2 KORINTOEK 11:31 - BUKUIT NE TILIIL Sireet ne Dutero Kanon

³¹ Ingen Kamuktaindet Kwandap Kiptaiyat Jeso, ne iberuurot koigeny, kole magenu.

Bukuit Ne Tilil

³¹ Ingen Kamuktaindet Kwandap Kiptaiyat Jeso, ne iberuurot koigeny, kole magenu.

BUKUIT NE TILIL

³¹ Ingen Jehovah Kwandab Kiptaiyat Jesu, ne iberurot koigeny, kole magenu.

2 KORINTOEK 11:31 ပူးပေါင်းရင်းမြစ်များ

NEEMIA 9:5

Yeityo komwa Lawiik: Jeshua, Kadmiel, Bani, Hasabeneia, Serebia, Hodia, Sebania ak Petaia kole, “Otononie ak olasu Kamuktaindet ne Toroor, Kamuktaindeng'wong' kobooch koigeny agoi koigeny.” Ingoberuurok kaineng'ung' ne po toroornatet, ne itoroorot kosiir kaberuret tugul ak kalasunet.

TIENWOGIKAL 41:13

Ingitoroor Kamuktaindet ne Toroor, Kamuktaindetap Israel, kobooch keny agoi koigeny. Amen, ak Amen.

JOHANA 10:30

Anee ak Kwanda, ko ki agenge.”

JOHANA 20:17

Koleenji Jeso, “Ametiinyo; amu tomo atogosyi kap Kwanda; ago ui ole mi tupchosyekyuk, ak ki leenji, ‘Atogosyini kap Abba, ago Abba neng'wong', Kamuktaindennyu ak ko Kamuktaindeng'wong'.’ ”

ROMANIK 1:25

amu ki wal imanitap Kamuktaindet kowale lembeita, ak kolas ak koot kiit ne ki kiyai kosiir Yaindet, ne iberuurot koigeny. Amen.

ROMANIK 1:9

Amu Kamuktaindet paoryandennyu, ne aoote eng' saboondanyu eng' logoiywek che myach che po Weeriinnyi, ale masise amwa agobo okweek kotugul eng' saautikyuk,

ROMANIK 15:6

si kobiit otoroor Kamuktaindet ineendet Kwandap Kiptaiyandennyo Jeso Kristo eng' mageet agenge ak kutit agenge.

ROMANIK 9:1

Amwae iman eng' Kristo, ma mwaei lembech, paoryani kabwaatutikyuk kobooto eng' Kabuuset ne Tiliil,

ROMANIK 9:5

ne chechwaak kwanisyek, ak nenywa Kristo eng' atebeetap poorto. Iberuurot koigeny Kamuktaindet, ne pou tugul. Amen.

2 KORINTOEK 1:23

Ago aguure Kamuktaindet koek paoryat eng' saboondanyu, ale, si koma nyo Korinto, ko ki ariirenak.

2 KORINTOEK 1:3

Iberuurot Kamuktaindet ne Kwandap Kiptaiyandennyo Jeso Kristo, Kwanda ne po rireenosyek ak Kamuktaindet ne po kagaigaet tugul;

2 KORINTOEK 11:11

Amu nee anyun? Amu ma chamok? Ingen Kamuktaindet.

GALATYEK 1:20

Ara anyun, eng' tuguuk che asirwok, ogeero, eng' taitap Kamuktaindet koma mwaei lembech.

EPESOEK 1:3

Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:

EPESOEK 3:14

Amu niito anyun agutung'jini Kwanda,

KOLOSAIK 1:3

Kigoochini kongoi Kamuktaindet Kwandap Kiptaiyandennyo Jeso Kristo, kesaiywok kotugul,

1 THESSALONIKEK 2:5

Amu ki ma kinyoorwech eng' sait age tugul keboisyee ng'aleegap kachaunetapkei, ko uu ye ongen, anan ng'aleegap ung'oot che po keiyandit, paoryat Kamuktaindet;

1 TIMOTEO 1:11

ko uu ye mwaei logoiywek che myach che po toroornatetap Kamuktaindet ne iberuurot, che ki kigoono atononji.

1 TIMOTEO 1:17

Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.

1 TIMOTEO 6:16

ne tinyei ineegei saboondap koigeny, ne menyei eng' lapkeiyet ne ma kimuuchi keriikyi; ne tomo kogeer chii, amaimuuchi kogeer: ingobunji ineendet teegisto ak kamuktaet koigeny. Amen.

1 PETERO 1:3

Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,