2 ATEPTAP PEETUUSYEK 25:5 - BUKUIT NE TILIIL Sireet ne Dutero Kanon

⁵ Kogeny, ko ki iyum Amasia piigap Judah, ak kotet icheek kobee kooriigap kwanisyekwak, kondochin kiptainigap eliphuusyek ak kiptainigap pogolwogik Judah tugul ak Benjamin: ak kiit icheek kobooch che po kenyiisyek tiptem ak che siirei, ak ki ek piik eliphuusyek pogol somok che ki kilewen, che imuuchi koba lugeet, che ki imuuchi konam ng'otwek ak long'onik.

Bukuit Ne Tilil

⁵ Kogeny, ko ki iyum Amasia piigap Judah, ak kotet icheek kobee kooriigap kwanisyekwak, kondochin kiptainigap eliphuusyek ak kiptainigap pogolwogik Judah tugul ak Benjamin: ak kiit icheek kobooch che po kenyiisyek tiptem ak che siirei, ak ki ek piik eliphuusyek pogol somok che ki kilewen, che imuuchi koba lugeet, che ki imuuchi konam ng'otwek ak long'onik.

BUKUIT NE TILIL

⁵ Kogeny, ko kiiyum Amasia bikab Juda, ak kotet ichek kobee gorikab kwanisiekwak, kondochin kiptainikab elfusiek ak kiptainikab bogolwogik Juda tugul ak Benjamin: ak kiit ichek koboch che bo kenyisiek tiptem ak che siirei, ak kiek bik elfusiek bogol somok che kigilewen, che imuchi koba luget, che kiimuchi konam ng’otwek ak long’onik.

2 ATEPTAP PEETUUSYEK 25:5 ပူးပေါင်းရင်းမြစ်များ

1 ATEPTAP PEETUUSYEK 13:1

Ki inaisechigei Daudi ak kiptainigap eliphuusyek ak che po pogolusyek, ak kandoindet age tugul.

1 ATEPTAP PEETUUSYEK 27:1

Ki ek piigap Israel, ko uu koiitennywa, kandoigap kooriigap kwanisyek ak kiptainigap eliphuusyek, che po pogolwogik, kiptainikwak che kiboisyechin laitoryat, eng' ng'olyoot age tugul ne po riipsosyek che kibwanei ak kobendi eng' arawet age tugul ne po kenyiit tugul, ko ki piik eliphuusyek tiptem ak ang'wan che po riipseet age tugul.

2 ATEPTAP PEETUUSYEK 11:1

Kingo it `Rehoboam Jerusalem, koyum murenik eliphuusyek pogol ak tamanwogik sisiit che po lugeet, che ki kilewen eng' kootap Judah ak kootap Benjamin si kobargei ak Israel ak koweekyi laitornatet Rehoboam.

2 ATEPTAP PEETUUSYEK 14:7

Ki mwachi piigap Judah koleenji, “Ongeteech nganasochu, ak kiyieme irimoik ak teeksosyek che kooen, ormariichok ak temeleiywek; ta komi emet tainnyo amu kigecheeng' Kamuktaindet ne Toroor, Kamuktaindennyo; kigecheeng' ineendet ak ki kogoonech kamuung'et eng' komosta age tugul.” Ara kiteekso anyun ak koboor.

2 ATEPTAP PEETUUSYEK 14:8

Ki tinyei Asa lugeet ne po piik eliphuusyek pogol somok che po Judah che ki tinyei long'onik ak ng'otwek, ak piik ki eliphuusyek pogol aeng' ak tamanwogik sisiit che po Benjamin, che ki tinyei long'onik ak kwangok. Ki piik che kiimeen che nyigoonen chuuto tugul.

2 ATEPTAP PEETUUSYEK 25:6

Ki sir kogeny piik eliphuusyek pogol che kiimeen ak ko nyigoonen eng' Israel eng' talendaisyek pogol che po fedha.

2 ATEPTAP PEETUUSYEK 26:13

Ki mi eunekwak kiplugotinik che ineetatin eliphuusyek pogol somok ak tisap ak pogol muut, che ki yai lugeet eng' kimnateet ne oo, si kotoret laitoryat kobargei ak puunik.

KOMONG'U 18:25

Ki lewenot piik che kiimeen eng' Israel tugul ak konde koboi piik koek pounik che po eliphuusyek, che po pogolwogik, che po konomusyek ak che po tamanusyek.

KAITOSYEK 1:3

Oiit ak Aron murenik tugul che imuuchi koba lugeet eng' Israel koosup pcheutigap lugosyekwak, kobooch che ki kotar kenyiisyek tiptem ak kwo tai.

1 SAMUEL 8:12

ak kolewenjigei icheeget koek kiptainigap eliphuusyek ak kiptainigap konomusyek, ak kobat mbareenikyik alage, ak koges peekyik ak kotany kariikyik che po lugeet ak tuguugap kariisyekyik.