1 THESSALONIKEK 4:3 - BUKUIT NE TILIIL Sireet ne Dutero Kanon

³ Amu niito mageetap Kamuktaindet, nooto katabaaneng'wong', si kobiit oistoegei sokseet.

Bukuit Ne Tilil

³ Amu niito mageetap Kamuktaindet, nooto katabaaneng'wong', si kobiit oistoegei sokseet.

BUKUIT NE TILIL

³ Amu nito magetab Jehovah, noto katabaneng’wong’, si kobiit oistoege sokset.

1 THESSALONIKEK 4:3 ပူးပေါင်းရင်းမြစ်များ

TIENWOGIKAL 143:10

Ineeta ayai mageng'ung'; amu inyee ko ii Kamuktaindennyu. Myee kabuuseng'ung'; ingondoiywa eng' emetap lititindo.

TIENWOGIKAL 40:8

Abaibai ayai mageng'ung', ee Kamuktaindennyu, miitei ng'atuutyeng'ung' muguleldanyu.”

ATEPTAP LAWIK 15:18

Ak ngo tuiyogei muren ak kwony ak komaanda kesweegap iyoteet, konyolu kouungei icheek tuwai, ak komurwoniitu tuwai agoi koimen.

MATAYO 12:50

Amu age tugul ne yaei mageetap Abba ne mi kipsengwet, ko nooto weeriit ne kitupche ak chepto ne kitupche, ak kamennyu.”

MATAYO 15:19

Amu kabwaatutik che yaach, rumisyosyek, ibeetapkei, soksosyek, choorsosyek, paornatosyegap lembech, ng'aleek che yaacheen ko mang'une muguleldo.

MATAYO 5:32

Ago amwaiwok ale age tugul ne oonei osotyonnyi, ama eng' sokseet, ko kayai ineendet koegunoot chebaigeiyat: ak age tugul ne ituni kobogoryondonooto ne kigeon, ko kabaigei.

MATAYO 7:21

Ma age tugul ne leenjino “Kiptaiyat, Kiptaiyat,” ne itei pounatetap kipsengwet, ago ineendet ne yaei mageetap Abba ne mi kipsengwet.

MARIKO 3:35

Amu chii age tugul ne yaei mageetap Kamuktaindet, ko nooto weeriit ne ketupche ak chepto ne kitupche ak kamennyu.”

JOHANA 4:34

Koleenji Jeso, “Amitwogikyuk ko ayai mageetap ineendet ne ki iyookwo, ak ageesu poisyennyi.

JOHANA 7:17

Ngo machei chii age tugul koyai mageennyi, konai kaneetisyoni, ngo po Kamuktaindet, anan ngamwae aneege.

POISYONIGAP CHE KIYOKTOI 15:20

ago ongesirchi icheek keleenji kotabaanegei murwoonindap kanamonik, ak sokseet, ak ne po tuguuk che kagiget, ak korotiik.

POISYONIGAP CHE KIYOKTOI 15:29

keele otabaanegei tuguuk che kieng'jin kanamonik, ak korotiik, ak panyeegap che kagiget, ak sokseet; ngo tabaanegei chooto, komyeeitu eng' okweek. Saisere.”

POISYONIGAP CHE KIYOKTOI 20:32

“Ara anyun, kabagakyok nguno eutap Kamuktaindet, ak ng'olyootap myeeindonyi, ne imuuchi koteechak, ak kogoonok poroteet kobooto icheek tugul che kitiliili.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

ROMANIK 1:29

ko nyiitaat tuguuk tugul che ma po iman, sogornateet, kasetap myat, yaityet; nyiitaat ng'etkonda, rumisyet, pooryeet, keniisyet, suryet; chaamik,

ROMANIK 12:2

Amoyaniegei ateptap peetuusyechu: ago ingewalak eng' kaleelitetap kabwaatutikwok, si kobiit onai komyee mageet ne myee ne po Kamuktaindet, ne tachaksei ak kogesunotkei.

ROMANIK 6:22

Ago nguno ko kagityaachak eng' tengekto, ak kaoegu otwogigap Kamuktaindet, otinye logoekwok agoi tiliilindo, ak kagesunet ko saboondap koigeny.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

1 KORINTOEK 7:2

Ago, amu ng'olyootap soksosyek, ko ingotebi chii age tugul ak osotyonnyi, ak ingotebi osotyot age tugul ak manong'otyondennyi.

2 KORINTOEK 12:21

si ye tuun anyoo kogeny, koma iming'ina Kamuktaindet nenyu eng' taing'wong', ak ariir agobo che chaang' eng' icheek che ki yai tengekwogik kobooch yooto, ama sik eng' simdo ak sokseet ak mageet ne ya agobo tuguuk che yaach che ki yai icheek.

GALATYEK 5:19

Taagunotiin anyun poisyonik che po poorto, chooto ko chu: sokseet, simdo, mageet ne ya agobo tuguuk che yaach,

EPESOEK 5:17

Nooto anyun amoberberitu, ago oguiye kiit ne uu mageetap Kiptaiyat.

EPESOEK 6:6

ama eng' otwoknateet ne kigeerei, ko uu che iboiboi piik; ago ko uu otwogigap Kristo, oyae mageetap Kamuktaindet eng' muguleldo;

KOLOSAIK 1:9

Amu niito anyun, koma kimete kesaa ak kesoom agobo okweek kobooch peetuut ne ki ngegas, keele konyiiak naetap magennyi eng' utaatyet tugul ak kaguiyet ne punu Kabuuset ne Tiliil,

KOLOSAIK 3:5

Obar anyun kebeberwekwok che miitei ng'wony; sokseet, simdo, maguutik che samisen, mageet ne ya, ak kasetap myat, nooto saaetap kanamonik;

KOLOSAIK 4:12

Igatok Epapra, ne age eng' okweek, otwogindetap Kristo Jeso, igiilegei kotugul agobo okweek eng' saautikyik, si kobiit otononse ko ogesunotingei, ak ongen komyee mageet tugul ne po Kamuktaindet.

1 THESSALONIKEK 4:2

Amu ongen ng'atuutik che ki kigoonok acheek eng' Kiptaiyat Jeso.

1 THESSALONIKEK 4:4

Si kobiit konai chii tugul eng' okweek komuuchkei, koriip poortanyi eng' tiliilindo ak teegisto,

1 THESSALONIKEK 5:18

omwae kongoi eng' tuguuk tugul: amu niito mageetap Kamuktaindet eng' Kristo Jeso eng' okweek.

1 THESSALONIKEK 5:23

Ak ingotabaanak eng' katabaanet ne nyiitaat Kamuktaindet ne po kaalyeet; ak ingoriiboogis komyee mugulelwekwok ak saboonwekwok ak poorwekwok, ko motinye kiy ne kimuuchi kirwoogunenok eng' nyonunetap Kiptaiyandennyo Jeso Kristo.

2 THESSALONIKEK 2:13

Ago kanyool kemwachi Kamuktaindet kongoi kotugul agobo okweek, che kitupche che chamanigap Kiptaiyat, amu ki lewenjok Kamuktaindet yetunet kobooch taunet eng' katabaanetap Kabuuset ne Tiliil ak kayaneetap imanit:

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 10:36

Amu nyolu otinye muitaet, si ye kaoyai mageetap Kamuktaindet, omuuch otaach arorutyet.

HEBRANIK 12:16

si ma piit ne soksei, anan chiito ne ma iywei Kamuktaindet, ko uu Esau, ne ki alda etunatennyi ne po sigeet agobo amdit agenge.

HEBRANIK 13:21

oegu che ochobootiin eng' poisyet age tugul ne myee si oyai magennyi, koyai eng' icheek che chamaksei miising' eng' tainnyi, eng' Jeso Kristo; ne nenyi toroornatet koigeny ak koigeny. Amen.

HEBRANIK 13:4

Ingogonyit tugul katunisyet, amat koek itoogut ne tinyei simdo: amu tuun irwookyin Kamuktaindet che soksei ak che ibegei.

1 PETERO 1:2

ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.

1 PETERO 4:2

si ko mata osapche eng' poorto eng' peetuusyekwok che ng'etunotiin eng' maguutik che yaach che po piik, ago si osapche eng' mageetap Kamuktaindet.

1 JOHANA 2:17

Ak siirtoi ng'wony, kobooto magennyi: ago ineendet ne yaei mageetap Kamuktaindet kotebyei koigeny.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”

NG'ANG'UTYET 22:15

Mi saang' sesenik, ak pooniik, ak che soksei, ak rumiik, ak che saaei kanamonik, ak age tugul ne chamei lembeita ak koyaei.