1 TIMOTEO 6:18 - BUKUIT NE TILIIL Sireet ne Dutero Kanon

¹⁸ ile koyai ne myee, si kobiit koek mogoreek eng' poisyonik che myach, si kochobogis kogoito, koyomogei ak alak;

Bukuit Ne Tilil

¹⁸ ile koyai ne myee, si kobiit koek mogoreek eng' poisyonik che myach, si kochobogis kogoito, koyomogei ak alak;

BUKUIT NE TILIL

¹⁸ ile koyai ne mie, si kobiit koek magorek eng’ boisionik che miach, si kochobogis kogoito, koyomogei ak alak;

1 TIMOTEO 6:18 ပူးပေါင်းရင်းမြစ်များ

2 ATEPTAP PEETUUSYEK 24:16

Ak ki kitupchi ineendet nganaseetap Daudi kobooto laitorinik, amu ki yai ne myee eng' Israel, eng' Kamuktaindet ak koonnyi.

TIENWOGIKAL 112:9

Kigoseerseer, Ki kogoochi che ma tinyei kiy; tebyei imandanyi koigeny; kitoroori kuinennyi eng' teegisto.

TIENWOGIKAL 37:3

Imang'u Kamuktaindet ne Toroor ak iyai ne myee; meng'iisye eng' emet, ak isup imanda.

AMDOINDET 11:6

Koolse karon, amesiis koskoleny, amu mengen che rurtos, ngo ni anan ni anan ngo myagitu tuwai.

AMDOINDET 3:12

Angen ale ma mi kiit ne myee eng' icheek kosiir koboiboitu, ak koyai ne myee kotee kosaptos.

ISAIAH 32:8

Ago chobei ne tagunoot tuguuk che taagunotiin; ak tebyei eng' tuguuk che taagunotiin.

ISAIAH 58:7

Tos ma kebae amitwogiguk che amei rubeet, ak imutu kibananook che kigetimda, kobwa koong'ung'? Ye igeer ne mi aach ngor, ituch; ameung'egei piik che po oreng'ung'?

MATAYO 5:42

Igoochi ineendet ne soomin, ametuktoochi patai ineendet ne machei kobesenin.

LUKA 12:21

Ki igees Jesu kole, “Uu nooto anyun chiito ne konorchingei mogornateet ineegei, ne ma mogoryo eng' Kamuktaindet.”

LUKA 3:11

Ak ki wolji icheek koleenji, “Ineendet ne tinyei sumotik aeng', kogoochi ne ma tinyei; ak ingoyai ko uu nooto agine ne tinyei amitwogik.”

POISYONIGAP CHE KIYOKTOI 10:38

ongen ole ki iil `Kamuktaindet Jeso ne po Nazareth eng' Kabuuset ne Tiliil ak eng' kamuktaet; kiwendot ineendet ak koyaei ne myee, ak kosoobi tugul che ki inyaliili chesawilyet, amu ki mi Kamuktaindet kobooto ineendet.

POISYONIGAP CHE KIYOKTOI 11:29

Kichopkei komyee kasubik koyookyi toreteet tupchosyek che ki menyei Judea, chii tugul ko uu ye ki imuuchi.

POISYONIGAP CHE KIYOKTOI 9:36

Ki mi agenge eng' kasubik Joppa ne ki kiguure Tabita, ne ye kiweech eng' kutitap Yunanik ko Dorkas. Ki tinyei kobogoryondoni poisyonik che chaang' che myach ak kagoochinoik che ki igoitoi.

ROMANIK 12:13

otoret che tiliileen eng' tuguuk che pononi; oaiyebitu eng' toek.

ROMANIK 12:8

anan ineendet ne iteitoi, kochuljige kateitaennyi: ineendet ne igoitoi, kogoito eng' aiyebindo; ineendet ne pou, koboi kochuljigei; ineendet ne rireegei, koriiregei eng' poiboiyet.

1 KORINTOEK 16:2

Ingogonor chii age tugul eng' okweek eng' peetuut ne po tai ne po wigiit, ko uu che tee che kanyoor, si ma piit kayumisyet ye tuun anyoo.

2 KORINTOEK 8:12

Amu ngo choboot kabwaatetap chii, ko taachaksei ko uu ye tinyei chii, ma ko uu ye ma tinyei.

2 KORINTOEK 8:9

Amu ongen myeeindap Kiptaiyandennyo Jeso Kristo ole, agot nganda ki mogoryo, ko ki ek kibanania agobo okweek, si kobiit oegu mogoreek eng' panandanyi.

GALATYEK 6:10

Nooto anyun, ko uu ye ki tinyei poroindo, ko ongeyachi piik tugul ne myee, ago ne siirei ko icheeget che po kootap kayaneet.

EPESOEK 4:28

Ineendet ne kigochoorso ko matata kochoorso: ago kaigai kobois, koyai eng' eunekyik nooto myee, si kobiit kosich kiit ne igoochin ineendet ne panani.

1 TIMOTEO 5:10

ne kimwaitae ineendet poisyonik che myach; ngo kigo pai lagok, ngo ki kotaach toek, ngo kigoun keelyegap che tiliileen, ngo ki kotoret che nyalildos, ngo kigogiilgei eng' poisyet age tugul ne myee.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

TITO 3:8

Po iman ng'olyoondoni, ak amache imwa tuguuchuuto eng' kimnateet, si kobwaat icheek che ki koyan Kamuktaindet, koyai kotugul poisyonik che myach. Myachen tuguuchuuto ak kotoreti piik:

HEBRANIK 13:16

Oyai che myachen, amoutye oyai yamdaet: amu paibai miising' Kamuktaindet eng' koroseek che uu chooto.

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

1 PETERO 3:11

Ingoistoegei yaityo, ak koyai ne myee; Ingocheeng' kaalyeet ak koosup.

1 JOHANA 3:17

Ago chiito ne tinyei tuguugap ng'wonyuni, ak kogeerei ne tupcho kobanani, ak koger muguleldanyi, ama riiree ineendet, komeng'doi ano chamyetap Kamuktaindet ineendet?

3 JOHANA 1:11

Chamanani, amesup yaityet ago isup ne myee. Ineendet ne yaei ne myee ko po Kamuktaindet; ineendet ne yaei yaityo ko tomo kogeer Kamuktaindet.