2 ATEPTAP PEETUUSYEK 18:5 - BUKUIT NE TILIIL Sireet ne Dutero Kanon

⁵ Ara ki iyum anyun laitoryatap Israel maotik pogol ang'wan, ak koleenji icheek, “Kibe kebargei ak Ramoth-gilead, anan atebi?” Ak ki leenji, “Togoste, amu indoi Kamuktaindet eutap laitoryat.”

Bukuit Ne Tilil

⁵ Ara ki iyum anyun laitoryatap Israel maotik pogol ang'wan, ak koleenji icheek, “Kibe kebargei ak Ramoth-gilead, anan atebi?” Ak ki leenji, “Togoste, amu indoi Kamuktaindet eutap laitoryat.”

BUKUIT NE TILIL

⁵ Koyum anyun laitoriatab Israel maotik bogol ang’wan, ak kolenji ichek, Kibe kebargei ak Ramot-gilead, anan atebi? Ak kilenji, Togoste; amu indoi Kamuktaindet eutab laitoriat.

2 ATEPTAP PEETUUSYEK 18:5 ပူးပေါင်းရင်းမြစ်များ

1 LAITORINIK 12:9

Ki leenji icheek, “Nee ng'olyoot ne omwae okweek si kobiit kewolji pichu, kong'alaalwo koleenjo, Yai kowisisiit chogit ne ki indeech kwandang'ung?”

1 LAITORINIK 18:19

Iyookte anyun nguno kiyumwa Israel tugul kobwa tulweetap Karmel, kobooto maotigap Baal pogol ang'wan ak konom, ak maotigap Asera pogol ang'wan, che amisye meesetap Jesebel.”

1 LAITORINIK 4:13

Ben-Geber, eng' Ramoth-gilead; ki chechiik nganasoogap Jair weeriitap Manasseh, che miitei Gilead; ki nenyi agine kooretap Argob, ne mi Bashan, nganasook che eecheen tamanwogik lo che tinyei irimoik ak temeleiywegap sugunonik.

2 LAITORINIK 3:13

Ki leenji `Elisha laitoryatap Israel, “Kiting'egei nee ak inyee? Ui ole mi maotigap kwandang'ung' ak maotigap kamenng'ung'.” Ak ki leenji laitoryatap Israel ineendet, “Achicha! Amu kogoguur Kamuktaindet ne Toroor laitorinichu somok kibagenge, konde eunegap Moab.”

2 ATEPTAP PEETUUSYEK 18:14

Kingo it ineendet ole mi laitoryat, koleenji laitoryat ineendet, “Mikaia, kibe Ramot-gilead, anan atebi?” Ki le ineendet, “Otogoste ak oboor; ak kindo eunekwok pichooto.”

2 ATEPTAP PEETUUSYEK 18:4

Ago ki leenji `Jehoshaphat laitoryatap Israel, “Asoomin ale, teep eng' ng'olyootap Kamuktaindet ne Toroor rani.”

2 ATEPTAP PEETUUSYEK 18:6

Ago ki le Jehoshaphat, “Tos ma mi maotyotap Kamuktaindet ne Toroor age yu, si keteepse ineendet?”

JEREMIA 23:14

Ki ageerchi maotigap Jerusalem ak icheek kiit ne samis miising'; yaei ibeetapkei, ak kobendote lembechek, ak kogimit eunegap yaigap yaityet, kot koma mi chii ne weeksei eng' yaityennyi: kaigei icheek tugul Sodom eng' anee, ak kaigei che menyei yooto, Gomorah.

JEREMIA 23:16

Mwaei Kamuktaindet ne Toroor ne po lugoosyek kole, amoepchi iit ng'aleegap maotik che maotenwok; ineetook tangoita: mwaei ng'ang'utyet ne punu mugulelwekwak, ama ne mang'une kutitap Kamuktaindet ne Toroor.

JEREMIA 23:17

Mwachin icheek kotugul piik che sasa, koleenjin, Kamwa Kamuktaindet ne Toroor kole, onyooru kaalyeet; ak komwachi chii age tugul ne wendote uuindap muguleldanyi, koleenjin, Manyonjinin yaityet age tugul.

JEREMIA 42:20

Amu ki oyachi kaberberisyet saboonwekwok; amu ki oyookto awo ye mi Kamuktaindet ne Toroor Kamuktaindeng'wong', ole, Saiywech Kamuktaindet ne Toroor, Kamuktaindennyo; ak imwaiwech ko uu tugul che mwaei Kamuktaindet ne Toroor, Kamuktaindennyo, si keyai:

EZEKIEL 13:22

Amu ki ogoochi muguleldap chii ne po iman koaragen eng' lembechek, chiito ne ma agoochi koaragen; ak ogimiit eunegap kiptengekyot, si ma week kometo ooreennyi ne ya, ak kesar kosap:

MIKAH 2:11

Ngot komwa lembech chiito ne wendoti eng' usoonet ak lembechek, kole amaotenun agobo divaik ak maiyek; koegu ineendet maotyotap pichu.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

2 TIMOTEO 4:3

Amu nyoonei peetuut ne ma tuun epchin iit agot kitigin kaneetisyet ne po imanit; ago, tinyei iitiik che iututos, iyumjigei kaneetik che isubi maguutikwak;

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.