1 THESSALONIKEK 5:3 - BUKUIT NE TILIIL Sireet ne Dutero Kanon

³ Ye mwaei icheek koleen, Kaalyeet ak chametapkei, koche anyun icheek ng'emisyet, ko uu ye ityin ng'wanindo kobogoryot ne machei kosigiis; ago ma koi chililso.

Bukuit Ne Tilil

³ Ye mwaei icheek koleen, Kaalyeet ak chametapkei, koche anyun icheek ng'emisyet, ko uu ye ityin ng'wanindo kobogoryot ne machei kosigiis; ago ma koi chililso.

BUKUIT NE TILIL

³ Ye mwaei ichek kolen, Kalyet ak chametab ge, koche anyun ichek ng’emisiet, ko u ye ityin ng’wanindo kobogoriot ne machei kosigis; ago magoi chililso.

1 THESSALONIKEK 5:3 ပူးပေါင်းရင်းမြစ်များ

Kitabuutap JOB 15:21

Mi itiikyik tuugeetap kamuisosyek; ibookyin ineendet `luulindet eng' peetuusyekyik che po poroteet.

Kitabuutap JOB 24:23

Igoochin Kamuktaindet icheek kotebee ole mi kaalyeet, ak komuung'e yooto. Ak komi konyekyik ortinwekwak.

TIENWOGIKAL 35:8

Ingoche ineendet `ng'emisyet! Ak ingonam ineendet mesteet ne ki unyei; ingororokyi olooto eng' ng'emisyonooto!

TIENWOGIKAL 48:6

Ki potanso eng' olooto; ki nyoor ng'wanindo ko uu kwondo ne machei kosigiis.

TIENWOGIKAL 55:15

Ingoche meet icheek, ak ingororokyi keriinget kosaptos; amu miitei yaitwogik kooriikwak ak kwenunnywa.

TIENWOGIKAL 69:22

Ingoek mesteet meesennywa ne mi tainnywa; Ak ingoek mesteet ye mi icheek eng' kaalyeet.

KALEWANAIK 29:1

Ineendet ne iuuiiti kaatinnyi, ko kageger kong' konyil che chaang', ko yaitu eng' chokyinet, ama mi kiy ne kinyae.

ISAIAH 20:6

Eng' peetuunooto ko tuun mwaei che menyei emoni po ngeguut, kole, “Ogeero, kamang'unennyo niito, ne ki kimwechi agobo toreteet si kobiit kesarwech eng' laitoryatap Assyria! Ak acheek anyun, kechilildoi ano?”

ISAIAH 29:5

Ago kergeitu chaang'indap puuniguk ak ng'ung'unyek che pusbus, ak kogergeit chaang'indap che imuisei ak meteteek che arureni. Piitu, ee eng' cheiset,

ISAIAH 30:13

ko uu nooto anyun kergeitu tengegito eng' okweek ak ole kigong'eer ole neegit kobutok, ne kogotoorgei eng' inaatut ne kooi, ne luulei kochokyin.

ISAIAH 47:11

Nyonjinin anyun yaityet; memuuchi igirinde: ak ibutyinin pichiindo, memuuchi iiste: ak kochein ng'emisyet, ne mengen.

ISAIAH 47:9

ago cheein tuguuchuuto aeng' peetuunak, pegu lagok, ak kobiit mosoknateet: pwonjinin ko nyiitootiin, agot ngo chaang' orgoinatosyeguk, ak ko ng'iisyat ng'oorsosyeguk.

ISAIAH 56:12

Mwaei kole, obwa, si aip divaik, si kee maiyek konyiiech; ak kergeitu peetuuni ak mutai; peetuut ne oo, ne siirtoot.

JEREMIA 13:21

Tos mwaei nee ye tuun inde ineendet choronoguk koboun, ak ko inyee ne ki ineeti icheek? Tos manamin ng'waninwek, ko uu kwondo ne machei kosigiis?

JEREMIA 14:19

Tos ki ieesye Judah iman? Tos kigowech saboondang'ung' Zion? Amu nee si ibirech, ama mi kasoobet eng' acheek? Ki kigen kaalyeet, ago ma nyo kiy ne myee; ki kigen peetuutap kasoobet ak keero, ki piit arageneet!

JEREMIA 22:23

Ee inyee ne imenye Lebanon, ne iteeche kesweng'ung' eng' taragonik, iegu chii ne kiriirchin miising' ye kabwonjin ng'waninwek, ng'wanindo ne uu ne po kwondo ne machei kosigiis!

JEREMIA 4:31

Amu ki agas waagaat ne uu ne po kwondo ne machei kosich taaitanyi, kutitap cheptap Zion ne isyenyi, ne iitoi eunekyik ak komwaei koleen, pwo eng' anee! Amu tanui saboondanyu eng' taitap rumiik.

JEREMIA 6:14

Kigonya ak kobir parak moogap piikyuk, koleenjin, “Kaalyeet, kaalyeet,” ye ma mi kaalyeet.

JEREMIA 6:24

Kigegas kalasunennywa, ak kanyalulso eunekyok. Kanamech pichiindo ak ng'waninwek, che uu che po kwondo ne machei kosigiis.

JEREMIA 8:11

Ak kigonya moogap piikyuk kobir parak, koleenjin, ‘Kaalyeet, kaalyeet,’ ye ma mi kaalyeet.

EZEKIEL 13:10

Ee, amu ki koberber piikyuk, koleenji, kaalyeet; ama mi kaalyeet; ak ye teech chiito inaatut, ogeero, male tartaarik che ma myachen:

HOSEA 13:13

Pwaanjin ineendet aragenosyek che po kwondo ne machei kosigiis: ineendet ko weeriit ne ma ng'oom; amu kait peetuut ne ma nyoljin kota kotebee moo.

NAHUM 1:10

Nganda uu icheek katook che king'walgei, ak ko uu che pogitos eng' eeisennywa, kebeelei kogeskei ko uu mobeek che yamyotiin.

MATAYO 23:33

Erenochu, oo lagogap erenook che ng'woneen, ochilildoi ano eng' kirwoogetap Gehenna!

JOHANA 16:21

Arageni tamonet ye machei kosigiis, amu kait sainnyi; ago ye kagosich lakweet, koma kobwaati ng'wanindo kogeny, eng' poiboiyet amu kagesikyi chii ng'wony.

POISYONIGAP CHE KIYOKTOI 13:41

‘Ogeero, okweek saasiik, okwong'ye ak olusye; Amu ayae poisyet eng' peetuusyekwok, poisyet ne ma koi oyan matiny, agot ngo mwaiwok chii.’ ”

NG'ATUTIK 29:19

Ye kas ng'aleegap chubisyoni, koberuurgei eng' muguleldanyi kole, atebye eng' kaalyeet agot ngawendoti eng' ngelelnatetap muguleldanyu; tesei melelda pogitet.

2 THESSALONIKEK 1:9

che tuun nyooru pireet, nooto ng'emisyet ne po koigeny ko kageisto eng' taitap Kiptaiyat ak eng' toroornatetap kimnateennyi,

HEBRANIK 12:23

ak tuiyetap piik tugul ak kaniset ne po che po tai eng' sigeet che kigesir eng' kipsengwet, ak Kamuktaindet kirwoogindetap tugul, ak saboonwek che po piigap imanda che ki kiyai koek che ititaatiin,

HEBRANIK 2:3

kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas;

2 PETERO 2:4

Amu ngot ko ki ma riiree `Kamuktaindet malaikaisyek ye kingo yai tengekto, ago ki toorchi ole kanyee kirwooget, ak konde keriingonik che po mesundeito keriip kot koit kirwooget;

KIRUOGIK 8:11

Ak kitogosta Gideon kobun ooreetap piik che ki menyei emaisyek eng' komostap kong'asiis ne po Noba ak Jogbea, ki ibookyi ak ki par lugeet amu ki mi icheek eng' kaalyeet.