2 ATEPTAP PEETUUSYEK 24:14 - BUKUIT NE TILIIL Sireet ne Dutero Kanon

¹⁴ Kingo kagogees, koipchi `icheek laitoryat ak Jehoiada fedhaisyek che kiga ng'et; chuuto che ki kiyae tuguuk che po kootap Kamuktaindet ne Toroor, che chooto ko ki tuguuk che ki kiotisye, che ki kigoitoisye, kechigosyek ak tuguuk che po thahabu ak che po fedha. Ki igoitoi kotugul kagoochinoik che kibeelei eng' kootap Kamuktaindet ne Toroor eng' peetuusyek tugul che po Jehoiada.

Bukuit Ne Tilil

¹⁴ Kingo kagogees, koipchi `icheek laitoryat ak Jehoiada fedhaisyek che kiga ng'et; chuuto che ki kiyae tuguuk che po kootap Kamuktaindet ne Toroor, che chooto ko ki tuguuk che ki kiotisye, che ki kigoitoisye, kechigosyek ak tuguuk che po thahabu ak che po fedha. Ki igoitoi kotugul kagoochinoik che kibeelei eng' kootap Kamuktaindet ne Toroor eng' peetuusyek tugul che po Jehoiada.

BUKUIT NE TILIL

¹⁴ Ak kingo kagoges, koipchi laitoriat ak Jeoiada fedaisiek che kiga ng’et; che kiga kiyae tuguk che bo gotab Jehovah, che choto ko ki tuguk che kigiotisie, ak che kigigoitoisie, ak kechigosiek, ak tuguk che bo tahabu ak che bo feda. Ak kiigoitoi kotugul kagochinoik che kibeelei eng’ gotab Jehovah eng’ betusiek tugul che bo Jeoiada.

2 ATEPTAP PEETUUSYEK 24:14 ပူးပေါင်းရင်းမြစ်များ

1 LAITORINIK 7:50

kigombok, magasisyek che kitile ole lalei eng' taisyek, taabook che mengeechen, kechigosyek, tereenik che ki ibe maat, ki po thahabu che tiliileen; kobooto kariik che namei kereiywotap kurgeet, che po kereiywegap kurgotigap koot ne po oriit, ole-tiliil miising', ak che po kurgotigap koot, nooto ko Hekaluut, ki po thahabu.

2 LAITORINIK 25:12

Ago ki pagaakta kiptaiyatap riibiik, piik che kibananook miising' eng' emet, koek riibiigap sabibuk ak koek semberik.

2 LAITORINIK 25:15

Ki ip kiptaiyatap riibiik tuguuk che ki ibe maat ak taabook, tuguuk che ki kiyae thahabu ak che ki kiyae fedha.

1 ATEPTAP PEETUUSYEK 23:31

ak kogoochi Kamuktaindet ne Toroor kagoochinoik tugul che kibeelei eng' sabatoisyek ak ye kaleel arawet, ak eng' igoorwek che ki king'at, eng' koiitennywa ko uu ng'atuutyet ne ki king'at agobo icheek, eng' peetuusyek tugul eng' taitap Kamuktaindet ne Toroor.

2 ATEPTAP PEETUUSYEK 2:3

Ki iyookto Solomon koba kap Huram laitoryatap Tyro, keleenji, “Yaiywo agane ko uu ye ki iyachi abba Daudi, ye ki iyookyi ineendet taragonik koteege koonnyi ne menyei.

2 ATEPTAP PEETUUSYEK 24:13

Kobois anyun kiboitiinik, ak ki yai poisyonooto kosulda, ak ki lumda kootap Kamuktaindet ko uu ye ki uu, ak kogimit.

2 ATEPTAP PEETUUSYEK 24:15

Ago ki oosit Jehoiada ko uu ye kiga kochang'a peetuusyekyik, ak ki ilil; kiga kotar ineendet kenyiisyek pogol ak sosom ye kingo meei.

2 ATEPTAP PEETUUSYEK 31:2

Kipchei Hezekiah riipsosyegap Tisiik ak Lawiik kobee riipsosyekwak, chii tugul ko uu poisyennyi, Tisiik ak Lawiik agobo kagoochinoik che kibeelei ak kagoochinoik che po kaalyeet, kootis eng' ormariichogap nganaseetap Kamuktaindet ne Toroor ak koweekta kongoi ak kolas.

KOMONG'U 36:5

Ki ng'alaalji `icheek Musa koleenji, “Ko koip piik tuguuk che siirei che kimachei eng' poisyet ne ki ng'at Kamuktaindet ne Toroor keyai.”

KALEWANAIK 27:22

Agot ngitui chiito ne perber eng' kenut kobooto peek che kagitartaran, koma istoige perberyennyi kora.