2 ATEPTAP PEETUUSYEK 36:19 - BUKUIT NE TILIIL Sireet ne Dutero Kanon

¹⁹ Ak ki peel kootap Kamuktaindet, ak kobut irimeetap Jerusalem, ak kobeel kooriik tugul che po laitoryat, ak kong'em tuguuk tugul che korooron che ki mi koorchooto.

Bukuit Ne Tilil

¹⁹ Ak ki peel kootap Kamuktaindet, ak kobut irimeetap Jerusalem, ak kobeel kooriik tugul che po laitoryat, ak kong'em tuguuk tugul che korooron che ki mi koorchooto.

BUKUIT NE TILIL

¹⁹ Ak kibeel gotab Kamuktaindet, ak kobut irimetab Jerusalem, ak kobeel gorik tugul che bo laitoriat, ak kong’em tuguk tugul che kororon che kimi gorjoto.

2 ATEPTAP PEETUUSYEK 36:19 ပူးပေါင်းရင်းမြစ်များ

1 LAITORINIK 9:8

Agot nganda toroor kooi kot, ko tuun kwong'ee age tugul ne siirtoe yooto, ak kosasei; ak komwa icheek kole, ‘Amu nee si koyachi ko uu ni Kamuktaindet ne Toroor emoni ak kooi?’

2 ATEPTAP PEETUUSYEK 34:24

kamwa Kamuktaindet ne Toroor ko uu ni, kole, ‘Ogeero, aipchini yaityet yuto, ak icheek che menyei olito, chubisyosyek tugul che ki kisirchi bukuit ne kagesoman eng' taitap laitoryatap Judah:

2 ATEPTAP PEETUUSYEK 7:20

atutu anyun icheek eng' emennyu ne ki agoochi; ak awirte kooi eng' tainnyu ne ki atabaanji kainennyu, ak ayai koek kalewenet ak atindyot eng' pororyosyek tugul.

NEEMIA 1:3

Kimwaiwo icheek kole, “Tinyei nyalilda ne oo ak churisyet eng' emonooto piik che ki ng'et eng' che kiga keluul. Ki kobutok agine irimeetap Jerusalem ak ki kebeel ormariichokyik.”

NEEMIA 2:3

Ki aleenji laitoryat, “Ingosap laitoryat koigeny. Kalya si ma aaragen togeennyu ago ki koek karaatya nganaseet ye mi kereeriisyegap kwanisyekyuk ak ki kolalyo ormariichokyik?”

TIENWOGIKAL 79:1

Ee Kamuktaindet, kagomong'ji poroteng'ung' pororyosyek; Kagomurwon hekalung'ung' ne tiliil; Kagoyai Jerusalem koegunoot karurugutik.

TIENWOGIKAL 79:7

Amu kigoam Jakobo, Ak ki koyai koek karaita ole menyei.

TIENWOGIKAL 80:16

Kigebeel eng' maat, ak kigeep: Lustos eng' kereetap kong' ne po togeng'ung'.

ISAIAH 5:6

Ametoi keng'em, si ma kesabori ama kesemberi; ago piitos katook che rutei piich ak che toorei piich. Ang'ate kogeny poolik si mata korobonji.”

JEREMIA 21:10

Amu kaatokyi togeennyu nganasani aipchi yaityet, ma agobo myeeindo, mwaei Kamuktaindet ne Toroor; kindoi eutap laitoryatap Babilon si kobeel.

JEREMIA 21:14

Ak abirok ko uu logoegap poisyonikwok, mwaei Kamuktaindet ne Toroor: ak anaam maat eng' osnennyi, ak kobeel tugul che miitei komoswekyik.

JEREMIA 32:29

ak kobwa Kaldeik che paregei ak nganasani, kobwa konaam nganasani, ak kobeel, kobooto kooriik, che ki igoitoe icheek nyamdutik che kibeelei, kogoochin Baal eng' paragutap koorichooto, ak koroong'jin kanamonik che teer, kagoochinoik che kieei, si kobiit kotacha anereech.

JEREMIA 7:14

ayachini anyun koyooto, nooto kimwaitoe kainennyu, ne omang'u, kobooto komosta ne ki agoonok ak kwanisyekwok, ko uu ye ki ayachi Shiloh.

JEREMIA 7:4

Amomang'u ng'aleechu po lembech ak ole: “Hekaluutap Kamuktaindet ne Toroor, Hekaluutap Kamuktaindet ne Toroor, Hekaluutap Kamuktaindet ne Toroor chuuto!”

RIREKAB JEREMIA 4:1

Kalya si komurwoniitu thahabu! Kalya si kowalagiis thahabu che tiliileen miising'! Kagirong' koigap ole-tiliil eng' tabandap ooreet age tugul.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

SEKARIA 1:6

Ago tos ki ma ityi kwanisyekwok ng'aleekyuk ak ng'atuutikyuk che ki ang'at otwogikyuk maotik? Ak ki week icheek ak kole, “Ki koyaiywech Kamuktaindet ne Toroor ne po lugoosyek ko uu ye kiga ibwaat kole yaiywech ko uu ortinwekyok, ak ko uu poisyonikyok.”

LUKA 21:6

Eng' tuguuchu ogeere, ko tuun pwoonei peetuusyek, che ma ng'etunee koita agot agenge paragutap age, ne ma tuun ki wiirchin ng'wony.