2 ATEPTAP PEETUUSYEK 34:3 - BUKUIT NE TILIIL Sireet ne Dutero Kanon

³ Amu eng' kenyiitap sisiit ne po laitornatennyi, ye kita ko ming'in, kotoi kocheeng' Kiptaiyat Kamuktaindetap Daudi kwandanyi: ak eng' kenyiitap taman ak aeng' kotoi kotiliil Judah ak Jerusalem koisto komoswek che torooreen, ak Aserik, ak kanamonik che ki kiwai ak kanamonik che ki kitany.

Bukuit Ne Tilil

³ Amu eng' kenyiitap sisiit ne po laitornatennyi, ye kita ko ming'in, kotoi kocheeng' Kiptaiyat Kamuktaindetap Daudi kwandanyi: ak eng' kenyiitap taman ak aeng' kotoi kotiliil Judah ak Jerusalem koisto komoswek che torooreen, ak Aserik, ak kanamonik che ki kiwai ak kanamonik che ki kitany.

BUKUIT NE TILIL

³ Amu eng’ kenyitab sisiit ne bo laitornatennyi, ye kita ko ming’in, kotoi kocheng’ Kamuktaindetab Daudi kwandanyi: ak eng’ kenyitab taman ak aeng’ kotoi kotilil Juda ak Jerusalem koisto komoswek che tororen, ak Aserik, ak kanamonik che kigiwai ak kanamonik che kigitany.

2 ATEPTAP PEETUUSYEK 34:3 ပူးပေါင်းရင်းမြစ်များ

1 LAITORINIK 13:2

Ak kiwaage ineendet kapkorosuut eng' ng'olyootap Kamuktaindet ne Toroor kole, “Ee, kapkorosuni, kapkorosuni, kamwa Kamuktaindet ne Toroor kole, ‘Keero, tuun kisikyin lakweet kootap Daudi, ne kiguure kainennyi Josiah; ak kogoitoenen ineendet tisiigap komoswek che torooreen, che peelenen nyamdutik, ak tuun peelei eng' inyee kawegap piik.’ ”

2 LAITORINIK 10:27

Ki iluul toloitap Baal ak kobut kootap Baal, ak koyai koek koot ne kimasyin, agoi ra.

2 LAITORINIK 18:4

Ki isto komoswek che torooreen, kibut tolochik ak koluul tolochigap Asera. Kitui ereneetap sugunwet ne kiyaei Musa, ne kiguure Nehustan. Amu kibeeljin nyamdutik piigap Israel agoi peetuusyechooto.

2 LAITORINIK 20:5

“Weege kogeny, ak ileenji Hezekiah pounindetap piikyuk, Kamwa Kamuktaindet ne Toroor, Kamuktaindetap kwandang'ung' Daudi, kole: Kaagas saaeng'ung', kaageer peeguk po kong'; ara asaabin anyun. Itogostoi kootap Kamuktaindet ne Toroor eng' peetuutap somok.

2 LAITORINIK 23:14

Kituatui anyun ineendet tolochik ak koep Aserik koluul, ak ki inyiit olooto kawegap piik.

2 LAITORINIK 23:4

Ki ng'at `laitoryat Hilkiah tisiindet ne oo, tisiik che rubei ne po tai ak riibiigap kurgeet, koip komong' eng' Hekaluutap Kamuktaindet ne Toroor tereenik tugul che ki kiyachin Baal, che po Asera ak che po tuguuk tugul che po kipsengwet. Ki peel eng' Jerusalem saang' eng' mbareetap Kidron ak koip oreek koba Bethel.

1 ATEPTAP PEETUUSYEK 22:5

Ki le Daudi, “Ta ko ming'in weeriinnyu Solomon, ak ko etyet, ak nyolu kogararanit miising' koot ne keteekyin Kamuktaindet ne Toroor, konyoor tagunateet ak toroornatet eng' emotinwek tugul. Ko uu nooto anyun achopchini tuguuk koyooto.” Kochop anyun Daudi tuguuk ng'iisyat kotom kome.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 29:1

Ki leenji `Laitoryat Daudi tuiyet tugul, “Ta ko ming'in Solomon weeriinnyu, ne ki lewen ineegei Kamuktaindet, ak kota ko etyet, ak ko oo poisyet; amu koyooto po laitoryat koma po chiito, po Kamuktaindet ne po Toroornatet.

2 ATEPTAP PEETUUSYEK 14:6

Ki teech nganasook che ng'ootaatiin eng' Judah. Ki mi kaalyeet emet ak ki ma kotinyei lugeet eng' kenyisyechooto, amu kiga kogoochi `Kamuktaindet ne Toroor ineendet kamuung'et.

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 30:14

Kong'eetyo anyun ak koisto kaptisisyosyek che ki mi Jerusalem, ak kapkorosusyek tugul che po nyamdutik ak kowiirchi kererutap Kidron.

2 ATEPTAP PEETUUSYEK 33:15

Ak ki isto kanamonik che too ak kanamwet ne ki mi kootap Kamuktaindet ne Toroor ak kapkorosusyek tugul che kiga koteech eng' tulweetap kootap Kamuktaindet ne Toroor, ak eng' Jerusalem, ak kowiirchi saang'utap nganaseet.

2 ATEPTAP PEETUUSYEK 33:17

Agos kita koeny piik tiseiywek eng' komoswek che torooreen, ago kieng'jine yooto Kamuktaindet ne Toroor Kamuktaindennywa kityo.

2 ATEPTAP PEETUUSYEK 33:22

Ak ki yai ne ya eng' taitap Kamuktaindet ne Toroor ko uu ye ki yai kwandanyi Manasseh: ak kieng'ji Ammon tiseiywek kanamonik tugul che ki kiwai che kiga koyai kwandanyi Manasseh, ak koot.

2 ATEPTAP PEETUUSYEK 34:33

Ak ki isto Josiah tuguuk tugul che kiwechei eng' emotinwek tugul che po Israel, ak kong'at piik tugul che po Israel kootis, koot Kamuktaindet ne Toroor Kamuktaindennywa. Ma meto pichooto koosup Kamuktaindet ne Toroor, Kamuktaindetap kwanisyekwak, eng' peetuusyekyik tugul.

TIENWOGIKAL 119:9

Itiliile nee mureno ooreennyi? Kogas iit, ko uu ng'olyoondeng'ung'.

TIENWOGIKAL 71:5

Amu inyee ne ageniin, ee Kiptaiyat Kamuktaindet ne Toroor, Ii kamang'unennyu kobooch ko aa ming'in.

KOMONG'U 34:13

Ago obut kapkorosusyekwak. Otuatui kanamonikwak kotonogis ak oluul Aserikwak,

KALEWANAIK 20:11

Naoksei lakweet eng' poisyonikyik, ngo tiliil poisyennyi anan ngo litit.

KALEWANAIK 8:17

Achame che chama; ak nyoorwo che cheeng'a eng' kagiiletapkei.

AMDOINDET 12:1

Ibwaat kogeny Yaindeng'ung' eng' peetuusyegap ming'inateng'ung', kotom koit peetuusyek che yaach ak koriik kenyiisyek che imwae ile, “Ma paibaitune chuuto,”

ATEPTAP LAWIK 26:30

Ang'eme awong'u komoswekwok che torooreen ak aluul kanamonikwok che po asiista, ak awirchi muuswekwok ole mi muuswegap kanamonikwok, ak kowechok saboondanyu.

MIKAH 1:5

Piitu chuuto amu pistoetap Jakobo, ak amu tengekwogigap kootap Israel. Nee pistoetap Jakobo? Tos ma Samaria? Ak nee komoswek che torooreen che po Judah? Tos ma Jerusalem?

MATAYO 6:33

Ago ocheeng' korook laitornatennyi, (ne po Kamuktaindet) ak imandanyi; si keteswook tuguuchu tugul.

2 TIMOTEO 3:15

ak kobooch ko ii lakwa ko ki ingen siruutik che tiliileen che imuuchi kong'omitin agoi yetunet eng' kayaneet ne miitei eng' Kristo Jeso.