eng' Jerusalem. Kainetap kamennyi ko ki Sibia ne po Beer-sheba.

2 LAITORINIK 25:25

Ago ki nyo eng' arawetap tisap Ishmael weeriitap Netania, weeriitap Elisama, ne po kesweegap kaplaitoryat, ak ki pwa ak piik taman, ak kobar Gedalia kome kobooto Yahudik ak Kaldeik che ki mi kobooto ineendet eng' Mispa.

2 LAITORINIK 8:26

Ki po kenyiisyek tiptem ak aeng' Ahasia ye ki tau kolaitorani, ak ki laitoran kenyiit agenge eng' Jerusalem. Ak kainetap kamet ko ki Athaliah cheptap Omri laitoryatap Israel.

2 LAITORINIK 9:27

Kingo keer Ahasia laitoryatap Judah kioto, komwei kobun ooreet ne wendi koot ne mi mbar (Beth-hagan). Ki oon Jehu ineendet ak kole, “Obar ineendet agine eng' chepkichutit!” Ki kibar ineendet eng' ole kitogostoe eng' Gur ye neegitee Ibleam. Kimwechi Megiddo ak komechi yooto.

2 ATEPTAP PEETUUSYEK 24:7

Amu ki kobut weeriigap Athaliah, kwonyooto sogoran kootap Kamuktaindet ne Toroor, ak kogoochi Baalik tuguuk tugul che kiga kitabaanji kootap Kamuktaindet ne Toroor.”

JEREMIA 41:1

Ki nyo anyun Ishmael weeriitap Netania weeriitap Elisama ne po iyoteetap kaplaitoryat, kobooto kiptaiyat age ne oo ne po laitoryat, ak piik taman che ki mi kobooto ineendet, eng' arawetap tisap, kap Gedalia weeriitap Aikam eng' Mispa; ak ki amis tugul eng' olooto eng' Mispa.

MATAYO 2:13

Ye kingo kagoba icheek, komong'ji `malaikaiyatap Kiptaiyat Joseph eng' karwotitoet ak koleenji, “Ng'eet, imut lakweet ak kamennyi, mwechi Misiri ak itebee olooto agoi tuun amwaun amu cheeng'ei Herod kobar lakweet.”

MATAYO 2:16

Kingo keer Herod kole king'al `ng'oomotik ineendet, konereech miising' ak koyookto kebar lagok tugul che weeriik che po kenyiisyek aeng' ak korek eng' Bethlehem ak eng' tabanwekyik tugul kosuupkei ak peetuut ne kiginee piik che ng'oomen.

KIRUOGIK 9:5

Ki wo anyun kootap kwandanyi eng' Ophrah, ak kibarchi koita agenge tupchosyekyik, weeriigap Jerubaal, chooto tamanwogik tisap. Ago kichilil Jotham weeriit ne ming'in ne po Jerubaal, amu kiunygei.