2 ATEPTAP PEETUUSYEK 33:6 - BUKUIT NE TILIIL Sireet ne Dutero Kanon

⁶ Ak ki igoito kogeny lagokyik kobun maat eng' atebweetap weeriitap Hinom: ak king'orso ak ki isogis, ak ki yai ponisyet, ak ki ng'alaal ak che poisyee oik ak pooniik: ki yai yaityet ne oo eng' taitap Kamuktaindet ne Toroor, kotach ineendet konereech.

Bukuit Ne Tilil

⁶ Ak ki igoito kogeny lagokyik kobun maat eng' atebweetap weeriitap Hinom: ak king'orso ak ki isogis, ak ki yai ponisyet, ak ki ng'alaal ak che poisyee oik ak pooniik: ki yai yaityet ne oo eng' taitap Kamuktaindet ne Toroor, kotach ineendet konereech.

BUKUIT NE TILIL

⁶ Ak kiigoito kogeny lagokyik kobun mat eng’ atebwetab weritab Hinom: ak king’orso ak kiisogis, ak kiyai bonisiet, ak king’alal ak che boisie oik ak bonik: kiyai yaitiet ne o eng’ taitab Jehovah, kotach inendet konerech.

2 ATEPTAP PEETUUSYEK 33:6 ပူးပေါင်းရင်းမြစ်များ

1 LAITORINIK 16:33

Ki yai Ahab Asera ak ki yai tuguuk alak kotes kotach Kamuktaindet ne Toroor, Kamuktaindetap Israel, konereech, kosiir laitorinik tugul che po Israel che ki indoune ineendet.

2 LAITORINIK 17:17

Ki igoito weeriikwak ak tiibiikwak kobun maat. Kiboisyee ng'oorset ak ponisosyek ak koaldagei koyai yaityet eng' taitap Kamuktaindet ne Toroor, kotach ineendet konereech.

2 LAITORINIK 21:6

Ki igoito weeriinnyi kobun maat, king'orso ak koboisyee ponisyet, ak kobois kobooto piik che poisyee oik ak pooniik. Ki yai yaityet eng' taitap Kamuktaindet ne Toroor, kotach ineendet konereech.

2 LAITORINIK 23:10

Ki ing'wanit Topet, ne mi atebweetap lagogap Hinom, si ma igoito chii weeriinnyi anan ko cheptonyi kobun maat kogoochi Molek.

2 LAITORINIK 23:24

Ki isto `Josiah icheek che kiboisyee oik, pooniik, terapik, kanamonik ak tuguuk tugul che kiwechei che ki kigeerei eng' emetap Judah ak eng' Jerusalem. Ki yai niito si kobiit kogimit ng'aleegap Ng'atuutik che kiga kisir eng' bukuit ne kinyoor Hilkiah tisiindet eng' kootap Kamuktaindet ne Toroor.

1 ATEPTAP PEETUUSYEK 10:13

Ki me anyun Saulo amu chalwoktanyi ne ki ingelelji Kamuktaindet ne Toroor, ak amu ng'olyootap Kamuktaindet ne Toroor ne ma riip; ak amu kiteep ng'omnateet kogeny eng' ineendet ne kiboisyee oik, koteepse,

2 ATEPTAP PEETUUSYEK 28:3

Ki peel kogeny nyamdutik eng' atebweetap weeriitap Hinom ak kobeel lagokyik eng' maat, ko uu tuguuk che kiwechei che po pororyosyek, che kigaon Kamuktaindet ne Toroor eng' taitap piigap Israel.

ISAIAH 19:3

Ak tuun kiyaei koek puch kimnateet Misiri eng' kwenunnyi, ak ang'em kirwoogutikyik; ak koba kocheeng' kanamonik ak piik che abusisyei, ak che poisyee oik, ak pooniik.

ISAIAH 8:19

Ak ye mwaiwok kole, “Ocheeng'ate icheek che poisyee oik ak pooniik che twegu ko uu toriitik ak che nyeanyei ng'aleek.” Tos nyoljin kocheeng'at che ki kobek agobo che saptos? Tos ma nyooljin piik kocheeng' Kamuktaindennywa?

JEREMIA 32:35

Ak ki teech komoswek che torooreen che po Baal, che mi atebweetap weeriitap Hinom, si kogoito weeriikwak ak tiibiikwak kobun maat kogoochi Molek; ne ki ma ang'at, ama kuura met, ale si kobiit koyai kii kiwechei; ak kogoochi Judah koyai tengekto.

EZEKIEL 23:37

Amu ki koyai ibeetapkei, ak komi korotiik eunekwak, ak ki koipkei kobooto kanamonikwak; ak Ki kogoochi icheek kogeny weeriikwak che kisikwa, ki igoito kobun maat si kobiit kebeel.

EZEKIEL 23:39

Amu ye kingo parchi lagokwak kanamonikwak, kobwa peetuunooto oldanyu ne tiliil komurwon; ak ogeero, ki yai nooto eng' koonnyu.

ATEPTAP LAWIK 18:21

“Amegoite iyoteng'ung' ibeelji Molek, ak amereeny kainetap Kamuktaindeng'ung'. Aa Kamuktaindet ne Toroor.

ATEPTAP LAWIK 19:26

“Amat oam kiy age tugul kobooto korotiikyik. Amoboisyee ponisyet anan ong'oorse.

ATEPTAP LAWIK 19:31

“Amobe ye mi che poisyee oik anan pooniik; amocheeng'ate, si ma ing'wanitak. Aa Kamuktaindet ne Toroor Kamuktaindeng'wong'.

ATEPTAP LAWIK 20:2

“Ileenji piigap Israel, Chii age tugul ne igoochin lagokyik Molek, ngo age eng' piigap Israel anan age eng' punootik che meng'iisyei eng' Israel, kebarei chiichooto iman. Lachei piigap emet eng' koik.

ATEPTAP LAWIK 20:27

“Kibarei iman ne poisyee oik, ne muren anan ne kwony, anan chii ne poonin. Kilachei icheek eng' koik, ak tebee korotiikwak icheek.”

ATEPTAP LAWIK 20:6

“Aboorchini nereegegap togeennyu chiito ne mastoi kosubi ne poisyee oik ak pooniik, ne isubi koyaei ibeetapkei kobooto icheek, ak ang'etoi chiichooto eng' piikyik.

GALATYEK 5:20

saaetap kanamonik, ponisyet, punyondisyek, suryosyek, ng'etkonda, nereegek, taiyasyek, kabesyosyek, pcheutik,

NG'ATUTIK 12:31

Ameyachi ko uu nooto Kamuktaindet ne Toroor Kamuktaindeng'ung'. Amu kiy age tugul ne wegot eng' Kamuktaindet ne Toroor ne wechei ineendet, ko ki yachi ko uu nooto icheek kanamonikwak, amu peelei agot weeriikwak ak tiibiikwak kobeeljin kanamonikwak.

1 SAMUEL 15:23

Amu kergei ngelelnateet ak tengektap ponisyet ak kergei uuindap met ak chalwokto ak saaetap kanamonik. Amu koieesye ng'olyootap Kamuktaindet ne Toroor, ko kagoeesyen aginye si mata iegu laitoryat.”