1 THESSALONIKEK 5:15 - BUKUIT NE TILIIL Sireet ne Dutero Kanon

¹⁵ Ogeer si ma yaakyi chii age tugul chiito age yaityo eng' yaityo; ago osup nooto myee kotugul, chii age eng' age, ak eng' piik tugul.

Bukuit Ne Tilil

¹⁵ Ogeer si ma yaakyi chii age tugul chiito age yaityo eng' yaityo; ago osup nooto myee kotugul, chii age eng' age, ak eng' piik tugul.

BUKUIT NE TILIL

¹⁵ Ogeer si mayaakyi chi age tugul chito age yaitio eng’ yaitio; ago osub noto mie kotugul, chi age eng’ age, ak eng’ bik tugul.

1 THESSALONIKEK 5:15 ပူးပေါင်းရင်းမြစ်များ

TAUNET 45:24

Kimonorisyechi anyun Joseph tupchosyekyik ak ye ki inamei panda, koleenji, “Amonereekyinotegei eng' ooreet.”

TIENWOGIKAL 38:20

Kaek puunikyuk che yaaktoi yaityet eng' ne myee, amu asubi kiit ne myee.

TIENWOGIKAL 7:4

ngo ki ayaakyi yaityo ne ki kimi tuwai eng' kaalyeet, anan ki arebee kiy punyondennyu ko mangen,

KALEWANAIK 17:13

Age tugul ne yaaktoi yaityet eng' ne myee, koma istoegei yaityet koonnyi.

KALEWANAIK 20:22

Amat imwa ile, “Ageeri yaityet.” Igen Kamuktaindet ne Toroor, si kosaruun.

KALEWANAIK 24:17

Amat ibaibaitu ye ibut punyondeng'ung', amat kogaskei muguleldang'ung' ye kagiwiirta ineendet,

KALEWANAIK 24:29

Amat imwa ile, “Ayachini ineendet ko uu ye kagoyaiywo; ageerchini chiichooto ko uu poisyennyi.”

KALEWANAIK 25:21

Ngo am rubeet punyondeng'ung', ibai; ak ngo am melel, inage koe;

ATEPTAP LAWIK 19:18

Ameyaakyi mugetuut anan isus ng'al agobo lagogap piiguk, ago cham chiitap kokweng'ung' ko uu ye ichamegei. Aa Kamuktaindet ne Toroor.

MATAYO 5:39

Ago amwaiwok ale, Amogirinde ne ya; ago age tugul ne irabaachin matandap tai, iweekyi age agine.

LUKA 6:35

Ago ocham puunikwok, ak oyai ne myee, ak obesende, amongen onyooru kogeny; si koeet melektang'wong', ak oegu weeriitap Ineendet Ne Toroor Miising'; amu tala ineendet eng' icheeget che ma tinyei kongoi ak che yaacheen.

POISYONIGAP CHE KIYOKTOI 16:28

Ago ki mwa Paulo eng' kutit ne oo kole, “Ameyachigei kiy ne ya, amu kimi yu acheek tugul.”

ROMANIK 12:9

Ingoek chamyet ne ma tinyei ng'aalseet. Wech miising' nooto ya; onamge ak ne myee.

ROMANIK 14:19

Nooto anyun, ongisup tuguuk che yaei kaalyeet, ak tuguuk che kiteegegei acheegei eng' acheegei.

1 KORINTOEK 14:1

Osup chamyet; ak ocheeng' miising' konunoik che po Kabuuset, ago ne siirei ko oamde logoiywek.

1 KORINTOEK 16:10

Ngot anyun konyo Timoteo, ko ingotep kobootok ama eng' kaiyweisyet; amu poisyei ineendet eng' poisyetap Kiptaiyat, ko uu ye ayae agane:

1 KORINTOEK 6:7

Achicha, kagoek nguno leluut eng' okweek, amu orwookyinige okweegei. Amu nee si mochamdegei kinyalilaak? Kalya si mochamdegei kerebenak tuguuk?

GALATYEK 6:10

Nooto anyun, ko uu ye ki tinyei poroindo, ko ongeyachi piik tugul ne myee, ago ne siirei ko icheeget che po kootap kayaneet.

EPESOEK 5:15

Oriipkei anyun miising' eng' ole oteptoi eng' panwekwok, ma ko uu che ma utaatiin, ago ko uu che utaatiin;

EPESOEK 5:33

Ago ingocham chii age tugul osotyonnyi, ko uu ole chamdogei; ak ingogonyit osotyot manong'otyondennyi.

NG'ATUTIK 16:20

Isup che po imanda kityo, si isap ak inyaban emet ne koonin Kamuktaindet ne Toroor Kamuktaindeng'ung'.

1 THESSALONIKEK 2:12

si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

1 THESSALONIKEK 5:21

otyem tuguuk tugul; onam miising' nooto myee;

1 TIMOTEO 6:11

Ago inyee, ee, chiitap Kamuktaindet, mwee tuguuchuuto; ak isup imanda, ak kayweet ne kiywei Kamuktaindet, kayaneet, chamyet, muitaet, mutyonet.

2 TIMOTEO 2:24

Ama nyoljin otwogindetap Kiptaiyat koyai pooryeet, ago koek ne tala eng' tugul, ne chepchep koneetis, ago muitoi,

TITO 3:2

amat komwa kiy ne ya agobo chii age tugul, amat koek piich che po pooryot, ingoek che talaen, koboorchin piik tugul mutyonet tugul.

HEBRANIK 12:14

Ogiilgei otebi eng' kaalyeet kobooto piik tugul, ak tiliilinooto ne ngo ma tinyei chii koma imuuchi kogeer Kiptaiyat:

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

1 PETERO 2:17

Oteech piik tugul. Ocham che otupche. Oiywei Kamuktaindet. Oteech laitoryat.

1 PETERO 3:9

che mayaaktoi yaityo eng' yaityo, anan ko ng'emetap kuut eng' ng'emetap kuut; ago oegu che iberuurisyei; amu ki kiguurchok niito, si onam kaberuret.

3 JOHANA 1:11

Chamanani, amesup yaityet ago isup ne myee. Ineendet ne yaei ne myee ko po Kamuktaindet; ineendet ne yaei yaityo ko tomo kogeer Kamuktaindet.

NG'ANG'UTYET 19:10

Ak ki abutyi keelyekyik alasu ineendet. Ak koleenjo, “Ameyai ko uu nooto! Ki otwogik tuwai kobooto tupchosyeguk che tinyei paornateet ne po Jeso. Ilasu Kamuktaindet: amu paornateetap Jeso ko Kabuusetap maonateet.”

NG'ANG'UTYET 22:9

Ak koleenjo, “Amat iyai ko uu nooto; amu ki otwogik kobooto tupchosyeguk maotik, ak kobooto icheek che riibei ng'aleegap bukuini. Ilasu Kamuktaindet!”

1 SAMUEL 24:13

Ko uu ye mwaei kalewenetap piik che po keny, kole, ‘Punu sogornateet sogoranik,’ ago ma parin eunnyu.