2 ATEPTAP PEETUUSYEK 28:15 - BUKUIT NE TILIIL Sireet ne Dutero Kanon

¹⁵ Ki ng'eetyo anyun piik che ki kimwa kainaikwak ak komut luulenik, ak ki nam tuguuk che kibooru ak kolaaksechine piik tugul che ki mi aach ngor. Ki ilaaksechi icheek ak kolaakyi kweonik, kibai ak konaga koe, ak koiil icheek; ak komute tugul che nyalulyotin sigiroik, komut kobwa Jeriko, nganaseetap tiironigap sosik, agoi ole mi tupchosyekwak, ak koweek anyun koba Samaria.

Bukuit Ne Tilil

¹⁵ Ki ng'eetyo anyun piik che ki kimwa kainaikwak ak komut luulenik, ak ki nam tuguuk che kibooru ak kolaaksechine piik tugul che ki mi aach ngor. Ki ilaaksechi icheek ak kolaakyi kweonik, kibai ak konaga koe, ak koiil icheek; ak komute tugul che nyalulyotin sigiroik, komut kobwa Jeriko, nganaseetap tiironigap sosik, agoi ole mi tupchosyekwak, ak koweek anyun koba Samaria.

BUKUIT NE TILIL

¹⁵ Kong’eetyo anyun bik che kigimwa kainaikwak, ak komut luulenik, ak kinam tuguk che kibaru, ak kolaaksechine bik tugul che kimi ach ngor, ak kolaaksechi ichek, ak kolaakyi kweonik, ak kobai, ak konaga koee, ak koiil ichek, ak komute tugul che nyalulyotin sigirok, komut kobwa Jeriko, nganasetab tironik, agoi ole mi tupchosiekwak: koweek anyun koba Samaria.

2 ATEPTAP PEETUUSYEK 28:15 ပူးပေါင်းရင်းမြစ်များ

2 LAITORINIK 6:22

Ki wol kole, “Mat ibar icheek. Tos ibare che kailuul eng' rotweng'ung' ne po chok ak kwangeng'ung'? Igoochi amitwogik ak peek, si koamis ak koeeiso, yeityo koba ye mi kiptaiyannywa.”

2 LAITORINIK 6:23

Kichopchi icheek anyun amitwogik che chaang'; ak ye kingo kagoamis ak koeeiso, kochunda koba, ak ki pa ye mi kiptaiyannywa. Ak matagai kobwa kobookyi lugosyegap Syria kogeny emetap Israel.

2 ATEPTAP PEETUUSYEK 28:12

Yeityo kotononso alak eng' kandoigap lagogap Ephraim, Azariah weeriitap Johanan, Berekiah weeriitap Meshillemoth, Jehizkiah weeriitap Shallum ak Amasa weeriitap Hadlai, kogirinda pichooto ki punu lugeet,

2 ATEPTAP PEETUUSYEK 28:14

Ara ki pagaakta anyun murenigap luuget luulenik ak parunenik eng' taitap pounik ak tuiyet tugul.

EZRAH 2:34

Lagogap Jeriko ko ki pogol somok ak artam ak muut.

NEEMIA 5:12

Komwa anyun kole, kiweekyini icheek, ama kemage kiy icheek; kiyae anyun ko uu nooto, ko uu ye kemwa. Ki aguur anyun tisiik, ang'at koyasyo kole koyai ko uu kayomisutyoni.

ISAIAH 58:7

Tos ma kebae amitwogiguk che amei rubeet, ak imutu kibananook che kigetimda, kobwa koong'ung'? Ye igeer ne mi aach ngor, ituch; ameung'egei piik che po oreng'ung'?

LUKA 6:27

“Ago amwaiwok okweek che ogase, ale, Ocham puunikwok, oyachi che myach icheek che wechok,

LUKA 8:27

Ak ye kingo nyo ngeguutap araraita, kotuiyo ak ineendet chiito age ne ki punu nganaseet, ne ki tinyei oik; ak ki ma kolaachi ngoroik kobooch peetuusyek che chaang', ak ki ma komenyei ko, ago kitebote kereeriisyek.

LUKA 8:35

Ak ki pa kogeer kiit ne kagoyaak; ak ki pwa ole mi Jeso, konyoor chiichooto ne kamandae oik, kotebyei eng' keelyegap Jeso, kolaagat, ak kotinyei ng'omnatennyi: ak ki iywei.

POISYONIGAP CHE KIYOKTOI 9:39

Kong'eet anyun Petero ak koba ak icheek. Ak kingo kagoit, komut ineendet kwo koot ne po parak. Ak kitonondos mosoogik tugul koriirtos eng' ye neegit ineendet ak koboorchi sumotik ak ngoroik che kinabei Dorkas ye kita komi kobooto icheek.

ROMANIK 15:1

Nooto anyun kanyoljech acheek che ki kiimeen kegesen nyalulnatetap che ma kiimeen, ama kibaibaigei acheegei.

NG'ATUTIK 34:3

Ki iboorchi murot tai ak warenget ne po atebweet ne po Jeriko, nganaseet ne mi tiironigap sosik agoi Zoar.

1 TIMOTEO 5:10

ne kimwaitae ineendet poisyonik che myach; ngo kigo pai lagok, ngo ki kotaach toek, ngo kigoun keelyegap che tiliileen, ngo ki kotoret che nyalildos, ngo kigogiilgei eng' poisyet age tugul ne myee.

KIRUOGIK 1:16

Ki togosta lagogap Kenindet, kabyugoitap Musa, komanda eng' nganaseetap sosik kobooto lagogap Judah ak koba surkwen ne po Judah eng' Murot Tai ne po Arad, ak koba komeng'iis ak pichooto.