2 ATEPTAP PEETUUSYEK 32:25 - BUKUIT NE TILIIL Sireet ne Dutero Kanon

²⁵ Ago ma yai Hezekiah ko uu ye kiga kiyachi ne myee; amu kiimeen. Ki nyoonji anyun nereeknateet ineendet ak Judah ak Jerusalem.

Bukuit Ne Tilil

²⁵ Ago ma yai Hezekiah ko uu ye kiga kiyachi ne myee; amu kiimeen. Ki nyoonji anyun nereeknateet ineendet ak Judah ak Jerusalem.

BUKUIT NE TILIL

²⁵ Ago ma yai Hesekia kogeny ko u ye kiga kiyachi ko mie; amu kimen: konyonji anyun nereknatet inendet, ak Juda ak Jerusalem.

2 ATEPTAP PEETUUSYEK 32:25 ပူးပေါင်းရင်းမြစ်များ

2 SAMUEL 24:1

Ki nereech kot kogeny Kamuktaindet ne Toroor agobo Israel, ak king'eetyi `Kamuktaindet ne Toroor Daudi kosich kabwaatet ne ya agobo icheek. Ki leenji anyun “Ui, iit Israel ak Judah.”

2 LAITORINIK 14:10

Ki ibar iman Edom, ak ki kotoroorin muguleldang'ung'. Paibaitune nooto anyun, ak itebee koong'ung'! Amu nee si icheeng'jigei nyalilda, si ibut, inyee kobooto Judah?”

2 LAITORINIK 20:12

Ki iyookyi Berodak-baladan weeriitap Baladan, laitoryatap Babilon, paronok ak kagoochinet Hezekiah eng' peetuusyechooto, amu kiga kogas kole ki komyan Hezekiah.

2 LAITORINIK 20:13

Ki kas Hezekiah icheek, ak koboorchi icheek koot tugul ne po tuguukyik che po kamanuutyet ne oo, fedha, thahabu, nyamdutik, mwanik che po kamanuutyet ne oo, kootap kariikyik che po lugeet ak tuguuk tugul che ki mi ole mi konoraikyik. Ma ng'et kiy eng' koonnyi anan ko pounatennyi tugul ne ma iboorchi Hezekiah icheek.

1 ATEPTAP PEETUUSYEK 21:1

Ki ng'eet Setani kogirinda Israel, ak ki igoochi Daudi koiit Israel.

2 ATEPTAP PEETUUSYEK 19:2

Ki wo Jehu weeriitap Hanani keerindet, kotorookta ineendet ak koleenji Laitoryat Jehoshaphat, “Tos yamin itoret kiptengekyot ak icham che wechei Kamuktaindet ne Toroor? Amu kiito, ko pwonjinin nereegek che punu taitap Kamuktaindet ne Toroor.

2 ATEPTAP PEETUUSYEK 24:18

Kometo anyun kootap Kamuktaindet ne Toroor, Kamuktaindetap kwanisyekwak, ak koot Aserik ak kanamonik. Ki nyoonji anyun nereegek Judah ak Jerusalem agobo ng'oogiswechuchwak.

2 ATEPTAP PEETUUSYEK 25:19

Imwae ile, Keero, ki ibar Edom; ak itoroorin muguleldang'ung' si ilasuge: tebee koong'ung'; amu nee si icheeng'jigei nyalilda, si ibut inyee, kobooto Judah?

2 ATEPTAP PEETUUSYEK 26:16

Ago ye kingo kagogimiit, koloskei eng' muguleldanyi kot koyai ne ya, ak ki ingelelji Kamuktaindet ne Toroor Kamuktaindennyi; amu ki wo Hekaluutap Kamuktaindet ne Toroor kobeel nyamdutik eng' kapkorosutap nyamdutik.

2 ATEPTAP PEETUUSYEK 32:31

Ago eng' ng'aleegap piik che ki iyook pounigap Babilon, che ki pwa koteepse agobo kwang'utyet ne kiyaak eng' emet, ko ki pagaakta `Kamuktaindet ineendet, kotyem si konai tuguuk tugul che ki mi muguleldanyi.

ISAIAH 39:1

Ki iyookyi eng' peetuusyechooto Merodak-baladan weeriitap Baladen laitoryatap Babilon paronok ak kagoochinet, Hezekiah: amu ki kas kole kiga komyan, ak kigosap.

ISAIAH 39:2

Ak ki paibait Hezekiah agobo tuguuchooto, ak ki iboorchi icheek kootap tuguukyik che po kamanuutyet ne oo, fedha, ak thahabu, ak nyamdutik, ak mwanik che korooron miising', ak koot tugul ne po kariikyik, kobooto tuguukyik tugul che konorotiin: ma ng'et kiy eng' koonnyi, anan eng' pounatennyi, ne ma iboorchi Hezekiah pichooto.

EZEKIEL 28:17

Ki itoroorge eng' muguleldang'ung' amu karaaranindang'ung', ki ing'em utaatyeng'ung' amu kakweng'eng'ung': kaawiirchin ng'wony kaandein taitap laitorinik, si kobiit kogeerin.

EZEKIEL 28:2

Ee, weeriitap chii, mwachi pounindetap Tyro, ileenji, mwaei Kiptaiyat Kamuktaindet ne Toroor kole: Amu kiitoroorge eng' muguleldang'ung', ak imwa ile, Aa kamuktain, atebee ng'echereetap Kamuktaindet, eng' kwenutap nyanjosyek; ago ii chiito, ma ii Kamuktaindet, agot nganda ki iyaige eng' muguleldang'ung' iige Kamuktaindet:

EZEKIEL 28:5

ki ites mogornatosyeguk eng' utaatyeng'ung' ne oo ak eng' mung'areng'ung', ak kiitoroorgei eng' muguleldang'ung' amu mogornatosyeguk:

EZEKIEL 31:10

Kamwa anyun Kiptaiyat Kamuktaindet ne Toroor kole: Amu kiitoroorge eng' koindong'ung', ak ki itei walinnyi poolik, ak kitororit muguleldanyi amu koindonyi;

HOSEA 14:2

Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.

HABAKUK 2:4

Ogeero, kagomen muguleldanyi, ma litit ineendet, ago sabei ne po imanda eng' kayanennyi.

2 KORINTOEK 12:7

Ak eng' ooindo ne siirtoot ne po ng'ang'utik - si ma kitoroora miising', ko ki kigoono kateet eng' poorto, ne otwoget ne po Setani kobira si ma toroorgei miising'.

NG'ATUTIK 32:6

Tos kongoi ne ogoochini Kamuktaindet ne Toroor ni, okweek piik che oo abusotiin che ma oo ng'oomen? Tos ma kwandang'ung' ne ki koonin sabeet? Tos ma ineendet ne ki yain ak kogimitin?

NG'ATUTIK 8:17

si mele eng' muguleldang'ung', “Kagoono kimnateennyu ak kamugetap eunnyu mogornatoni.”

1 TIMOTEO 3:6

Ama chii ne kota koyani, si ye men kobutyi kirwoogetap chesawilyet.