1 TIMOTEO 1:5 - BUKUIT NE TILIIL Sireet ne Dutero Kanon

⁵ Ago kasuldaetap ng'atuutyoni ko chamyet ne punu muguleldo ne tiliil ak kabwaatet ne myee ak kayaneet ne ma tinyei keniisyet:

Bukuit Ne Tilil

⁵ Ago kasuldaetap ng'atuutyoni ko chamyet ne punu muguleldo ne tiliil ak kabwaatet ne myee ak kayaneet ne ma tinyei keniisyet:

BUKUIT NE TILIL

⁵ Ago kasuldaetab ng’atutioni ko chamnyet ne bunu muguleldo ne tilil ak kabwatet ne mie ak kayanet ne matinyei kenisiet:

1 TIMOTEO 1:5 ပူးပေါင်းရင်းမြစ်များ

TIENWOGIKAL 24:4

Ineendet ne tiliileen eunek ak ko tiliil muguleldanyi, ne ma lasyingei saboondanyi tuguugap yaityo, ama iyastos eng' ng'aalseet.

TIENWOGIKAL 51:10

Yaiywo muguleldo ne tiliil, ee Kamuktaindet; ak iyai saboondanyu koleelit ak iywokyi eng' oriit.

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

SEPANIA 3:7

Ki amwa ale, iywea iman, itaache katigonet; si ma ki isto meng'ootennyi, ko uu tugul che ki ang'at agobo ineendet. Ne katanooto kotestai koyai koyagitu miising' poisyonikwak tugul.

MATAYO 12:35

Ibune chii ne myee tuguuk che myach konorwennyi ne myee, ak ibune chii ne ya tuguuk che yaach konorwennyi ne ya.

MATAYO 5:8

Poiboen che tiliileen mugulelwek, amu tuun keerei Kamuktaindet.

POISYONIGAP CHE KIYOKTOI 15:9

ak ki ma ibesyech ak icheeget, ye ki itiliili mugulelwekwak eng' kayaneet.

POISYONIGAP CHE KIYOKTOI 23:1

Ak kingo keer Paulo kapkirwoogonooto komyee, komwa kole, “Che kitupche, ki atebee kotugul kabwaatet ne myee eng' taitap Kamuktaindet agoi rani.”

POISYONIGAP CHE KIYOKTOI 24:16

Ak achobegei anyun agane eng' ng'olyoondoni atebee kotugul kabwaatet ne ma tinyei kanagut eng' taitap Kamuktaindet ak piik.

ROMANIK 10:4

Amu Kristo kagesunetap Ng'atuutyet agoi imanda eng' age tugul ne iyani.

ROMANIK 12:9

Ingoek chamyet ne ma tinyei ng'aalseet. Wech miising' nooto ya; onamge ak ne myee.

ROMANIK 14:15

Amu ngo aragen ne otupche amu amitwogik, koma iwendoti eng' chamyet. Amebar ineendet eng' amitwogiguk ne ki mechi Kristo.

ROMANIK 9:1

Amwae iman eng' Kristo, ma mwaei lembech, paoryani kabwaatutikyuk kobooto eng' Kabuuset ne Tiliil,

1 KORINTOEK 13:1

Agot ndang'alaale kutusweegap piik ak che po malaikaisyek, ama tinye chamyet, ko kaegu sugunwet ne cheei, anan sanitap sugunwet ne polei.

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

GALATYEK 5:6

Amu eng' Kristo Jeso koma tilei kiy kamuratanet, anan ngo ma kimuratan; ago kayaneet ne poisyei eng' chamyet.

NG'ATUTIK 10:12

“Ara anyun Israel, nee ne magenen Kamuktaindet ne Toroor Kamuktaindeng'ung', kobatee iywei ineendet kamuktaindeng'ung', iwendote ortinwekyik tugul, icham ineendet ak ioot Kamuktaindeng'ung' eng' muguleldang'ung' tugul ak eng' saboondang'ung' tugul,

1 TIMOTEO 1:18

Kagoonin kayomisoni inyee lakweennyu Timoteo, ko uu amdaosyek che kisip kemwa agobo inyee si kobiit imuuch iyai lugeet ne myee eng' chooto;

1 TIMOTEO 1:19

iname kayaneet ak kabwaatet ne myee; che, kingo kagometo alage, kong'emogis eng' kayaneet;

1 TIMOTEO 3:9

che namei ung'ootyetap kayaneet eng' kabwaatet ne tiliil.

2 TIMOTEO 1:3

Amwachini Kamuktaindet kongoi, ne aoote ko uu ye kiyaei kwanisyekyuk che po tai eng' kabwaatet ne tiliil, ale masisei kabwaatet ne abwaatin eng' soomutikyuk, kemoi ak peet,

2 TIMOTEO 1:5

ye kingi pwatwa kayaneet ne ma tinyei keniisyet ne mi eng' inyee; ne ki menyei korook eng' ingogo Lois, ak kamenng'ung' Eunike; ak, ayani ale menyin aginye.

2 TIMOTEO 2:22

Ago mwee maguutik che po neranik, ak isup imanda, chamyet, kayaneet, kaalyeet, kobooto icheeget che kuurei Kiptaiyat eng' mugulelwek che tiliileen.

TITO 1:15

Tiliileen tuguuk tugul eng' icheek che tiliileen: ago ma mi kiy ne tiliil eng' icheeget che murwonen che ma iyanotin; ago murwonen nautikwak ak kabwaatutikwak.

HEBRANIK 10:22

ongeriikte anyun eng' muguleldo ne po iman eng' nyiietap kayaneet, ko kageis mugulelwekyok kemete kabwaatet ne ya, ak kiuun poorwekyok eng' peek che tiliileen:

HEBRANIK 13:18

Osaa agobo acheek: amu kiyani keele ki tinyei kabwaatet ne myee, kimache ketebi eng' atebeet ne myee eng' tuguuk tugul.

HEBRANIK 9:14

kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!

JAKOBO 4:8

Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

1 PETERO 3:16

otinye kabwaatet ne myee; si ye kitaamok, kigoochin kolilaan icheek che mwaitae ng'aleek che yaach atebeeng'wong' ne myee eng' Kristo.

1 PETERO 3:21

kergeindap tuguuchuuto ko kabatisanet, ne sarwok agine eng' peetuusyechu, ma keele istoetap simdap poorto, ago waluunetap kabwaatet ne myee ne tokyingei Kamuktaindet, eng' ng'eetyeetap Jeso Kristo;

1 PETERO 4:8

ne siirei tuguuk tugul ko ochamyee miising' okweegei; amu tuchei chamyet chaang'indap tengekwogik:

2 PETERO 1:7

ak otesyi `chametap tupchosyek kayweetap Kamuktaindet; ak otesyi `chamyet chametap tupchosyek.

1 JOHANA 3:10

Ng'ang'aksei lagogap Kamuktaindet eng' niito, ak lagogap chesawil: chii age tugul ne ma yaei imanda koma po Kamuktaindet, anan ineendet ne ma chamei ne tupcho.

1 JOHANA 3:23

Ak ni ng'atuutyennyi, keele kiyan kainetap Weeriinnyi Jeso Kristo, ak kechamye acheegei eng' acheegei, ko uu ye ki koonech ng'atuutyet.

1 JOHANA 3:3

Ak chii age tugul ne tinyei kamang'unoni agobo ineendet kotiliilegei, ko uu ye tiliil ineendet.