2 KORINTOEK 9:15 - BUKUIT NE TILIIL Sireet ne Dutero Kanon

¹⁵ Kongoi eng' Kamuktaindet amu konunennyi ne ma mwaoksei.

Bukuit Ne Tilil

¹⁵ Kongoi eng' Kamuktaindet amu konunennyi ne ma mwaoksei.

BUKUIT NE TILIL

¹⁵ Kongoi eng’ Jehovah amu konunennyi ne ma mwaoksei.

2 KORINTOEK 9:15 ပူးပေါင်းရင်းမြစ်များ

1 ATEPTAP PEETUUSYEK 16:35

Omwa ole, “Sarwech, ee Kiptaiyat Kamuktaindetap yetunennyo, iyumech ak isarwech kemong'u eng' pororyosyek, si kobiit keeweekyi kongoi kaineng'ung' ne tiliil, ak kigaaskei eng' kalasuneng'ung'.”

1 ATEPTAP PEETUUSYEK 16:8

Oweekyi kongoi Kamuktaindet ne Toroor, oguur kainennyi; ongonaak poisyonikyik eng' piik tugul.

TIENWOGIKAL 30:12

Si kobiit kolasun saboondanyun ama siisei. Ee Kamuktaindet ne Toroor Kamuktaindennyu, aweegun kongoi koigeny.

TIENWOGIKAL 30:4

Otyenji Kamuktaindet ne Toroor kalasunet, okweek che oo chechiik che tiliileen, oweekyi kongoi kainennyi ne tiliil.

TIENWOGIKAL 92:1

Kiit ne myee ko keeweekyi kongoi Kamuktaindet ne Toroor, Ak ketyenji kaineng'ung' eng' kalasunoik, ee inyee Ne Toroor Miising':

ISAIAH 49:6

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

LUKA 2:38

Ak ki nyo eng' sainooto ak kogoochi Kamuktaindet kongoi, ak ki ng'alaalji tugul che ki igeni katyaget eng' Jerusalem agobo ineendet.

JOHANA 1:16

Amu ko ki kitaach acheek tugul che po nyiennyi, ak myeeindo eng' myeeindo.

JOHANA 3:16

Amu ki cham Kamuktaindet ng'wony miising', kot kogoito Weeriinnyi ne ki kisich ineegei, si ma lus age tugul ne iyani ineendet, ago si konyoor saboondap koigeny.

ROMANIK 5:15

Ago ma uu pistoet, konunetap chamyet. Amu ngo ki pek che chaang' eng' pistoetap agenge, ko kitesak miising' kosiir eng' che chaang', myeeindap Kamuktaindet, ak konunet eng' myeeindap chiito agenge, Jeso Kristo.

ROMANIK 6:23

Amu melektap tengek ko meet; ago konunetap chamyet ne po Kamuktaindet ko saboondap koigeny eng' Kristo Jeso Kiptaiyandennyo.

ROMANIK 8:32

Ineendet ne ki ma riiree Weeriinnyi, ago kigon ineendet agobo acheek tugul, tos ma koonech tuguuk tugul eng' aiyebindo kobooto ineendet?

1 KORINTOEK 15:57

ago kigoochini Kamuktaindet kongoi, ne koonech kabelisyet eng' Kiptaiyandennyo Jeso Kristo.

2 KORINTOEK 2:14

Ago kongoi eng' Kamuktaindet, ne imutatech kotugul kibelisye eng' Kristo, ak koboortoi nyamdutyetap naennyi eng' acheek eng' komosta age tugul.

2 KORINTOEK 9:11

ki koonok mogornateet eng' kiy age tugul eng' aiyebindo tugul, ne igoochin Kamuktaindet kongoi eng' acheek.

2 KORINTOEK 9:14

ak eng' saaennywa agobo okweek, koting'enok emosto amu myeeindap Kamuktaindet ne tesat miising' eng' okweek.

EPESOEK 5:20

ogoitoi kongoi kotugul agobo tuguuk tugul eng' kainetap Kiptaiyandennyo Jeso Kristo, ogoochini Kamuktaindet, ineendet Kwanda;

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

NG'ANG'UTYET 4:9

Ak ye igoochi tuguuchooto saptos toroornatet ak teegisto ak kongoi ineendet ne tebee ng'echeranooto po laitornatet, ineendet ne sabei koigeny ak koigeny,