2 ATEPTAP PEETUUSYEK 29:25 - BUKUIT NE TILIIL Sireet ne Dutero Kanon

²⁵ Ki inde Lawiik kootap Kamuktaindet ne Toroor, kotinyei sanisyegap sugunonik che kibirei, kibugandinik ak ketubosyek, ko uu ng'atuutyetap Daudi, ak ne po Gad keerindetap laitoryat, ak maotyot Nathan; amu ki punu ng'atuutyonooto Kamuktaindet ne Toroor eng' maotikyik.

Bukuit Ne Tilil

²⁵ Ki inde Lawiik kootap Kamuktaindet ne Toroor, kotinyei sanisyegap sugunonik che kibirei, kibugandinik ak ketubosyek, ko uu ng'atuutyetap Daudi, ak ne po Gad keerindetap laitoryat, ak maotyot Nathan; amu ki punu ng'atuutyonooto Kamuktaindet ne Toroor eng' maotikyik.

BUKUIT NE TILIL

²⁵ Ak kiinde Lawik gotab Jehovah, kotinyei sanisiekab sugunonik che kibirei, ak kibugandinik ak ketubosiek, ko u ng’atutietab Daudi, ak ne bo Gad keerindetab laitoriat, ak maotiot Natan: amu kibunu ng’atutionoto Jehovah eng’ maotikyik.

2 ATEPTAP PEETUUSYEK 29:25 ပူးပေါင်းရင်းမြစ်များ

2 SAMUEL 24:11

Kingo ng'eet Daudi karon, koityi ng'olyootap Kamuktaindet ne Toroor maotyot Gad, keerindetap Daudi, koleenji,

1 ATEPTAP PEETUUSYEK 16:42

Ki mi kobooto icheek Herman ak Jeduthun che ki tinyei iryagook ak sanisyek che po sugunonik che kibirei, che po icheek che pirei kocheiyo miising', ak tuguuk che kibutei che po tyenwogigap Kamuktaindet. Ki tebee weeriigap Jeduthun ormariich.

1 ATEPTAP PEETUUSYEK 21:9

Ki mwachi Kamuktaindet ne Toroor Gad keerindetap Daudi, koleenji,

1 ATEPTAP PEETUUSYEK 23:5

Ki eliphuusyek ang'wan riibiigap kurgotik ak ki ilasu Kamuktaindet ne Toroor eliphuusyek ang'wanu eng' kibugandinik che ki ayae anee, si kilasune Kamuktaindet ne Toroor.

1 ATEPTAP PEETUUSYEK 28:12

Ki igoochi ineendet kergeindap tuguuk tugul che ki iboorchi agobo seremusyegap kootap Kamuktaindet ne Toroor, kooriik tugul che ki kiyieme, che po ole kigonorisye eng' kootap Kamuktaindet, kobooto che po ole kigonoree tuguuk che itabaanatiin.

1 ATEPTAP PEETUUSYEK 28:19

Ki kigoono aguiyo chuuto tugul eng' siruutik kobun eutap Kamuktaindet ne Toroor, poisyonik tugul che po kergeini.

1 ATEPTAP PEETUUSYEK 29:29

Ak poisyonigap Laitoryat Daudi, che po tai ak che po let, ko siraatiin eng' kitabuutap Samuel keerindet, ak kitabuutap Nathan maotyot ak eng' kitabuutap Gad keerindet,

1 ATEPTAP PEETUUSYEK 9:33

Icheek che tyeniik, kandoigap kooriigap kwanisyek che po Lawiik, che ki menyei kooriik, ko ki ityagotiin eng' poisyonik alak amu kimi poisyennywa peet ak kemoi.

2 ATEPTAP PEETUUSYEK 30:12

Ki mi kogeny eutap Kamuktaindet Judah si kogoochi icheek muguleldo agenge koyai ng'atuutyetap laitoryat ak pounik eng' ng'olyootap Kamuktaindet ne Toroor.

2 ATEPTAP PEETUUSYEK 30:21

Ak ki riip piigap Israel che ki mi Jerusalem igoorto ne po magatiinik che ma kinde mermereek peetuusyek tisap eng' kagasetapkei ne oo; ak ki ilas Kamuktaindet ne Toroor Lawiik ak tisiik peetuut age tugul, kotyenjin Kamuktaindet ne Toroor eng' kibugandinik che cheitos miising'.

2 ATEPTAP PEETUUSYEK 35:15

Ak kimi komostanywa tyeniik weeriigap Asaph, ko uu ng'atuutyetap Daudi, ak Asaph, Herman, ak Jeduthun keerindetap laitoryat; ak kimi riibiik ormariichet age tugul; ki ma ko nyoljin kobagaakta poisyennywa, amu kichopchin Lawiik tupchosyekwak tugul.

2 ATEPTAP PEETUUSYEK 8:14

Ko uu ng'atuutyetap Daudi kwandanyi koging'at riipsosyegap tisiik eng' otisyennywa, ak Lawiik koyai poisyonikwak si kolasu ak koboisyei kobooto tisiik ko uu ye yamei poisyetap peetuut age tugul. Ki ng'at riibiigap kurgeet ak icheek koyai riipsosyekwak eng' kurgeet age tugul; amu kiga ng'at Daudi chiitap Kamuktaindet ko uu nooto.

NEEMIA 12:27

Eng' peetuut ne ki kitabaane irimeetap Jerusalem, ko ki kicheeng' Lawiik eng' komoswekwak tugul ak kimut kobwa Jerusalem si koyai katabaanisyet eng' poiboiyet, kobooto mwaetap kongoi, eng' tyendo ak eng' sanisyegap sugunonik che kibirei, kibugandinik ak eng' ketubosyek.

1 SAMUEL 22:5

Ago ki leenji maotyot `Gad Daudi, “Amat itebee kebeneet, ng'et ak iwe emetap Judah.” Ara ki wo anyun Daudi ak ki it timdap Heret.