2 ATEPTAP PEETUUSYEK 29:32 - BUKUIT NE TILIIL Sireet ne Dutero Kanon

³² Ak ki ek koitetap kagoochinoik che kibeelei che kiget tuiyet, kiruugik tamanwogik tisap, mengichik pogol ak aaregap keechiir pogol aeng'; ki po chooto tugul kagoochinoik che kibeeljin Kamuktaindet ne Toroor.

Bukuit Ne Tilil

³² Ak ki ek koitetap kagoochinoik che kibeelei che kiget tuiyet, kiruugik tamanwogik tisap, mengichik pogol ak aaregap keechiir pogol aeng'; ki po chooto tugul kagoochinoik che kibeeljin Kamuktaindet ne Toroor.

BUKUIT NE TILIL

³² Ak kiek koitetab kagochinoik che kibeelei, che kiget tuiyet, kirugik tamanwogik tisab, ak mengichik bogol, ak arekab kechir bogol aeng’: ki bo choto tugul kagochinoik che kibeeljin Jehovah.

2 ATEPTAP PEETUUSYEK 29:32 ပူးပေါင်းရင်းမြစ်များ

1 LAITORINIK 3:4

Ki wo `laitoryat Gibeon kwo koeny tiseiywek eng' olooto, amu kitoroor yooto, ole oo; ki igoito Solomon kagoochinoik eliphuut che kibeelei eng' kaptisisyonooto.

1 LAITORINIK 8:63

Ki igoito Solomon tiseiywek koek kagoochinoigap kaalyeet, che ki igoochi Kamuktaindet ne Toroor, tuuga eliphuusyek tiptem ak aeng', ak keechiirek eliphuusyek pogol ak tiptem. Kotabaan anyun laitoryat kobooto lagok tugul che po Israel, kootap Kamuktaindet ne Toroor.

1 ATEPTAP PEETUUSYEK 29:21

Eng' peetuut ne po aeng' ko ki eeny tiseiywek koeng'ji Kamuktaindet ne Toroor, ak kogoochi Kamuktaindet ne Toroor kagoochinoik che kibeelei, eiik eliphuut, mengichik eliphuut ak aaregap keechiir eliphuut, kobooto kagoochinoikwak che kieei, ak koroseek ng'iisyat che po Israel tugul.

2 ATEPTAP PEETUUSYEK 29:31

Yeityo kowol Hezekiah kole, “Amu kaotabaanjigei Kamuktaindet ne Toroor, oriigu oibu tiseiywek ak kagoochinoigap kongoi kobwa kootap Kamuktaindet ne Toroor.” Ki ip tuiyet tiseiywek ak kagoochinoigap kongoi; ak tugul che ki chamei eng' mugulelwekwak ko ki ip kagoochinoik che kibeelei.

2 ATEPTAP PEETUUSYEK 29:33

Ki ek tuguuk che ki kitabaan eiik pogol lo ak keechiirek eliphuusyek somok.

2 ATEPTAP PEETUUSYEK 29:35

Ak ki chaang' kogeny kagoochinoik che kibeelei, kobooto mwanigap kagoochinoigap kaalyeet, kobooto kagoochinoigap tuguuk che kieei che po kagoochinet age tugul ne kibeelei. Ki kitet anyun otisyet eng' kootap Kamuktaindet ne Toroor.

2 ATEPTAP PEETUUSYEK 30:15

Ki eeny anyun aarwetap paska eng' peetuutap taman ak ang'wan eng' arawetap aeng'. Ki ililanso Tisiik ak Lawiik, ak koanyinygei ak ki ip kagoochinoik che kibeelei kobwa kootap Kamuktaindet ne Toroor.

EZRAH 6:17

Ki igoito kiruugik pogol agenge, mengichik pogol aeng', aaregap keechiir pogol ang'wan eng' peetuutap katabaanetap koyooto po Kamuktaindet. Ak ki igoito kwesik taman ak aeng' koek kagoochinetap tengekto agobo Israel tugul kobee koitetap ortinwegap Israel.

ATEPTAP LAWIK 1:1

Ki kuur `Kamuktaindet ne Toroor Musa ak kong'alaalji eng' emait ne kituiyechin, koleenji,

ATEPTAP LAWIK 1:3

“Ngo kagoochinennyi ko po tiseiywot ne kibeelei ne po tuuga, kogoitoi kirgit ne libwoop. Ingokweri kwo emait ne kituiyechin si kochamak eng' taitap Kamuktaindet ne Toroor.