1 THESSALONIKEK 5:23 - BUKUIT NE TILIIL Sireet ne Dutero Kanon

²³ Ak ingotabaanak eng' katabaanet ne nyiitaat Kamuktaindet ne po kaalyeet; ak ingoriiboogis komyee mugulelwekwok ak saboonwekwok ak poorwekwok, ko motinye kiy ne kimuuchi kirwoogunenok eng' nyonunetap Kiptaiyandennyo Jeso Kristo.

Bukuit Ne Tilil

²³ Ak ingotabaanak eng' katabaanet ne nyiitaat Kamuktaindet ne po kaalyeet; ak ingoriiboogis komyee mugulelwekwok ak saboonwekwok ak poorwekwok, ko motinye kiy ne kimuuchi kirwoogunenok eng' nyonunetap Kiptaiyandennyo Jeso Kristo.

BUKUIT NE TILIL

²³ Ak ingotabanak eng’ katabanet ne nyiitat Jehovah ne bo kalyet; ak ingoribogis komie tamirmirikwok ak sobonwekwok ak borwekwok, ko motinye kiy ne kimuchi kiruogunenok eng’ nyonunetab Kiptaiyandennyo Jesu Kristo.

1 THESSALONIKEK 5:23 ပူးပေါင်းရင်းမြစ်များ

EZEKIEL 37:28

Ak konai pororyosyek kole aa Kamuktaindet ne Toroor ne atabaani Israel, ye tuun tebee oldanyu ne tiliil kwenunnywa koigeny.

ATEPTAP LAWIK 20:26

Oegu che tiliileen eng' anee, amu aa tiliil anee Kamuktaindet ne Toroor, ne ki atabaanenak pororyosyek, si oegu chechuuk.

ATEPTAP LAWIK 20:8

Oriip ng'atuutikyuk ak oyai. Aa Kamuktaindet ne Toroor ne atabaanok.

LUKA 1:46

Ak ki le Maria, “Itoroori saboondanyu Kiptaiyat,

JOHANA 17:19

Ak atabaanige agobo icheek si kobiit kitabaan icheek eng' imanit.

POISYONIGAP CHE KIYOKTOI 20:32

“Ara anyun, kabagakyok nguno eutap Kamuktaindet, ak ng'olyootap myeeindonyi, ne imuuchi koteechak, ak kogoonok poroteet kobooto icheek tugul che kitiliili.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 15:33

Ingotep Kamuktaindet ne po kaalyeet kobootok okweek tugul. Amen.

ROMANIK 15:5

Ingogoonok anyun Kamuktaindet ne po muitaet ak kagaigaet oegu che otinye kabwaatet agenge okweegei eng' okweegei ko uu ye machei Kristo Jeso:

ROMANIK 16:20

Ak tuun tuei Kamuktaindet ne po kaalyeet Setani eng' keelyekwok ko neegit. Ingotep kobootok myeeindap Kiptaiyandennyo Jeso Kristo.

1 KORINTOEK 1:2

kisirchini kanisetap Kamuktaindet ne miitei Korinto, icheek che ki kitabaan eng' Kristo Jeso, che ki kiguur koek che tiliileen, kobooto tugul che kuurei kainetap Kiptaiyandennyo Jeso Kristo eng' komosta age tugul, Kiptaiyannyo ak ko nenywa.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

1 KORINTOEK 14:33

amu Kamuktaindet koma Kamuktaindet ne po polateet, ago po kaalyeet. Ko uu eng' kanisosyek tugul che po che tiliileen,

2 KORINTOEK 5:19

keele ki mi Kamuktaindet eng' Kristo kotuitos ng'wony ak ineendet, koma iityin icheek yaitwogikwak, ko kagogoonech ng'olyootap katuiyet.

PILIPIK 1:10

si kobiit onai komyee tuguuk che po telunateet; si kobiit oegu che ma tinyei keniisyet, che ma tinyei kanagut agoi peetuutap Kristo;

PILIPIK 1:6

angen komyee ng'olyoondoniito, ale ineendet ne ki toi poisyet ne myee eng' okweek koyaei kosulda agoi peetuutap Jeso Kristo:

PILIPIK 4:9

Tuguuk che ki oneetkei ak che ki otaach ak che ki ogas ak che ki ogeer eng' anee, oyai tuguuchooto: ak kotep kobootok Kamuktaindet ne po kaalyeet.

KOLOSAIK 1:22

eng' poortanyi ne po panyeek, eng' meet, si kobiit komutak ko oo tiliileen ko motinye tisya, amotinyei kiy ne kirwoogunenok eng' tainnyi:

1 THESSALONIKEK 2:19

Amu tos nee kamang'unennyo, anan poiboiyennyo, anan kuutweet ne po toroornatet? Tos ma okweek, eng' taitap Kiptaiyandennyo Jeso eng' nyonunennyi?

1 THESSALONIKEK 3:11

Ingondochi anyun pandanyo kebwa oldang'wong', Kamuktaindet nenyo ak ko Kwanda ineendet ak Kiptaiyandennyo Jeso;

1 THESSALONIKEK 3:13

si kobiit kogimit mugulelwekwok ko motinye kiy ne kimuuchi kirwoogunenok eng' tiliilindo eng' taitap Kamuktaindet nenyo ak ko Kwandanyo, eng' nyonunetap Kiptaiyandennyo Jeso kobooto chechiik che tiliileen tugul.

1 THESSALONIKEK 4:3

Amu niito mageetap Kamuktaindet, nooto katabaaneng'wong', si kobiit oistoegei sokseet.

1 THESSALONIKEK 5:22

oistoegei kiy age tugul ne ya.

2 THESSALONIKEK 3:16

Nguno anyun ingogoonok kaalyeet Kiptaiyat ineendet, ne Kiptaiyat ne po kaalyeet, kotugul eng' ui tugul. Ingotep Kiptaiyat kobootok okweek tugul.

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,

HEBRANIK 2:11

Amu ineendet ne itiliilisyei ak icheek che kitiliili kobunu agenge: eng' nooto anyun koma keerei ineendet kalilanet koguure icheek che kitupche,

HEBRANIK 4:12

Amu sabei ng'olyootap Kamuktaindet, ak kogim, ak ko ng'atip kosiir rotwetap chok ne ng'atiben komoswek tuwai, ak kotoorei agoi koobeesyo saboondo ak sabeet, ak ole tuiyechin kawek ak amseet, ak chepchep koguiyo kabwaatutik ak magutigap muguleldo.

JAKOBO 1:4

Ak ingoek muitaet ne tinyei poisyet ne ititaat, si kobiit oegu che ititaatiin ak ko nyiitootiin, che ma rartaat eng' kiy.

1 PETERO 1:2

ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

2 PETERO 3:14

Nooto anyun, chamanichu, amu ogeni tuguuchooto, ogiilgei si tuun kenyoorwok omi eng' kaalyeet ko motinye tisya amotinye leluut eng' tainnyi.

JUDA 1:1

Judah, otwogindetap Jeso Kristo, ak ko tupchetap Jakobo, asirchini che ki keguur, che chamaatiin eng' Kamuktaindet Kwanda, ak ko riibootin agobo Jeso Kristo:

JUDA 1:24

Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,