2 KORINTOEK 4:15 - BUKUIT NE TILIIL Sireet ne Dutero Kanon

¹⁵ Amu tuguuk tugul ko agobo okweek, si ye tesak myeeindo eng' che chaang', koyai kagoitoetap kongoi kotesak eng' katorooretap Kamuktaindet.

Bukuit Ne Tilil

¹⁵ Amu tuguuk tugul ko agobo okweek, si ye tesak myeeindo eng' che chaang', koyai kagoitoetap kongoi kotesak eng' katorooretap Kamuktaindet.

BUKUIT NE TILIL

¹⁵ Amu tuguk tugul ko agobo okwek, si ye tesak mieindo eng’ che chang’, koyai kagoitoetab kongoi kotesak eng’ katororetab Jehovah.

2 KORINTOEK 4:15 ပူးပေါင်းရင်းမြစ်များ

TIENWOGIKAL 50:14

Igoochi Kamuktaindet korosyotap kongoi; ak yaakyi Ineendet Ne Toroor Miising' arorutiguk.

TIENWOGIKAL 50:23

Age tugul ne igoitoi korosyotap kongoi ko nooto ne iloswa; ak ineendet ne chobei atebeennyi komyee aboorchini yetunetap Kamuktaindet.”

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

1 KORINTOEK 9:19

Agot ngo ki atyagat eng' piik tugul, ko ki ayaige aek ne rataat agobo tugul, si kobiit anyoor che siirtoot.

2 KORINTOEK 1:11

otoretech ak okweek kibagenge eng' soomeng'wong'; si kobiit kogoito kongoi piik che chaang' agobo acheek, amu konunet ne ki kigoonech eng' toretetap che chaang'.

2 KORINTOEK 8:19

ak ma nooto kityo, ago ki lewen kanisosyek ineendet kebendatee tugul agobo myeini, ne kiyae acheek keyachini toroornatetap Kiptaiyat, ak kibooru chobennyo pogei ne kitinye.

GALATYEK 1:24

ak kiitoroor icheek Kamuktaindet eng' anee.

KOLOSAIK 1:24

Abaibai anyun nguno eng' nyalilwogikyuk agobo okweek, ak anyiiti eng' komostanyu nooto ne rarunoot agobo nyalilwogigap Kristo eng' poortanyu agobo poortanyi, nooto kaniset;

1 TIMOTEO 1:14

ak kitesak myeeindap Kiptaiyandennyo kobarait kobooto kayaneet ak chamyet ne mi eng' Kristo Jeso.

2 TIMOTEO 2:10

Nooto anyun amuitoi eng' tuguuk tugul amu che ki kilewen, si kobiit konyoor ak icheek yetunet ne miitei eng' Kristo Jeso kobooto toroornatetap koigeny.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.