2 LAITORINIK 10:31 - BUKUIT NE TILIIL Sireet ne Dutero Kanon

³¹ Ago ma mage kiy Jehu kowendote ng'atuutigap Kamuktaindet ne Toroor, Kamuktaindetap Israel, eng' muguleldanyi tugul. Ma istoegei tengekwogigap Jeroboam, che ki ibeete Israel si koyai tengekto.

Bukuit Ne Tilil

³¹ Ago ma mage kiy Jehu kowendote ng'atuutigap Kamuktaindet ne Toroor, Kamuktaindetap Israel, eng' muguleldanyi tugul. Ma istoegei tengekwogigap Jeroboam, che ki ibeete Israel si koyai tengekto.

BUKUIT NE TILIL

³¹ Ago ma mage kiy Jeu kowendote ng’atutikab Jehovah, Kamuktaindetab Israel, eng’ muguleldanyi tugul: ma istoegei tengekwogikab Jeroboam, che kiibeete Israel si koyai tengekto.

2 LAITORINIK 10:31 ပူးပေါင်းရင်းမြစ်များ

1 LAITORINIK 14:16

Metoi ineendet Israel amu tengekwogigap Jeroboam, che ki yai ineendet, che ki ibeete Israel si koyai tengekto.”

1 LAITORINIK 2:4

si kobiit koogimiit Kamuktaindet ne Toroor ng'olyoondennyi ne ki mwa agobo anee, kole, Ngot koriip lagoguk ortinwekwak, kobendat eng' tainnyu eng' imanit eng' mugulelwekwak tugul ak eng' saboonwekwak tugul, koma petenen chiito ne tebee ng'echereetap laitornatet eng' Israel.

2 LAITORINIK 10:29

Ago ma istoegei Jehu kasubetap tengekwogigap Jeroboam weeriitap Nebat, ne ki igoochi Israel koyai tengekto, chooto ko ki moegap thahabu che ki mi Bethel ak che ki mi Dan.

2 LAITORINIK 17:22

Kibendate piigap Israel tengekwogik tugul che po Jeroboam che ki yai; ma istoegei,

2 LAITORINIK 3:3

Nganda uu nooto ko ki nam ineendet tengekwogigap Jeroboam weeriitap Nebat, che ki ibeete Israel si koyai tengekto; ma istoegei.

2 ATEPTAP PEETUUSYEK 6:16

Ara anyun, ee Kamuktaindet ne Toroor, Kamuktaindetap Israel, isuldochi otwogindeng'ung' abba Daudi kiit ne ki iyomisyi, ileenji, ‘Ma petenen chiito ne tebee ng'echereetap laitornatet ne po Israel eng' tainnyu, ngot koriip lagoguk ortinwekwak, kobendatee ng'atuutyennyu, ko uu ye ki iwendote tainnyu.’

NEEMIA 10:29

koginamgei ak tupchosyekwak, piikwak che taagunotiin ak ki iyasyo eng' chubisyet ak kayasyoet, kole kobendatee ng'atuutigap Kamuktaindet che ki kigoon eng' Musa otwogindetap Kamuktaindet. Ki iyasyo koriip ak koyai kayomisutik tugul che po Kamuktaindet ne Toroor Kiptaiyandennyo, kobooto kirwoogutikyik ak katigonutikyik.

TIENWOGIKAL 119:9

Itiliile nee mureno ooreennyi? Kogas iit, ko uu ng'olyoondeng'ung'.

TIENWOGIKAL 39:1

Ki amwa ale, ariibe ortinwekyuk, si ma mwa `ng'elyeptanyu tengek. Ageree kutinnyu `karnet, ye ta komi tainnyu kiptengeginik.

TIENWOGIKAL 78:10

Ki ma riip kayomisetap Kamuktaindet, Ak ki eesyo kobendatee ng'atuutyennyi:

KALEWANAIK 4:23

Riip muguleldang'ung' eng' kagiiletapkei tugul, amu yooto ko punu kong'igap peegap saboon.

EZEKIEL 36:27

Ak andeok Kabuusennyu, ak agoonok obendate ng'atuutikyuk, ak oriip kirwoogutikyuk ak oyai.

NG'ATUTIK 4:15

Oriipkei anyun miising'; amu ki ma ogeer itoon age tugul eng' peetuut ki ng'alaalwok Kamuktaindet ne Toroor eng' Horeb eng' maat.

NG'ATUTIK 4:23

Oriipkei anyun si moutye kayomisetap Kamuktaindet ne Toroor Kamuktaindeng'wong', ne ki yai kobootok, oyai kanamwet eng' kergeindap kiy age tugul ne kietenen Kamuktaindet ne Toroor Kamuktaindeng'ung'.

NG'ATUTIK 5:33

Obun ortinwek tugul che king'ataak Kamuktaindet ne Toroor Kamuktaindeng'wong', si osapche ak komyeeit eng' okweek ak kochang'a peetuusyekwok eng' emet ne oname kobunjook.”

HEBRANIK 12:15

ogeer si ma rartae chii myeeindap Kamuktaindet; si ma piit tigityotap ng'wanindo ak konyalilis, ak komurwon che chaang';

HEBRANIK 2:1

Eng' nooto anyun kanyool kenam miising' kosiir tuguuchooto ki kegas, si ma kichuchuige.