1 THESSALONIKEK 4:8 - BUKUIT NE TILIIL Sireet ne Dutero Kanon

⁸ Ineendet ne eesyoi, ko maesyo chii, ago Kamuktaindet, ne koonok Kabuusennyi ne Tiliil.

Bukuit Ne Tilil

⁸ Ineendet ne eesyoi, ko maesyo chii, ago Kamuktaindet, ne koonok Kabuusennyi ne Tiliil.

BUKUIT NE TILIL

⁸ Inendet ne esioi, ko maesio chi, ago Jehovah, ne konok Tamirmiriennyi ne Tilil.

1 THESSALONIKEK 4:8 ပူးပေါင်းရင်းမြစ်များ

NEEMIA 9:30

Ki imuitoochi icheek eng' kenyiisyek che chaang'. Ki iteechine icheek Kabuuseng'ung' kobun maotiguk, ago ma cham kogas. Ara ki inde anyun icheek eunegap piigap emotinwek.

KOMONG'U 16:8

Ki le Musa, “Koonok anyun Kamuktaindet ne Toroor panyeek oam koskoleny, ak koonok karon magatiinik oam obiye amu kasei Kamuktaindet ne Toroor kang'unyng'unyeng'wong' ne ong'unyng'ung'jini ineendet. Acheek ko king'o? Ma acheek che ong'unyng'ung'jini ago ong'unyng'ung'jini Kamuktaindet ne Toroor.”

KALEWANAIK 1:7

Taunetap naet ko kiywei Kamuktaindet ne Toroor; ago sasei che perber utaatyet ak kaneetisyet.

KALEWANAIK 23:9

Amat ing'alaal kogasei ne perber; amu sasei utaatyetap ng'aleeguk.

ISAIAH 49:7

Mwaei ko uu ni Kamuktaindet ne Toroor, katyagindetap Israel, ak ko Nenyi ne Tiliil, ineendet ne sasei piik, ineendet ne wechei pororyet, ne otwogindetap pounik: Tuun keerei laitorinik ak kong'eetyo; ak kogutung'so pounik; amu Kamuktaindet ne Toroor ne kiyani, Ineendet ne Tiliil ne po Israel, ne ki lewenin.

ISAIAH 53:10

Ago ki cham Kamuktaindet ne Toroor koguoten ineendet; ki igoochi arageneet; ye tuun iyai saboondanyi koek kagoochinet agobo tengekto, tuun keerei iyotennyi, tuun tesei peetuusyekyik, ak kotesak chametap Kamuktaindet ne Toroor eng' eunnyi.

LUKA 10:16

“Ineendet ne kasook kogasa agane; ak ineendet ne eesyook koeesyoo agane; ak ineendet ne eesyoo koeesyoi ineendet ne ki iyookwo.”

JOHANA 12:48

Ineendet ne eesyoa, ama taachei ng'aleekyuk, kotinyei ne irwookyin: ng'olyoot ne ki amwa, nooto ne irwookyin ineendet eng' peetuutap let.

POISYONIGAP CHE KIYOKTOI 13:41

‘Ogeero, okweek saasiik, okwong'ye ak olusye; Amu ayae poisyet eng' peetuusyekwok, poisyet ne ma koi oyan matiny, agot ngo mwaiwok chii.’ ”

ROMANIK 5:5

ma koonu kamang'unet kililan; amu kigerong'ji chamyetap Kamuktaindet mugulelwekyok eng' Kabuuset ne Tiliil ne kigegoonech.

1 KORINTOEK 2:10

Ago king'ang'wech Kamuktaindet eng' Kabuuset ne Tiliil: amu isyachi Kabuuset ne Tiliil tuguuk tugul, agot tuguuk che po oriit che po Kamuktaindet.

1 KORINTOEK 7:40

Ago paibai kosiir ngo tep ko uu ye konye, ko uu ye abwaati: ak aleen atinye agane Kabuusetap Kamuktaindet.

2 KORINTOEK 1:22

ak king'oochech, ak kogoonech Kabuuset ne Tiliil eng' mugulelwekyok koek tongoaniatap tuguuk che pwoonei.

GALATYEK 4:6

Ak amu oo weeriik, ko ki iyookyi Kamuktaindet Kabuusetap weeriinnyi mugulelwekyok, ne riirei, kole, “Abba, Kwanda!”

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

2 PETERO 1:21

Amu ma mi maonateet ne ki kobiit eng' mageetap chii: ago ki ng'alaaldos piik eng' Kamuktaindet, kondochin Kabuuset ne Tiliil.

1 JOHANA 3:24

Ak ineendet ne riibei ng'atuutikyik komenyei eng' ineendet ak ineendet eng' inee. Ak kingen eng' niito keele menyech ineendet, eng' Kabuuset ne Tiliil ne ki kogoonech.

JUDA 1:8

Imurwoni ak icheek chuuto ko uu nooto poorwek eng' karwotitaosyekwak, ak kosasei kiptainateet, ak kochubei che torooreen.

1 SAMUEL 10:19

Ago kaoeesye ra Kamuktaindeng'wong' ne ineendet ko sarwok eng' pichiinwekwok ak nyalilwogikwok tugul. Komwa ole, ‘Achicha, itoroorwech laitoryat koboiywech.’ Obwa anyun taitap Kamuktaindet ne Toroor obwanune pororyosyekwok ak ortinwekwok.”

1 SAMUEL 8:7

ak koleenji `Kamuktaindet ne Toroor Samuel, “Kas ng'aleegap piik agobo tuguuk tugul che kamwaun, amu ma inyee ne kaeesyo ago kaeesyo anee kole ma egu laitoryat eng' icheek.