1 THESSALONIKEK 5:12 - BUKUIT NE TILIIL Sireet ne Dutero Kanon

¹² Ago kisoomok, che kitupche, keele onai icheek che tinyei poisyet ne oo eng' kwenung'wong', ak che poiywok eng' Kiptaiyat, ak kotigoonok;

Bukuit Ne Tilil

¹² Ago kisoomok, che kitupche, keele onai icheek che tinyei poisyet ne oo eng' kwenung'wong', ak che poiywok eng' Kiptaiyat, ak kotigoonok;

BUKUIT NE TILIL

¹² Ago kisomok, che kitupche, kele onai ichek che tinyei boisiet ne o eng’ kwenung’wong’, ak che boiywok eng’ Kiptaiyat, ak kotigonok;

1 THESSALONIKEK 5:12 ပူးပေါင်းရင်းမြစ်များ

LUKA 10:7

Ak otebee koyooto anyun, ak tuguuk che koonok, oam ak oee: amu nyoljin kiboityot melektanyi. Amoitote kooriik.

JOHANA 4:38

Ki ayooktook oges che ki ma onyalilji: kigonyalilji alage, ak kaonam okweek uuindap poisyennywa.’ ”

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

POISYONIGAP CHE KIYOKTOI 20:35

Ki agoonok kaboorunet eng' tuguuk tugul, ale ye oboisyei ko nyolu otoret che ma tinyei kimnateet, ak obwaati ng'aleegap Kiptaiyat Jeso, ko uu ye ki mwa ineendet kole ‘Tinyei poiboiyet kagoitoet kosiir taaget.’ ”

ROMANIK 16:12

Ogat Truphena ak Truphosa, che poisyei eng' Kiptaiyat. Ogat Persis chamaneet, ne kibois miising' eng' Kiptaiyat.

ROMANIK 16:6

Ogat Maria, ne kiboisyewok eng' poisyet ne oo.

1 KORINTOEK 12:28

Ak kigonde Kamuktaindet alak eng' kaniset, che po tai ko che kiyooktoi, che po aeng' ko maotik, che po somok ko kaneetik, yeityo ko kwang'utik, yeityo ko konunoigap kasaabet, toretosyek, kandoinatosyek, ak kutusweek che teerchiin.

1 KORINTOEK 15:10

Ago eng' myeeindap Kamuktaindet auu kiit ne auu: ak myeeindonyi ne ki kigoono koma ek puch; ago ki aboisyee miising' asiir icheek tugul: ago ma anee, ago myeeindap Kamuktaindet ne ki mi kobooto.

1 KORINTOEK 16:16

ale ogas iit okweek che uu chu, ak chii age tugul ne toreti eng' poisyet ak ne pirtoegei poisyet.

1 KORINTOEK 16:18

Amu ki ileelit saboondanyu ak neng'wong': onai anyun komyee icheek che uu chooto.

1 KORINTOEK 3:9

Amu ki kiboitinigap Kamuktaindet che kiboisyei kobooto ineendet: okweek ko oo mbareetap Kamuktaindet, kootap Kamuktaindet.

2 KORINTOEK 11:23

Tos kiboitinigap Kristo icheek? (Ang'alaali ko uu chii ne amei iywek) aa siirtoot; eng' pirtaosyegapkei che siirtoot, eng' korgorosyek miising', eng' pirutik che ma kirarei, eng' meosyek konyil che chaang'.

2 KORINTOEK 5:9

Nooto anyun ko ki it ne kitokyinige, ngemi eng' poori, anan ngo ma kimi, keegu che iboiboi ineendet.

2 KORINTOEK 6:1

Kisoome acheek che keboisyei ak Kamuktaindet keele amotaach myeeindap Kamuktaindet puch

GALATYEK 4:11

Aiyweisyei agobo okweek, si ma egu ne ki abirtegei puch eng' oor age tugul agobo okweek.

PILIPIK 2:16

oboortoi ng'olyootap saboondo; si kobiit anyoor ne alasunegei eng' peetuutap Kristo, ale ki ma alabat puch anan aboisye puch.

PILIPIK 2:19

Ago amang'u eng' Kiptaiyat Jeso ale ayookwok Timoteo ko neegit, si anyoor agane kagaigaet ne myee, ye kaanai atebeeng'wong'.

KOLOSAIK 1:29

abirtochinigei agine nooto, agiiligei ko uu poisyennyi, ne poisyei eng' anee eng' kamuktaet.

1 THESSALONIKEK 2:9

Amu obwaati, tupchosyechu, poisyennyo ne uui ak pichiindo, keboisye kemoi ak peet, si ma kigoochi mileet chii age tugul eng' okweek. Ki kiamwok logoiywek che myach che po Kamuktaindet.

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

1 THESSALONIKEK 5:14

Ak kitigoonok, che kitupche, keele oteechi che ma riibei che ki king'at, ocher che nyogooren, otoret che nyalulyotin, omuite ak piik tugul.

1 TIMOTEO 5:1

Amerasyi poiyo, ago ng'alaalji ko uu kwanda; murenik ko uu che otupche,

1 TIMOTEO 5:20

Kergong' eng' taitap piik tugul icheeget che yaei tengekwogik, si kobiit koywei chuun alage ak icheek.

2 TIMOTEO 2:6

Nyoljin kabatindet ne yaei poisyet ne uui, kosip kotongoi logoek.

TITO 1:3

ago ki ng'aany ng'olyoondennyi eng' peetuusyekyik eng' amdaet, ne ki kiyanwa ko uu ng'atuutyetap Kamuktaindet Yetindennyo:

TITO 1:5

Ki abagaakteen eng' Krete amu ng'olyoondoni, si kobiit ichop tuguuk che ki rartootin, ak inde poisyek nganaseet age tugul, ko uu ye ki ang'atiin;

TITO 2:15

Mwaa tuguuchuuto ak iteechi ak iger kong' kobooto pounateet tugul. Amat kosasin chii age tugul.

HEBRANIK 13:17

Ogas iit che indoiywok, ak oming'inityige icheek: amu riipsei agobo saboonwekwok, ko uu che tuun tetu agobo poisyennywa; si kobiit koyai poisyoniito eng' poiboiyet, ama eng' arageneet: amu magelwok kiy eng' nooto.

HEBRANIK 13:7

Obwaat icheek che ki indoiywok, che kimwaiwok ng'olyootap Kamuktaindet; ye obwaati ole kiteptoi atebosyekwak, oyai ko uu ye kiyaei icheek eng' kayanennywa.

NG'ANG'UTYET 1:20

Ung'ootyetap kecheik tisap che kegeer eng' eunnyu ne po tai, ak keelyek tisap che po taisyek che po thahabu ko uu ni: kecheichooto tisap ko malaikaisyegap kanisosyek tisap: ak kelyechooto tisap po taisyek ko kanisosyek tisap.

NG'ANG'UTYET 2:12

“Ak isirchi malaikaiyatap kaniset ne mi Pergamo, ileenji: “Mwaei tuguuchu ineendet ne tinyei rotwetap chok ne ng'atiben komoswek tuwai:

NG'ANG'UTYET 2:18

“Ak isirchi malaikaiyatap kaniset ne mi Thyatira, ileenji: “Mwaei tuguuchu Weeriitap Kamuktaindet, ne tinyei koonyek che uu liplibenetap maat, ak ko uu keelyekyik sugunwet ne sitaat.

NG'ANG'UTYET 2:3

Angen kora ale itinye muitaet ak ki imuite agobo kainennyu, ak meng'ete.

NG'ANG'UTYET 2:8

“Ak isirchi malaikaiyatap kaniset ne mi Smyrna, ileenji: “Mwaei tuguuchu ineendet ne po tai ak ko ne po let, ne kime ak kosap kogeny:

NG'ANG'UTYET 3:1

“Ak isirchi malaikaiyatap kaniset ne mi Sardis, ileenji: Mwaei tuguuchu ineendet ne tinyei saboonwek tisap che po Kamuktaindet ak kecheik tisap: Angen poisyoniguk, angen ale itinye kainet keele isabe, ago kaimei.

NG'ANG'UTYET 3:14

“Ak isirchi malaikaiyatap kaniset ne mi Laodikia, ileenji: “Mwaei tuguuchu ineendet ne Amen, paoryat ne kiyani ak ko po iman, taunetap yaetap Kamuktaindet:

NG'ANG'UTYET 3:7

“Ak isirchi malaikaiyatap kaniset ne mi eng' Philadephia, ileenji: Mwaei tuguuchu ineendet ne tiliil, ineendet ne po iman, ineendet ne tinyei yaateiwotap Daudi, ineendet ne yaatei, ama kerei chii, ak ne kerei, ama yaatei chii.