2 ATEPTAP PEETUUSYEK 16:10 - BUKUIT NE TILIIL Sireet ne Dutero Kanon

¹⁰ Ki nereekyi anyun Asa miising' keerindet, kot konde ineendet korgoreet. Eng' peetuusyechooto, ko ki inam kous Asa piik alak eng' pichooto.

Bukuit Ne Tilil

¹⁰ Ki nereekyi anyun Asa miising' keerindet, kot konde ineendet korgoreet. Eng' peetuusyechooto, ko ki inam kous Asa piik alak eng' pichooto.

BUKUIT NE TILIL

¹⁰ Konerekyi anyun Asa keerindet, ak konde inendet korgoret; amu kinerekyi inendet mising’ agobo kiito. Ak kius Asa bik alak eng’ betusiechoto.

2 ATEPTAP PEETUUSYEK 16:10 ပူးပေါင်းရင်းမြစ်များ

2 SAMUEL 11:4

Ki iyookto anyun `Daudi piik koba kimut, ak ki nyo ole mi ineendet ak kiruiyo ak ineendet; (amu kiga koanyinygei eng' murwoonindanyi.) Yeityo koweektagei kwo koonnyi.

2 SAMUEL 12:13

Koleenji `Daudi Nathan, “Koayachi Kamuktaindet ne Toroor tengekto.” Kowolji `Nathan Daudi koleenji, “Kagoisto Kamuktaindet ne Toroor agine tengektong'ung'; memee.

2 SAMUEL 12:31

Ak ki imut piik che ki mi oriit komong', ak konde icheek koboisyee musumenosyek, kariik che kiburburenisye ak aonogap kariik, ak kobirchi kobois eng' ole kibeelee matubaruuk. Ki yachi ko uu nooto nganasook tugul che po lagogap Ammon. Yeityo koweek Daudi ak piik tugul koba Jerusalem.

1 LAITORINIK 13:4

Kingo kas laitoryat ng'aleegap chiitap Kamuktaindet, ne kiwaage kapkorosuut eng' Bethel, kochuul anyun Jeroboam eunnyi eng' kapkorosuut kong'werer kole, “Onam ineendet!” Ak ki yaam eunooto kiga chuul, ne mata komuuch koaruny kogeny.

1 LAITORINIK 22:27

ak koleenji, “ ‘Kamwa laitoryat ko uu ni, kole: Onde chiichi korgoreet, obae ineendet amitwogigap nyalilda ak peegap nyalilda agoi aweigei eng' kaalyeet.’ ”

2 ATEPTAP PEETUUSYEK 16:11

Poisyonigap Asa, kobooch che po tai agoi che po let, ko ki kisirchi kitabuutap laitorinigap Judah ak Israel.

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

2 ATEPTAP PEETUUSYEK 18:26

Oleenji kamwa laitoryat kole, ‘Onde chiichi korgoreet, ak obae amitwogigap nyalilda ak peegap nyalilda, agoi aweege eng' kaalyeet.’ ”

2 ATEPTAP PEETUUSYEK 25:16

Ak ye kita kong'alaaldos ak ineendet, koleenji laitoryat, Tos kogindein iegu kirwoogindetap laitoryat? Muite; amu nee si imache kebarin? Kimuita anyun maotyot, ak ki le, Angen ale, kagotil Kamuktaindet kole kong'emin, amu kaiyai ni, ama igas ng'aleekyuk.

2 ATEPTAP PEETUUSYEK 26:19

Ki nereech anyun Uzziah. Ki tinyei ineendet tereet eng' eunnyi ne kibeelee nyamdutik; ak ye kinereekyin tisiik, komang'une mogondosaik togeennyi eng' taitap tisiik eng' kootap Kamuktaindet ne Toroor, eng' ye neegitee kapkorosutap nyamdutik.

Kitabuutap JOB 20:19

Amu ki inyaliil kibananook ak kometo, ki korep koot eng' koroomnateet, ak ma teechei kogeny.

TIENWOGIKAL 141:5

Ingobira ne po iman, si koek nooto ne myee. Mechamji mwaita ne po kiptengeginik koiil metinnyu; amu ma metoi asa agirinda tengekwogikwak.

ISAIAH 51:23

Ak ande eutap icheeget che inyaliilin; che ki leenji saboondang'ung', “Ng'uruuge, si kobiit kesiirte: ak iite pateng'ung' koigei ng'wonyut, ak koigei ooreet, eng' icheek che siirtoi.”

JEREMIA 20:2

Ki pir anyun Pasur maotyot Jeremiah, ak koratyi ineendet keetiik keelyekyik, eng' ormariichet ne po meto ne po Benjamin, ne ki mi kootap Kamuktaindet ne Toroor.

JEREMIA 26:21

Ak ye kingo kas Laitoryat Jehoiakim, kobooto piikyik tugul che nyigoonen, ak pounik tugul, kogicheeng' laitoryat kobar ineendet; ago ye kingo kas Uriah, koywei ak komwei, kwo Misiri.

JEREMIA 29:26

Kaindein Kamuktaindet ne Toroor iegu tisiindet igeer tisiindet Jehoiada, si kobiit oegu pounik eng' kootap Kamuktaindet ne Toroor, amu chii age tugul ne kibiywet, ak koyaegei koek maotyo, iratyi keetiik keelyekyik, ak iratyi mugurek kaatinnyi.

JEREMIA 37:15

Ak ki nereekyi pounik Jeremiah, ak kobir, ak kotoorchi korgoreet eng' kootap Jonathan siriindet; amu kiga koyai yooto koek korgoreet.

JEREMIA 51:34

Ki koama Nebukadresar laitoryatap Babilon, ki kotuatua, ki koyaa aek tereet ne ma mi kiy, ki kolugua ko uu maswetit, kigonyiit moennyi tuguukyuk che anyiny; ki kotoorcha saang'.

RIREKAB JEREMIA 3:34

Ye kityechatyechi kimonjororinik tugul che po ng'wony;

LUKA 3:20

kotesyi niito anyun chuun tugul, nooto kogiger Johana eng' korgoreet.