1 TIMOTEO 3:1 - BUKUIT NE TILIIL Sireet ne Dutero Kanon

¹ Po iman ng'olyoondoni, Ngo machei chii koek riibindetap kaniset, ko kamach poisyet ne myee.

Bukuit Ne Tilil

¹ Po iman ng'olyoondoni, Ngo machei chii koek riibindetap kaniset, ko kamach poisyet ne myee.

BUKUIT NE TILIL

¹ Bo iman ng’olyondoni, Ngo machei chi koek ribindetab kaniset, ko kamach boisiet ne mie.

1 TIMOTEO 3:1 ပူးပေါင်းရင်းမြစ်များ

KALEWANAIK 11:30

Poisyonigap ne po iman ko keetitap saboondo; ago koroomnateet koolusi saboonwegap piik.

LUKA 15:10

Uu nooto anyun, amwaiwok ale, mi poiboiyet eng' taitap malaikaisyegap Kamuktaindet eng' kiptengekyot agenge ne kasik.

POISYONIGAP CHE KIYOKTOI 1:20

“Amu siraat eng' kitabuut ne po Tyenwogigap Kalasunet kole, ‘Ingoguber ole menyei, amat komeny chii olooto’; ak ‘Ingonam chiito age poisyennyi.’

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

ROMANIK 11:13

Ago ang'alaalwok okweek che oo po Pororyosyek. Ko uu ye aa kayooktoindet ne po Pororyosyek, atoroori poisyennyu:

EPESOEK 4:12

si koyai che tiliileen koek che ititaatiin, agobo poisyetap otisyet, agobo teekseetap poortap Kristo,

PILIPIK 1:1

Paulo ak Timoteo, otwogigap Kristo Jeso, kisirchini tugul che tiliileen eng' Kristo Jeso che miitei Philippi kobooto riibiigap kaniset ak kiboitiinik:

1 THESSALONIKEK 5:14

Ak kitigoonok, che kitupche, keele oteechi che ma riibei che ki king'at, ocher che nyogooren, otoret che nyalulyotin, omuite ak piik tugul.

1 TIMOTEO 1:15

Po iman ng'olyoondoni, ak nyolu koyanak inne, ne mwaei kole ki nyo Kristo Jeso ng'wony kosar kiptengeginik; aa ne po tai eng' chooto;

1 TIMOTEO 4:9

Po iman ng'olyoondoni, ak konyolu koyanak inne.

2 TIMOTEO 2:11

Po iman ng'olyoondoni: Amu ngo kigebegu kobooto ineendet, kesaptosi kobooto ineendet:

TITO 1:7

Amu kanyolji riibindetap kaniset koek chii ne ma tinyei leluut, ineendet ne riibindetap poisyetap Kamuktaindet; ma ne isubi magennyi, ne ma sip konereechi, ne ma kimaiya, ne ma pirisyei, ne ma ting'ee keiyandit mogornateetap teweernateet;

TITO 3:8

Po iman ng'olyoondoni, ak amache imwa tuguuchuuto eng' kimnateet, si kobwaat icheek che ki koyan Kamuktaindet, koyai kotugul poisyonik che myach. Myachen tuguuchuuto ak kotoreti piik:

HEBRANIK 12:15

ogeer si ma rartae chii myeeindap Kamuktaindet; si ma piit tigityotap ng'wanindo ak konyalilis, ak komurwon che chaang';

1 PETERO 2:25

Amu ki obetooti ko uu keechiirek; ago kaoweekyigei Mestowot ak ko Riibindetap saboonwekwok.

1 PETERO 4:15

Amat konyalil age eng' okweek amu rumin, anan ko choriin, anan ko ne yaei yaityo, anan ko chii ne indogei ng'aleegap piik alak;

1 PETERO 5:2

oyage akweetap Kamuktaindet ne miitei kwenung'wong', otononji, ama eng' pirchinet, ago oyage eng' chameet, eng' Kamuktaindet; ama eng' mageetap keljinet ne murwoon, ago oyage eng' chameet ne oo;