2 ATEPTAP PEETUUSYEK 20:17 - BUKUIT NE TILIIL Sireet ne Dutero Kanon

¹⁷ Ma okweek che oyae lugoni. Otetkei, otononse, si ogeer yetunetap Kamuktaindet ne Toroor ne mi kobootok, ee Judah ak Jerusalem. Amoiyweisye, anan oaragense. Oba opookyi icheek mutai; amu mi Kamuktaindet ne Toroor kobootok.’ ”

Bukuit Ne Tilil

¹⁷ Ma okweek che oyae lugoni. Otetkei, otononse, si ogeer yetunetap Kamuktaindet ne Toroor ne mi kobootok, ee Judah ak Jerusalem. Amoiyweisye, anan oaragense. Oba opookyi icheek mutai; amu mi Kamuktaindet ne Toroor kobootok.’ ”

BUKUIT NE TILIL

¹⁷ Ma okwek che oyae lugoni: otetge, otononse, si ogeer yetunetab Jehovah ne mi kobotok, ee Juda ak Jerusalem: amoiyweisie, anan oarogense: oba obokyi mutai; amu mi Jehovah kobotok.

2 ATEPTAP PEETUUSYEK 20:17 ပူးပေါင်းရင်းမြစ်များ

1 LAITORINIK 20:13

Ne matyanit koginyo maotyot ole mi Ahab laitoryatap Israel, ak kole, “Kamwa ko uu ni Kamuktaindet ne Toroor kole: Tos kaigeer tuiyoni oo? Keero, andoi eung'ung' rani si inai ile aa Kamuktaindet ne Toroor.”

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 20:16

Orektee mutai obargei ak icheek. Togosu icheek eng' tegeiyetap Sis; ak onyoorchini ye igeesunegei atebweet, taitap surkwen ne po Jeruel.

2 ATEPTAP PEETUUSYEK 32:7

“Ogimegitu ak onyiganitu. Amoiyweisye anan otoptobense amu laitoryatap Assyria ak tuiyet tugul ne mi kobooto ineendet; amu mi ne oo kobootech kosiir ne mi ak ineendet.

2 ATEPTAP PEETUUSYEK 32:8

Mi kobooto ineendet kityo euut ne po poorto; ago mi kobootech Kamuktaindet ne Toroor Kamuktaindennyo, kotoretech ak koyai lugosyekyok.” Ak kinyoor piik nyiganateet eng' ng'aleegap Hezekiah laitoryatap Judah.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

KOMONG'U 14:25

Kichun keelyegap kariisyekwak ak kong'onng'onio kot ko ye ki kwerye ko uueen. Kole anyun Misiriik, “Ongemwee Yahudik amu yaei Kamuktaindet ne Toroor lugeet agobo icheek konyo kobarech acheek.”

KOMONG'U 6:1

Ki leenji `Kamuktaindet ne Toroor Musa, “Machei si igeer nguno kiit ne amache ayachi Pharaoh, amu eng' eunyu ne kiim, kogoochin icheek koba, ak koon koba eng' emennyi eng' eunooto kiim.”

ISAIAH 30:15

Amu komwa Kiptaiyat Kamuktaindet ne Toroor, Ineendet ne Tiliil ne po Israel, kole, “Kisarwok ye oweege ak omuuny; egu kimnateeng'wong' siisek ak kamang'unet.” Ago ma ocham,

ISAIAH 30:7

Amu puch toretetap Misiri, ma tilei kiy, ki aguure anyun ineendet Rahab ne tebyei kosiisei.

ISAIAH 37:6

Ak ki leenji Isaiah icheek, Omwachini kiptaiyandeng'wong' ko uu ni, oleenjini, Kamwa Kamuktaindet ne Toroor kole, meiywei ng'aleek che kegas, che kachubena otwogigap laitoryatap Assyria.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

RIREKAB JEREMIA 3:26

Myee eng' chii komong' ak kogen eng' muitaet yetunetap Kamuktaindet ne Toroor.

AMOS 5:14

Ocheeng' che myach ak koma yaityet, si osapche; si kotep kobootok Kamuktaindet ne Toroor, Kamuktaindet ne po lugoosyek, ko uu ye omwae.

KAITOSYEK 14:9

Ago kaigai amongelelji Kamuktaindet ne Toroor anan oiywei piigap emet, amu uu amitwogik icheek eng' acheek. Kigeistoe icheek urwetap toreteet ak mi Kamuktaindet ne Toroor kobootech, amoiywei icheek.”

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

NG'ATUTIK 3:22

Amoiywei icheek, amu Kamuktaindet ne Toroor Kamuktaindeng'wong' ne yaei lugeet agobo okweek.”

2 TIMOTEO 4:22

Ingotep Kiptaiyat kobooto saboondang'ung'. Ingotep myeeindo kobootok.

KIRUOGIK 7:21

Ak ki tonon chii tugul eng' komostanyi ko kayiem nganaseet. Ak ki rwai lugeet tugul che ki mi nganaseet oriit, ak kowaakyo icheek ye ki mwee.

1 SAMUEL 17:47

Nae tuiyoni tugul kole, ma saruunee chii Kamuktaindet ne Toroor rotwetap chok ak ng'otit, amu po lugeet Kamuktaindet ne Toroor ak indeok eunekyok.”