2 ATEPTAP PEETUUSYEK 32:19 - BUKUIT NE TILIIL Sireet ne Dutero Kanon

¹⁹ Ki ng'alaal agobo Kamuktaindetap Jerusalem koyanie kanamonigap piik che po ng'wony, che poisyonigap eunegap piik.

Bukuit Ne Tilil

¹⁹ Ki ng'alaal agobo Kamuktaindetap Jerusalem koyanie kanamonigap piik che po ng'wony, che poisyonigap eunegap piik.

BUKUIT NE TILIL

¹⁹ Ak king’alal agobo Kamuktaindetab Jerusalem koyanie kanamonikab bik che bo ng’ony, che boisionikab eunekab bik.

2 ATEPTAP PEETUUSYEK 32:19 ပူးပေါင်းရင်းမြစ်များ

1 LAITORINIK 20:28

Ki nyo chiitap Kamuktaindet ne Toroor koriik ak kong'alaalji laitoryatap Israel, kole, “Kamwa Kamuktaindet ne Toroor ko uu ni, kole: ‘Amu komwa piigap Syria kole, Kamuktaindet ne Toroor ko kamuktaindetap tuloonook, ma kamuktaindetap atebwosyek, andoi anyun eung'ung' tuiyoni oo tugul, si onai ole aa Kamuktaindet ne Toroor.’ ”

2 LAITORINIK 19:18

Ki kowiirchi ma kanamonikwak ak king'em anyun tuguuchooto. Ki ma ko kamuktaik, ago ki keetiik ak koik, che poisyetap eunegap piik.

2 ATEPTAP PEETUUSYEK 32:20

Ki sa Laitoryat Hezekiah ak maotyot Isaiah weeriitap Amos koriirchi kipsengwet agobo niito.

2 ATEPTAP PEETUUSYEK 6:6

Ago ki alewen Jerusalem si kobiit kotebee yooto kainennyu, ak ki alewen Daudi koboi piikyuk Israel.’

TIENWOGIKAL 74:18

Ibwaat niito, ee Kamuktaindet ne Toroor, ile, ki kogerin kong' puunyoot, ak ki chup piik che abusotiin kaineng'ung'.

TIENWOGIKAL 78:68

Ago ki lewen ooreetap Judah, Tulweetap Zion ne ki cham.

ISAIAH 14:32

Kiwoljin nee anyun piik che kiyooktoi, che po pororyet? Kele, “Kagolumda Kamuktaindet ne Toroor Zion, ak komwechi olooto piikyik che ki kius.”

ISAIAH 2:8

Nyiitaat emennywa kogeny kanamonik; ilasu poisyonigap eunekwak, che kiyaei eunekwak.

ISAIAH 37:19

ak ki kowiirchi ma kanamonikwak: amu ki ma ko kamuktaik, ago kiboisyetap eunegap piik, keetit ak koik; king'em anyun icheek tuguuchooto amu nooto.

JEREMIA 1:16

Ak amwa kirwoogutikyuk agirindae icheek, agobo yaityennywa tugul amu ki kometa, ki kobeelji nyamdutik kanamonik che teer, ak kolas poisyonigap eunekwak.

JEREMIA 10:3

Amu tangoita pitonwegap piik, ebei age keetit eng' timiin, ak chobei komyee musogindet aiywet koboisyee aiywet.

JEREMIA 10:9

Miitei fedha che ki kitany kolebelitu che ki kiibune Tarsis, ak thahabu che punu Upas, nooto poisyetap musogindet ak po kitang'indetap thahabu; buluu ngoroikwak ak ko arusen ne piriir; poisyetap piik che ng'oomen chooto tugul.

JEREMIA 32:30

Amu ki koyai piigap Israel ak lagogap Judah ne ya eng' tainnyu kobooch ming'inatennywa: amu ki kotacha piigap Israel anereech eng' poisyonigap eunekwak, mwaei Kamuktaindet ne Toroor.

EZEKIEL 25:8

Mwaei Kiptaiyat Kamuktaindet ne Toroor kole: Amu mwaei Moab ak Seir, kole, ogeero, uu kootap Judah pororyosyek tugul:

EZEKIEL 35:13

Ak ki ochounenage eng' kutusweekwok, ak ki otes ng'aleekwok agobo anee: ki agas ng'olyoondonooto.

NG'ATUTIK 27:15

“Chuboot ne yaei kanamwet ne wechei Kamuktaindet ne Toroor nooto ne kiwaei anan kiy ne kitaanyi eng' musoknateet ak kelumda eng' ung'oot.” Ak kowol piik tugul kole, Amen!

NG'ATUTIK 4:28

Ak oot kanamonik che poisyetap eunegap piik, che po keetiik ak koik ak ko che ma keerei kiy ama kastoi ama amisyei anan kong'uto.

HEBRANIK 12:22

ago kaoit okweek tulweetap Zion, ak nganaseet ne po Kamuktaindet ne sabei, Jerusalem ne po kipsengwet, ak tuiyosyek che po malaikaisyek che ma iitoksei,

1 SAMUEL 17:36

Ki par otwogindeng'ung' tyong'ichooto tuwai, ng'etundo ak magalaluut. Igeitu anyun Philistindoniito ma kimuratan age eng' icheek, amu kogoreeny lugosyegap Kamuktaindet ne sabei.