1 THESSALONIKEK 5:24 - BUKUIT NE TILIIL Sireet ne Dutero Kanon

²⁴ Ineendet ne kuurok ko ineendet ne kiyani, ne yaei nooto agine kosulda.

Bukuit Ne Tilil

²⁴ Ineendet ne kuurok ko ineendet ne kiyani, ne yaei nooto agine kosulda.

BUKUIT NE TILIL

²⁴ Inendet ne kuurok ko inendet ne kiyani, ne yaei noto agine kosulda.

1 THESSALONIKEK 5:24 ပူးပေါင်းရင်းမြစ်များ

2 LAITORINIK 19:31

Amu mandoi eng' Jerusalem che kang'et, ak chilildos eng' tulweetap Zion. Yaei niito kagiiletapkei ne po Kamuktaindet ne Toroor.

TIENWOGIKAL 100:5

Amu myee Kamuktaindet ne Toroor; tebyei rireenennyi koigeny, ak imandanyi eng' ibinwek tugul.

TIENWOGIKAL 138:2

Agutunyi atokyinige hekalung'ung' ne tiliil, ak agoochini kaineng'ung' kongoi amu chamyeng'ung' ne tala amu imandang'ung'; amu ki ieet ng'olyoondeng'ung' kosiir kaineng'ung' komugul.

TIENWOGIKAL 146:6

ne ki yai kipsengwet ak ng'wony, nyanjet, ak tugul che mi olooto; ne riibei imanda koigeny;

TIENWOGIKAL 36:5

Itei chamyeng'ung' ne tala kipsengwet, ee Kamuktaindet ne Toroor; ak itei parak imandang'ung'.

TIENWOGIKAL 40:10

Ki ma uny imandang'ung' eng' muguleldanyu; ki abarte imandang'ung' ak yetuneng'ung'; ki ma uny chamyeng'ung' ne tala ak imaning'ung' eng' tuiyet ne oo.

TIENWOGIKAL 86:15

Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo, Ne ma sip konereechi, ne tinyei chaang'indap rireenetapkei ak imanit.

TIENWOGIKAL 89:2

Amu ki ale, Teegoksei koigeny rireenetapkei. Igimiit imandang'ung' eng' kipsengwet.

TIENWOGIKAL 92:2

Kibarta chamyeng'ung' ne tala karon, Ak imandang'ung' lagatut age tugul,

ISAIAH 25:1

Ee, Kamuktaindet ne Toroor, ii Kamuktaindennyu; atoroorin, alasu kaineng'ung'; amu ki iyai tuguuk che kikwong'ee, kirwoogutik che po keny, eng' kagesunatetapkei ak eng' imanit.

ISAIAH 37:32

Amu mandoi eng' Jerusalem che kang'et, ak chilildos eng' tulweetap Zion: yaei niito kagiiletapkei ne po Kamuktaindet ne Toroor ne po lugoosyek.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

RIREKAB JEREMIA 3:23

Leelachen rireenosyekyik karonet age tugul; oo imandang'ung'.

MIKAH 7:20

Iyachini Jakobo imanit, ak iyachi Abraham rireenet, che kigeyosyechi kwanisyekyok eng' peetuusyek che po keny.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

JOHANA 1:17

Amu ki kigoon ng'atuutyet eng' Musa; konyo myeeindo ak imanit eng' Jeso Kristo.

JOHANA 3:33

Ineendet ne kagotaach paornatennyi ko kagonde ng'ooksennyi, kole po iman Kamuktaindet.

ROMANIK 8:30

ak icheeget che kisip kolewen, koguur chooto; ak chooto che kiguur, ko ki ityi imanda: ak chooto che kiityi imanda, ko ki itoroor.

ROMANIK 9:24

agot acheek che ki kuurech, ma eng' Yahudik kityo, ago eng' Pororyosyek ak icheek?

1 KORINTOEK 1:9

Kamuktaindet ko ne kiyani, kigeguurok eng' ineendet obwonji yamdaetap Weeriinnyi Jeso Kristo Kiptaiyandennyo.

1 KORINTOEK 10:13

Ki ma namak yoomseet kobatee nooto ne imuuchi komuitae chii tugul; ago po iman Kamuktaindet ne ma chamdook keyomak kosiir ne tee ne omuuchi; ago kobooto yoomsonooto koyaei agine ooreet ne ochilile, si kobiit omuuch omuite.

GALATYEK 1:15

Ago ye kingo cham Kamuktaindet, ne kiitabaana, kobooch moetap kamennyu, ak koguura eng' myeeindonyi,

NG'ATUTIK 7:9

Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.

1 THESSALONIKEK 2:12

si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

2 THESSALONIKEK 2:14

kiguurok anyun eng' chooto eng' logoiywekyok che myach, si kobiit onyooru toroornatetap Kiptaiyandennyo Jeso Kristo.

2 THESSALONIKEK 3:3

Ago po iman Kiptaiyat, ak igimitok ak koriibok eng' nooto ya.

2 TIMOTEO 1:9

ne kisarwech ak koguurech eng' kuurseet ne tiliil, ma ko uu poisyonikyok, ago ko uu magennyi ak myeeindonyi, ne ki kigoonech eng' Kristo Jeso kobooch kenyiisyegap koigeny,

2 TIMOTEO 2:13

ngo ma ki po iman, kotebyei ineendet eng' iman; amu ma imuuchi koeesyogei.

TITO 1:2

eng' kamang'unet ne po saboondap koigeny, ne ki iyomis Kamuktaindet, ne ma imuuchi kolembechaan, kobooch kenyiisyek che po koigeny;

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

2 PETERO 1:3

Amu ki koonech `kamuktaetap Kamuktaindet tuguuk tugul che nyoljin saboondo ak kayweet ne kiywei Kamuktaindet, eng' naet ne kinae ineendet ne ki kuurech eng' toroornatennyi ak myeeindonyi.

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”