1 THESSALONIKEK 4:6 - BUKUIT NE TILIIL Sireet ne Dutero Kanon

⁶ amat koyai chii kachiliilut anan koyachi ne ya tupchennyi eng' ng'olyoondoniito: amu Kiptaiyat yaaktaindetap mugetuut eng' tuguuchuuto tugul, ko uu ye kisip kiteeiywok ak kebaoryan.

Bukuit Ne Tilil

⁶ amat koyai chii kachiliilut anan koyachi ne ya tupchennyi eng' ng'olyoondoniito: amu Kiptaiyat yaaktaindetap mugetuut eng' tuguuchuuto tugul, ko uu ye kisip kiteeiywok ak kebaoryan.

BUKUIT NE TILIL

⁶ amat koyai chi kachiliilut anan koyachi ne ya tupchennyi eng’ ng’olyondonito: amu Kiptaiyat yaaktaindetab mugetut eng’ tuguchuto tugul, ko u ye kisib kiteeiywok ak kebaorian.

1 THESSALONIKEK 4:6 ပူးပေါင်းရင်းမြစ်များ

TIENWOGIKAL 140:12

Angen ale toreti Kamuktaindet ne Toroor ng'aleegap ne kinyaliili, ak kiit ne nyoljin ineendet ne panani.

TIENWOGIKAL 94:1

Ee Kamuktaindet ne Toroor, inyee Kamuktaindet ne po yaaktaetap mugetuut, Iluu, inyee Kamuktaindet ne po yaaktaetap mugetuut.

KOMONG'U 20:15

Amechoorse.

KOMONG'U 20:17

Amegase myat kootap chiitap kokweng'ung'. Amegase myat osotyotap chiitap kokweng'ung' anan otwogindennyi ne muren anan otwogindennyi ne tye anan eitonyi anan sigiryennyi anan kiy age tugul ne po chiitap kokweng'ung'.”

KALEWANAIK 11:1

Wechei Kamuktaindet ne Toroor kerutyet ne ma po iman, ago chamei Kamuktaindet ne Toroor kerutyet ne po iman.

KALEWANAIK 16:11

Po Kamuktaindet ne Toroor kerutyet ne po iman ak tuguuk che kigerisye; koik tugul che mi lolet che kigerisye ko poisyennyi.

KALEWANAIK 20:14

Mwaei alindet kole, “Ma tilei kiy, ma tilei kiy,” ago ye kakwo, kochoigei.

KALEWANAIK 20:23

Wechei `Kamuktaindet ne Toroor ratilisyek che po lembech; ama myee kerutyetap lembech.

KALEWANAIK 28:24

Ineendet ne chorei tuguugap kwan anan kamet ak komwa kole, “Ma pistoet niito,” ko chorweetap ng'emindet ineendet.

AMDOINDET 5:8

Ngot igeer kesastae kibananiat ak keistoi kirwooget ak imanda eng' koroomnateet eng' emet, ko mekwong'ee nooto. Amu keerei nooto ineendet ne toroor kosiir icheeget che torooreen, ak mi che torooreen kosiir icheek.

ISAIAH 5:7

Mbareetap sabibuk ne po Kamuktaindet ne Toroor ne po lugoosyek ko kootap Israel, ak keetinnyi ne iboiboi ineendet ko piigap Judah. Ki igen kirwooget, ago ki keer tumdaetap korotiik; ki igen imanda, ago ki kas riirek.

JEREMIA 7:6

ngot ko mosastoe toondet, ak ne ma tinyei sigiik, ak mosoget, amotumde korotiik che ma tinyei tengek eng' olito, anan osubote kamuktaik che teer ogoochinegei nyalilda,

JEREMIA 9:4

Ingoriibegei anyun chii tugul chiitap kokwennyi, amat imang'u tupchet age tugul. Amu tilei piich let tupchet age tugul, ak kochaamsoti chiito age tugul ne po kokwet.

EZEKIEL 22:13

Keer anyuno, ki arabach eunekyuk agobo keluneng'ung' ne ma po iman ne ki inyooru, ak eng' korotiguk che mi kwenung'ung'.

ATEPTAP LAWIK 19:11

“Amochoorse, amoberberisye, amomwachigei lembech.

ATEPTAP LAWIK 19:13

“Amesastae chiitap kokweng'ung', anan irebe kiy. Amat inamdegei melektap otwogindet kot koeech.

ATEPTAP LAWIK 25:14

Ngialdochi kiy chiitap kokweng'ung' anan ngial kiy eng' chiitap kokweng'ung', ko matoyachigei ne ya, okweegei eng' okweegei.

ATEPTAP LAWIK 25:17

Ago amoyachigei ne ya, okweegei eng' okweegei; ago iywei Kamuktaindeng'ung'. Amu aa Kamuktaindet ne Toroor Kamuktaindeng'wong'.

MIKAH 2:2

Kasei myat mbareenik, ak korep; kobooto kooriik, ak koip: ak kous chiito kobooto koonnyi, chiito kobooto tuguukyik.

SEPANIA 3:1

Pwo! Ineendet ne ngelelyot ne ki kong'wanit, nganaseet ne usiisyei!

SEPANIA 3:5

Po iman Kamuktaindet ne Toroor ne mi kwenunnyi; ma yaei tengekto; iboortoi kirwoogennyi karonet age tugul, yaei kosulda; ago ma ililandos piik che ma po iman.

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

MARIKO 10:19

Ingen inyee ng'atuutik: ‘Amerumisye; Amoipkei; Amechoorse; Amebaoryanji lembech; Ameng'aalse; Teech kwandang'ung' ak kamenng'ung'.’ ”

LUKA 12:5

Ago ateiywok si onai ineendet ne kanyool oiywei: Oiywei ineendet, ne ngo kagobar komuuchi kowiirchi Gehenna; ee, amwaiwok ale, Oiywei ineendet.

LUKA 16:28

amu atinye che kitupche muut; kwo koteechi icheek, si ma pwa ole mi nyalilda ne oo.”

ROMANIK 1:18

Ki keng'aany nereegegap Kamuktaindet kobun kipsengwet agobo pistoet tugul ak yaityet tugul ne po piik, che kirindoi imanit eng' yaityet;

ROMANIK 12:19

Chamanichu, amoyaakte mugetuut, ago ogoochi poroindo nereegek: amu siraat kole, “Nenyu yaaktaetap mugetuut; ayaaktoi, mwaei Kiptaiyat.”

ROMANIK 13:4

amu ineendet ko kiboityotap Kamuktaindet eng' inyee, ne yaei ne myee. Ago ngiyai ne ya, iywei; amu ma ibooti rotwetap chok puch: amu ineendet ko kiboityotap Kamuktaindet, yaaktaindetap mugetuut agobo nereegek eng' ineendet ne yaei yaityo.

2 KORINTOEK 7:11

Amu ogeero, ng'olyoondoniito ne ki koonok arageneet ne tokyingei Kamuktaindet, kogiyai kagiilet ne uu nee eng' okweek; ee, saruunetapkei, ee, nereeknateet; ee, kaiyweisyet; ee, emosto; ee, kagiiletapkei; ee, yaaktaetap mugetuut! Eng' kiy age tugul ko ki obartegei ole oo tiliileen eng' ng'olyoondoniito.

GALATYEK 5:21

kong' ne ya, pogitatosyek, keiyandisyek, ak alak che uu chooto: kasip ateiywok agobo chu, ko uu ye kisip ateiywok, ale icheeget che yaei tuguuk che uu chuuto koma nyooru laitornatetap Kamuktaindet.

EPESOEK 4:17

Amwae anyun ni, ak abaoryani eng' Kiptaiyat, ale si mata obendate ko uu ye pendoti Pororyosyek ak icheek, eng' kabwaatutikwak che po puch,

EPESOEK 4:28

Ineendet ne kigochoorso ko matata kochoorso: ago kaigai kobois, koyai eng' eunekyik nooto myee, si kobiit kosich kiit ne igoochin ineendet ne panani.

EPESOEK 5:6

Amat koberberak chii eng' ng'aleek che ma namegei ak kiy, amu nyoonjin nereeknateet ne po Kamuktaindet weeriitap ngelelnateet amu tuguuchuuto.

NG'ATUTIK 24:7

“Ngenyoor chii ne kachoor tupchennyi age ne po piigap Israel ak koyachi ko uu otwogin anan koalda, ko ingome anyun choorindonooto. Iste ko uu nooto anyun yaityet eng' kwenung'ung'.”

NG'ATUTIK 32:35

Nenyu mugetuut ak kageeret. Neegit peetuut ne kagochabaita keelyekwak: Karik peetuutap nyalildanywa, ak chogu tuguuk che pwaanjin icheek.

1 THESSALONIKEK 2:11

ko uu ye ongen ole ki kiteechindoite chii age tugul eng' okweek, ko uu kwanda ak lagokyik, kiteeiywok ak ki kiilok, ak kebaoryani,

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

HEBRANIK 13:4

Ingogonyit tugul katunisyet, amat koek itoogut ne tinyei simdo: amu tuun irwookyin Kamuktaindet che soksei ak che ibegei.

HEBRANIK 2:6

Ago paoryani chiito age eng' komosta age, kole, Nee chii, ne tos ibwaat? Anan weeriitap chii, ne tos irutoochi?

JAKOBO 2:6

Ago kaosas kibananiat. Tos ma inyalilok mogoreek, ak kochuutok obe kapkirwoogutik?

JAKOBO 5:4

Ogeero, poldos melekwegap kiboitiinik che kigesei mbareenikwok, che ki onamdegei: ak ki kochut iitiigap Kiptaiyatap Lugoosyek riiregap icheek che kigesei.