2 ATEPTAP PEETUUSYEK 34:5 - BUKUIT NE TILIIL Sireet ne Dutero Kanon

⁵ Ak ki peel kawegap tisiik eng' kapkorosusyekwak, ak kotiliil Judah ak Jerusalem.

Bukuit Ne Tilil

⁵ Ak ki peel kawegap tisiik eng' kapkorosusyekwak, ak kotiliil Judah ak Jerusalem.

BUKUIT NE TILIL

⁵ Ak kibeel kowekab tisiik eng’ kapkorosusiekwak, ak kotilil Juda ak Jerusalem.

2 ATEPTAP PEETUUSYEK 34:5 ပူးပေါင်းရင်းမြစ်များ

1 LAITORINIK 13:2

Ak kiwaage ineendet kapkorosuut eng' ng'olyootap Kamuktaindet ne Toroor kole, “Ee, kapkorosuni, kapkorosuni, kamwa Kamuktaindet ne Toroor kole, ‘Keero, tuun kisikyin lakweet kootap Daudi, ne kiguure kainennyi Josiah; ak kogoitoenen ineendet tisiigap komoswek che torooreen, che peelenen nyamdutik, ak tuun peelei eng' inyee kawegap piik.’ ”

2 LAITORINIK 23:16

Kingo welelgei Josiah, ko ki keer kereeriisyek che ki mi tulweet. Ki iyookto piik koba koip kawek eng' kereeriisyechooto ak kobeel eng' kapkorosunooto, ak kong'wanit ko uu ng'olyootap Kamuktaindet ne Toroor, ne kimwaita chiitap Kamuktaindet ne kimwaitoi tuguuchooto.

2 LAITORINIK 23:20

Ki par tisiik tugul che po komoswek che torooreen che ki mi yooto, eng' kapkorosusyek, ak kobeel kawegap piik eng' paragunnywa. Yeityo koweek kwo Jerusalem.

2 ATEPTAP PEETUUSYEK 34:33

Ak ki isto Josiah tuguuk tugul che kiwechei eng' emotinwek tugul che po Israel, ak kong'at piik tugul che po Israel kootis, koot Kamuktaindet ne Toroor Kamuktaindennywa. Ma meto pichooto koosup Kamuktaindet ne Toroor, Kamuktaindetap kwanisyekwak, eng' peetuusyekyik tugul.

2 ATEPTAP PEETUUSYEK 34:7

Ak kibut kapkorosusyek, ak kong'a Aserik ak kanamonik che ki kiwai ak kanamonik che ki kitany, koek temburyek, ak koluul kanamonik tugul che po asiista eng' emet komugul ne po Israel, yeityo koweek Jerusalem.

JEREMIA 3:10

Ak eng' chu tugul, ko chepkamennyi Judah kaberberindet, koma weekyagei eng' muguleldo komugul, ago eng' ng'aalseet, mwaei Kamuktaindet ne Toroor.

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

EZEKIEL 22:24

Ee, weeriitap chii, ileenji emonooto, ii emet ne tomo ki anyiny, anan kerobonji eng' peetuutap nereegek.

KAITOSYEK 35:33

Amomurwon anyun emet ne omi. Amu imurwoni emet korotiik. Ak ma mi kiy ne ki anyinyee emet amu korotiik che kitumjigei kobatee korotiigap ineendet ne kitumda korotichooto.