2 ATEPTAP PEETUUSYEK 30:6 - BUKUIT NE TILIIL Sireet ne Dutero Kanon

⁶ Ki ip anyun piik che kiga kiyookto, paronok che ki punu laitoryat ak pounikyik, koba Israel tugul ak Judah, ko uu ng'atuutyetap laitoryat, koleenji, “Okweek piigap Israel, oweekyigei Kamuktaindet ne Toroor, Kamuktaindetap Abraham, Isak ak Israel, si komuuch ineendet koweekyigei piik che ki ng'et, che kichililso eng' okweek eng' eunegap laitorinigap Assyria.

Bukuit Ne Tilil

⁶ Ki ip anyun piik che kiga kiyookto, paronok che ki punu laitoryat ak pounikyik, koba Israel tugul ak Judah, ko uu ng'atuutyetap laitoryat, koleenji, “Okweek piigap Israel, oweekyigei Kamuktaindet ne Toroor, Kamuktaindetap Abraham, Isak ak Israel, si komuuch ineendet koweekyigei piik che ki ng'et, che kichililso eng' okweek eng' eunegap laitorinigap Assyria.

BUKUIT NE TILIL

⁶ Kiib anyun bik che kiga kiyokto, baronok che kibunu laitoriat ak bounikyik, koba Israel tugul ak Juda, ko u ng’atutietab laitortiat, kolenji, Okwek, lagokab Israel, oweekyige Jehovah, Kamuktaindetab Abraham, Isak ak Israel, si komuch inendet koweekyigei bik che king’et, che kichililso eng’ okwek eng’ eunekab laitorinikab Asuria.

2 ATEPTAP PEETUUSYEK 30:6 ပူးပေါင်းရင်းမြစ်များ

1 LAITORINIK 18:36

Ak eng' sait ne kigoitoe kagoochinet, konyo maotyot Elijah koriik, ak kosa kole, “Ee Kamuktaindet ne Toroor, Kamuktaindetap Abraham, Isak, ak Israel, ingonaak rani keele ii Kamuktaindet eng' Israel, ak aa otwogindeng'ung' ak konaak keele kayai tuguuchuuto tugul eng' ng'olyoondeng'ung'.

2 LAITORINIK 15:19

Kiseet Pul laitoryatap Assyria koleen kobar emet; ak ki igoochi Menaem Pul keruutik eliphuusyek sosom ak tisap che po fedha, si kobiit kotoret Pul ineendet kogimit laitornatet eng' eunnyi.

2 LAITORINIK 15:29

Ki nyo Tiglat-peleser laitoryatap Assyria eng' peetuusyegap Pekah laitoryatap Israel ak ki nam Ijon, Abel ne po Beth-maaka, Janoah, Kedesh, Hasor, kobooto Gilead, Galilaya, ak emet tugul ne po Naphtali ak kiluul icheek komut koba Assyria.

1 ATEPTAP PEETUUSYEK 29:18

Ee Kamuktaindet ne Toroor, Kamuktaindetap Abraham, ak ko po Isak, ak ko po Israel, kwanisyekyok, riip ng'olyoondoniito koigeny eng' kabwaatutik che ibwaati mugulelwegap piiguk, ak ichopchigei mugulelwekwak.

1 ATEPTAP PEETUUSYEK 5:26

Ki ing'eet anyun Kiptaiyat Kamuktaindetap Israel Pul laitoryatap Assyria, ak Tilgath-pilneser laitoryatap Assyria, ak ki imut, piigap Reuben, piigap Gad, kebebertap pororyetap Manasseh koba emet ne ma nenywa. Ki imut koba Hala, Habor, Hara ak kot koit aineetap Gosan, agoi ra.

2 ATEPTAP PEETUUSYEK 28:20

Ak ki nyoonji ineendet `Tilgath-pilneser laitoryatap Assyria, ak konyaliil ineendet, ma igimit.

Kitabuutap JOB 9:25

Ruaei peetuusyekyuk kosiir ne labatindet; mweei, ma keerei kiit ne myee.

ISAIAH 1:9

Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising', ta kiga kiwoongwech ko uu Sodom ak Gomorah.

ISAIAH 6:13

Ak ngot kota komi kebeberta agenge eng' taman, keamei kogeny, keetit ne kiguure alayet anan keetit age ne uu tarakwet, che ng'etu musugikwak ye kageep.” Uu nooto musugyet, iyoteet ne tiliil ko tigitikyik.

JEREMIA 29:1

Chu ng'aleegap parweet ne ki iyookto maotyot Jeremiah eng' Jerusalem, koyookyi poisyek che ki ng'et eng' che kiga kiluul, ak tisiik, ak maotik, ak piik tugul, che kiga luul Nebukadnezar eng' Jerusalem koba Babilon,

JEREMIA 3:14

Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

JEREMIA 4:1

“Ngot iweege, ee Israel, iweekyinage,” mwaei Kamuktaindet ne Toroor “Ngot iiste tuguuguk che kiwechei eng' tainnyu, koma keistoin anyun,

JEREMIA 51:31

Labati chiito ne kiyooktoi koip paronok kosubi age ne ibei paronok, ak kosubi kayooktoin kayooktoindet age, si koboorchi laitoryatap Babilon koleenji, kagenam nganasennyi eng' komosta age tugul:

RIREKAB JEREMIA 3:40

Ongisyach ak ketyem ortinwekyok, si keeweekyigei kogeny Kamuktaindet ne Toroor.

RIREKAB JEREMIA 5:21

Waleech kewekyiingei, ee Kamuktaindet ne Toroor, si keeweege; ileliit peetuusyekyok ko uu keny,

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

HOSEA 14:1

Ee Israel, weekyigei Kamuktaindet ne Toroor Kamuktaindeng'ung'; amu ki ibut eng' tengektong'ung'.

HOSEA 6:1

“Obwa, keeweekyigei Kamuktaindet ne Toroor: amu ki kogereerech ak konyaech; ki kobirech ak inyaech.

SEKARIA 1:3

Mwachi anyun icheek ileenji, mwaei Kamuktaindet ne Toroor ne po lugoosyek kole: Oweekyagei, mwaei Kamuktaindet ne Toroor ne po lugoosyek, asi aweekyogei, mwaei Kamuktaindet ne Toroor ne po lugoosyek.

SEKARIA 1:4

Amoigei kwanisyekwok, che kiga iteechi maotik che po tai, koleenji, “Mwaei Kamuktaindet ne Toroor ne po lugoosyek kole, ‘Oweege anyun nguno omete ortinwekwok che yaach ak poisyonikwok che yaach.’ ” Ago ki ma kas icheek anan koepcha iit, mwaei Kamuktaindet ne Toroor.

JAKOBO 4:8

Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.