2 ATEPTAP PEETUUSYEK 15:12 - BUKUIT NE TILIIL Sireet ne Dutero Kanon

¹² Ki yai arorutyet kocheeng' Kamuktaindet ne Toroor, Kamuktaindetap kwanisyekwak, eng' mugulelwekwak tugul ak eng' saboonwekwak tugul,

Bukuit Ne Tilil

¹² Ki yai arorutyet kocheeng' Kamuktaindet ne Toroor, Kamuktaindetap kwanisyekwak, eng' mugulelwekwak tugul ak eng' saboonwekwak tugul,

BUKUIT NE TILIL

¹² Ak kiiyomisgei kocheng’ Jehovah, Kamuktaindetab kwanisiekwak, eng’ mugulelwekwak tugul, ak eng’ sobonwekwak tugul;

2 ATEPTAP PEETUUSYEK 15:12 ပူးပေါင်းရင်းမြစ်များ

1 LAITORINIK 8:48

ngot koweegiyigei eng' mugulelwekwak tugul ak eng' saboonwekwak tugul, eng' emetap puunikwak che kiluul icheek, ak kosaain kotokyigei emennywa, ne ki igoochi kwanisyekwak, nganaseet ne ki ilewen, ak koot ne ki ateekyi kaineng'ung',

2 LAITORINIK 11:17

Ki yai Jehoiada arorutyet eng' kwenutap Kamuktaindet ne Toroor ak laitoryat ak piik kole egu icheek piigap Kamuktaindet ne Toroor; ak eng' kwenutap laitoryat agine ak piik.

2 LAITORINIK 23:3

Ki tonon laitoryat eng' ye po toloita ak koyai arorutyet eng' taitap Kamuktaindet ne Toroor, koosup Kamuktaindet ne Toroor ak koriip ng'atuutikyik, paornatosyekyik ak kayomisutikyik eng' muguleldanyi tugul ak saboondanyi tugul, kogimit ng'aleegap arorutyoni che ki kisirchi bukuini. Kitononso piik tugul koyan arorutyonooto.

2 ATEPTAP PEETUUSYEK 11:16

Ki pwa Jerusalem, piik alak eng' ortinwek tugul che po Israel, icheek che kiga igiilgei eng' mugulelwekwak kocheeng' Kamuktaindet ne Toroor, Kamuktaindetap Israel, koosup pichooto, kobwa koeng'ji Kamuktaindet ne Toroor, Kamuktaindetap kwanisyekwak.

2 ATEPTAP PEETUUSYEK 15:4

Ago kingo weekyigei Kamuktaindet ne Toroor, Kamuktaindetap Israel, eng' nyalildanywa, ak kocheeng' ineendet, konyoor ineendet.

2 ATEPTAP PEETUUSYEK 19:3

Nganda uu nooto ko ki kigeerchin tuguuk che myachen, amu ki iste Aserot eng' emet ak ki igiil muguleldang'ung' icheeng' Kamuktaindet.”

2 ATEPTAP PEETUUSYEK 23:16

Koyomiskei anyun Jehoiada ak piik tugul, ak laitoryat, kole koek piigap Kamuktaindet ne Toroor.

2 ATEPTAP PEETUUSYEK 29:10

Ara anyun, mi muguleldanyu kiyomiske ak Kamuktaindet ne Toroor, Kamuktaindetap Israel, si keistoenech nereegekyik che koroomen.

NEEMIA 10:29

koginamgei ak tupchosyekwak, piikwak che taagunotiin ak ki iyasyo eng' chubisyet ak kayasyoet, kole kobendatee ng'atuutigap Kamuktaindet che ki kigoon eng' Musa otwogindetap Kamuktaindet. Ki iyasyo koriip ak koyai kayomisutik tugul che po Kamuktaindet ne Toroor Kiptaiyandennyo, kobooto kirwoogutikyik ak katigonutikyik.

NEEMIA 9:38

Agot eng' chooto tugul ko kagiyai arorutyet ne kiim, ak keesir, ak kong'ooch pounikyok ak Lawikyok ak tisiikyok.

JEREMIA 50:5

Teeboti agobo ole teptoi Zion kotokyigei olooto, koleen, Obwa, ak onamge ak Kamuktaindet ne Toroor eng' kayomiset ne po koigeny ne ma kiutye.

POISYONIGAP CHE KIYOKTOI 24:14

Ago kang'ang'un niito, eng' Oranooto kuure icheek piteet age, aoote Kamuktaindet ne po kwanisyekyok, ak ayani tuguuk tugul ko uu ye mwaei Ng'atuutyet, ak che ki kisir eng' maotik:

2 KORINTOEK 8:5

ak ma ko uu ye ki kimang'u, ago kisip kogoochigei icheeget Kiptaiyat, ak ki konechkei eng' mageetap Kamuktaindet;

NG'ATUTIK 10:12

“Ara anyun Israel, nee ne magenen Kamuktaindet ne Toroor Kamuktaindeng'ung', kobatee iywei ineendet kamuktaindeng'ung', iwendote ortinwekyik tugul, icham ineendet ak ioot Kamuktaindeng'ung' eng' muguleldang'ung' tugul ak eng' saboondang'ung' tugul,

NG'ATUTIK 29:1

Chu ng'aleegap kayomiset ne ki ng'at `Kamuktaindet ne Toroor Musa koyai kobooto piigap Israel eng' emetap Moabik, kotese kayomiset ne ki iyomiskei ak icheek eng' Horeb.

NG'ATUTIK 29:11

lagokwok, osotikwok, ak toondeng'wong' ne miitei nganasokwok kobooch ne murmuri kweniguk agoi ne siilei peeguk.

NG'ATUTIK 29:12

Si kobiit oarorchigei ak Kamuktaindet ne Toroor Kamuktaindeng'wong' ak kayosyennyi, ne yaei Kamuktaindet ne Toroor Kamuktaindeng'wong' kobooten rani.

NG'ATUTIK 4:29

Ago ngo cheeng' eng' olooto Kamuktaindet ne Toroor Kamuktaindeng'ung', onyooru ineendet ngo cheeng' eng' muguleldang'wong' tugul ak eng' saboondang'wong' tugul.

NG'ATUTIK 6:5

ak cham Kamuktaindet ne Toroor Kamuktaindeng'ung' eng' muguleldang'ung' tugul, eng' saboondang'ung' tugul ak eng' kimnateng'ung' tugul.

JOSHUA 24:25

Koyomiskei `Joshua anyun ak pichooto peetuunooto, ak koyachi ng'atuutyet ak kayomisutyet eng' Shekem.