2 ATEPTAP PEETUUSYEK 18:13 - BUKUIT NE TILIIL Sireet ne Dutero Kanon

¹³ Ago ki le Mikaia, “Ko uu ye sabei Kamuktaindet ne Toroor, ko ki it ne mwaei Kamuktaindennyu, amwae nooto.”

Bukuit Ne Tilil

¹³ Ago ki le Mikaia, “Ko uu ye sabei Kamuktaindet ne Toroor, ko ki it ne mwaei Kamuktaindennyu, amwae nooto.”

BUKUIT NE TILIL

¹³ Ak kile Mikaia, Ko u ye sobei Jehovah, ko kit ne mwaei Kamuktaindennyu, amwae noto.

2 ATEPTAP PEETUUSYEK 18:13 ပူးပေါင်းရင်းမြစ်များ

1 LAITORINIK 22:14

Ago ki le Mikaia, “Ko uu ye sabei Kamuktaindet ne Toroor, ko ki it ne mwaiwo Kamuktaindet ne Toroor, amwae nooto.”

2 ATEPTAP PEETUUSYEK 18:12

Ki ng'alaalji ineendet `chiito ne kiga kiyookto koguur Mikaia, koleenji, “Keero, kachamak eng' laitoryat ng'aleegap maotik che kamwachi eng' kasyinet agenge. Asoomin ale, ingoigei anyun ng'olyoondeng'ung' ng'olyootap age eng' icheek, ng'alaal ng'aleek che myach.”

2 ATEPTAP PEETUUSYEK 18:14

Kingo it ineendet ole mi laitoryat, koleenji laitoryat ineendet, “Mikaia, kibe Ramot-gilead, anan atebi?” Ki le ineendet, “Otogoste ak oboor; ak kindo eunekwok pichooto.”

JEREMIA 23:28

Ingomwa maotyot karwotitoet ne koirwotyi; ak ineendet ne tinyei ng'olyoondennyu komwa eng' imanda. Ting'egei nee meteteek ak nganuuk? Mwaei Kamuktaindet ne Toroor.

JEREMIA 42:4

Koleenji anyun `maotyot Jeremiah icheek, Kaagasak; ogeero, asaae Kamuktaindet ne Toroor Kamuktaindeng'wong' ko uu ng'aleekwok; ak kiit age tugul ne wolwok Kamuktaindet ne Toroor amwaiwok kioto; ma ung'enok kiy.

EZEKIEL 2:7

Mwachi icheek ng'aleekyuk, agot ngo kas anan koma kas; amu ngelelik miising'.

KAITOSYEK 22:35

Ago ki leenji `malaikaiyatap Kamuktaindet ne Toroor Balaam, “Oba ak pichooto, ago imwae ng'olyoot ne amwaun kityo.” Ki pa anyun Balaam kobooto pounigap Balak.

KAITOSYEK 23:12

Ki wolji koleenji, “Tos manyolja ariip amwa ne indoi Kamuktaindet ne Toroor kutinnyu?”

KAITOSYEK 23:26

Ago ki wolji `Balaam Balak, koleenji, “Tos ma amwaun aleenjin, kanyool ayai tugul che mwaiwo Kamuktaindet ne Toroor?”

KAITOSYEK 24:13

‘Agot ngo koono Balak fedha ak thahabu che nyiei koonnyi, koma muuchi asiir ye pooch ng'olyootap Kamuktaindet ne Toroor, ayai ne myee anan ayai ne ya eng' magennyu; ne mwaei Kamuktaindet ne Toroor ko nooto ne amwae?’

POISYONIGAP CHE KIYOKTOI 20:27

Amu ma ariiny amwaiwok maguutik tugul che po Kamuktaindet.

1 KORINTOEK 11:23

Amu ki ataach eng' Kiptaiyat nooto ki agoonok agane, ko uu ye ki nam magatyat Kiptaiyat Jeso eng' kemounooto ki king'wektoe ineendet;

2 KORINTOEK 2:17

Amu acheek koma ki uu che chaang', che poisyee ng'olyootap Kamuktaindet eng' ng'aalseet: ago ki che poisyei eng' ooreet ne ma tinyei ng'aalseet, ago ki po Kamuktaindet, ak eng' taitap Kamuktaindet, keng'alaali eng' Kristo.

GALATYEK 1:10

Tos agoigoi nguno piik anan Kamuktaindet? Anan acheeng'e abaibai piik? Ngot kota aboiboi piik, koma aa otwogetap Kristo.

1 THESSALONIKEK 2:4

ago ko uu ye ki koyanwech Kamuktaindet keegu che tononjin logoiywek che myach, keng'alaali ko uu nooto; ma ko uu che iboiboiti piik, ago Kamuktaindet ne tyemei mugulelwekyok.