2 ATEPTAP PEETUUSYEK 19:7 - BUKUIT NE TILIIL Sireet ne Dutero Kanon

⁷ Ingotebenok anyun kaiyweisyet ne oiywei Kamuktaindet ne Toroor, oriip ak oyai, amu ma mi tengekto eng' Kamuktaindet ne Toroor, Kamuktaindennyo anan ko tiytiyetap piik, ama taachei konunoik che kigoigoisye.”

Bukuit Ne Tilil

⁷ Ingotebenok anyun kaiyweisyet ne oiywei Kamuktaindet ne Toroor, oriip ak oyai, amu ma mi tengekto eng' Kamuktaindet ne Toroor, Kamuktaindennyo anan ko tiytiyetap piik, ama taachei konunoik che kigoigoisye.”

BUKUIT NE TILIL

⁷ Ingotebenok anyun kaiyweisiet ne oiywei Jehovah: orib, ak oyai: amu mami tengekto eng’ Jehovah Kamuktaindennyo, anan ko tiytietab bik, ama taachei konunoik che kigoigoisie.

2 ATEPTAP PEETUUSYEK 19:7 ပူးပေါင်းရင်းမြစ်များ

TAUNET 18:25

Ingolooit eng' inyee, yaeet ne uu ni, ne kebarei che po iman kobooto che yaacheen; si kogergeit che po iman ak che yaacheen. Ingolooit eng' inyee nooto. Tos ma yaei iman Kirwoogindet ne po ng'wonyuni komugul.”

TAUNET 42:18

Eng' peetuutap somok koleenji `Joseph icheek, “Oyai ko uu ni si osapche, amu aiywei Kamuktaindet:

2 SAMUEL 23:3

Ki ng'alaal Kamuktaindetap Israel, ki ng'alaalwo Rwandetap Israel kole: “Ineendet ne pou piik eng' imanda, ko ingoboi eng' kaiyweisyetap Kamuktaindet,

NEEMIA 5:15

Ago ki igoochi mileet piik pounik che po tai che ki indounena, ak ki ibe icheek magatiinik ak divaik, koma pooto shekelisyek artam che po fedha; ee, kiboi agot otwogikwak piik: ago ki ma ayai anyun ko uu nooto, amu kaiyweisyet ne aiywei Kamuktaindet.

Kitabuutap JOB 13:10

Kerok kong' iman, ngot otiytiy piik eng' ung'oot.

Kitabuutap JOB 34:19

Kotam nee anyun eng' ineendet ne ma konyiti pounik, ne ma keerei mogoreek kosiir kibananook? Amu poisyonigap eunekyik icheek tugul.

Kitabuutap JOB 8:3

Tos igunuuri `Kamuktaindet kirwooget? Anan imaasi Ineendet Ne po Kamuktaet imanda?

TIENWOGIKAL 82:2

Orwoochi kirwooget ne ma po iman kot kotyanit, ak ogonyiti kiptengeginik?

KOMONG'U 23:8

Ametaach tuguuk che po asoya, amu tuchei konunoik icheeget che ng'oomen ak kogunuuri ng'aleegap che po imanda.

ISAIAH 33:15

Ineendet ne wendote imanda ak kong'alaali che lititen, ineendet ne sasei kelunetap sastaet, ne ma namei asoya, ne timei itiikyik si ma kas agobo korotiik, ak ne tuchei konyekyik si ma keer yaityet,

MIKAH 7:3

Igiilegei eng' eunekwak koyai kiit ne ya; soomsei pounindet ak kirwoogindet komachei kiit ne kigoigoisye; ak mwaei chiito ne oo mageet ne ya ne po saboondanyi; chobei icheek ko uu nooto.

MATAYO 22:16

Ki iyookto kasubikwak kobooto che po Herodik koba ole mi ineendet, koleenji, “Kaneetindoni, kingen keele ii po iman, ak ineeti ooreetap Kamuktaindet eng' iman, ameiti chii tugul; amu megeere togoochigap piik.

POISYONIGAP CHE KIYOKTOI 10:34

Ki ng'aany anyun Petero kutinnyi, kole, “Iman ageere ale ma chamei `Kamuktaindet piik alak kosiir alak:

ROMANIK 2:11

amu ma tiytiy `Kamuktaindet piik.

ROMANIK 9:14

Kimwae nee anyun? Mi ne ma po imanda eng' Kamuktaindet? Achicha, ma uu nooto.

GALATYEK 2:6

Ago icheeget che ki kiiti keele taagunotiin (ngo uu ole teptoi icheek, koma kiy eng' anee: ma tiytiy Kamuktaindet chii) - amwae ale, ma teswa kiy icheeget cho taagunotiin.

EPESOEK 6:9

Ak okweek kiptainichu, oyachi icheek ak okweek ko uu nooto, amorasyini: ongen ole mi kipsengwet Kiptaiyannywa ak ko neng'wong', ama mi eng' ineendet tiytiyet ne po piik.

NG'ATUTIK 32:4

Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

KOLOSAIK 3:25

Amu ineendet ne yaei ne ya, ko tuun taachei agine ne po yaityonooto ki yai: ama mi tiytiyet.

1 PETERO 1:17

Ak ngot oguure ineendet oleen Kwanda, ne irwoochi ko uu ole teptoi poisyetap chii age tugul, ama eng' tiytiyet, obendoti eng' kaiyweisyet eng' peetuusyekwok che omi ko oo toek:

1 SAMUEL 11:7

Ki nam eiik aeng' che po chogit ak kotonaton yeityo koyooktoe piik koba komoswek tugul che po Israel koleenji, “Chii age tugul ne mamong'u kosubu Saulo ak Samuel, keyachin eikyik ko uu niito.” Ki ibutyi piik kamuisetap Kamuktaindet ne Toroor ak ki mong' koigei chiichak.