1 THESSALONIKEK 4:17 - BUKUIT NE TILIIL Sireet ne Dutero Kanon

¹⁷ ak acheek anyun che kisoptosi, che king'etunotiin, keganabech kobooto icheek eng' poolik, ketuiye ak Kiptaiyat eng' soet: ak ketebi anyun kobooto Kiptaiyat koigeny.

Bukuit Ne Tilil

¹⁷ ak acheek anyun che kisoptosi, che king'etunotiin, keganabech kobooto icheek eng' poolik, ketuiye ak Kiptaiyat eng' soet: ak ketebi anyun kobooto Kiptaiyat koigeny.

BUKUIT NE TILIL

¹⁷ ak achek anyun che kisoptosi, che ki ng’etunotin, keganabech koboto ichek eng’ bolik, ketuiye ak Kiptaiyat eng’ soet: ak ketebi anyun koboto Kiptaiyat koigeny.

1 THESSALONIKEK 4:17 ပူးပေါင်းရင်းမြစ်များ

1 LAITORINIK 18:12

Ye awe eng' yu imi, komutin Kabuusetap Kamuktaindet ne Toroor ole mangen. Ye awe amwachi Ahab, amanyo konyoorun, kobara. Ago anee otwogindeng'ung', aiywei Kamuktaindet ne Toroor kobooch ko aa ming'in.

2 LAITORINIK 2:11

Ye kita kobendi anyun, kong'alaaloti, ko ki piit chepkichutit ne po maat ak paraisisyek che po maat, che ki ibesyo icheek tuwai; ak ki wo Elijah kipsengwet eng' kipchurchuryet.

2 LAITORINIK 2:16

Ak ki leenji icheek ineendet, “Keero, mi kobooto otwogiguk piik konomu che kiimeen; kisoomin keele, ingoba kocheeng' kiptaiyandeng'ung'. Tamangap ko kagomut ineendet Kabuusetap Kamuktaindet ne Toroor kotogosta, ak kowiirchi tuloonook parak, anan ko atebwosyek.” Ak ki le, “Amat oyookte.”

TIENWOGIKAL 16:11

Iboorwo ooreetap saboondo; mi kagasetapkei taing'ung' ne nyiitaat, mi eung'ung' ne po tai che kechamei agoi koigeny.

TIENWOGIKAL 17:15

Ago ageere anee togeng'ung' eng' imanda; abiyonyi itoondong'ung' ye ang'eete.

TIENWOGIKAL 49:15

Ago ityaachi `Kamuktaindet saboondanyu komang'une kimnateetap meet, amu taacha inee.

TIENWOGIKAL 73:24

Inyee ne indoiywa eng' ruchineng'ung', Ak eng' let itaacha anyo ye mi liilindo.

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

MATAYO 26:64

Koleenji Jeso, “Kaimwa. Ago amwaiwok ale, Kobooch nguno kotun ogeere Weeriitap chii kotebyei eng' eutap tai ne po kamuktaet, ak konyonei eng' pooligap kipsengwet.”

MARIKO 14:62

Ak ki le Jeso, “Aa ineendet; ak tuun ogeere Weeriitap chii kotebyei eng' eutap tai ne po kamuktaet, konyonei eng' poolik che po kipsengwet.”

JOHANA 12:26

Ngo poisyeiwo chii age tugul, ko nyolu kosubota; ak si ole ami, komi olooto agine kiboityondennyu: ngo poisyeiwo chii, koteechei ineendet Kwanda.

JOHANA 14:3

Ak ye awe achobwok kooret, anyoone kogeny amutok; si ole ami omite ak okweek.

JOHANA 17:24

Abba, amache ale kotebi kobooto eng' ole ami, icheek che ki igoono; si kobiit kogeer toroornatennyu ne ki igoono; amu ki ichama kotom kelumda ng'wony.

POISYONIGAP CHE KIYOKTOI 1:9

Ye kingo kagomwa tuguuchuuto, kimut ineendet kwo parak kogeerei icheek, ak kitaach pooldet ineendet ak kobetito eng' tainnywa.

POISYONIGAP CHE KIYOKTOI 8:39

Ye kingo long' eng' peek, komut `Kabuusetap Kiptaiyat Philipu. Ak mata kogeer anyun kogeny `chiichooto ki kimooch Philipu, ago ki wo kotestai chiichooto eng' poiboiyet.

1 KORINTOEK 15:52

eng' ne matya, eng' kamismisetap konda, eng' iryageet ne po let: amu cheei iryageet, si king'eet che ki kobek koma kotinyei nunet, ak kewalech.

2 KORINTOEK 5:8

amwae ale, kinyigoonen, ak kemache keele, kaigai kemande eng' poorto, ak ketebi kobooto Kiptaiyat.

PILIPIK 1:23

Amu kagigikyo kwenutap tuguuk aeng', atinye mageet awo ketebi ak Kristo; amu myee nooto miising' kosiir:

1 THESSALONIKEK 3:13

si kobiit kogimit mugulelwekwok ko motinye kiy ne kimuuchi kirwoogunenok eng' tiliilindo eng' taitap Kamuktaindet nenyo ak ko Kwandanyo, eng' nyonunetap Kiptaiyandennyo Jeso kobooto chechiik che tiliileen tugul.

1 THESSALONIKEK 4:15

Amu kimwaiwok ni eng' ng'olyootap Kiptaiyat, keele acheek che kisoptosi, che king'etunotiin agoi nyonunetap Kiptaiyat, koma koi kindoe icheek che ki koruiyo.

1 THESSALONIKEK 4:18

Nooto anyun ogaigaigei okweegei eng' ng'aleechuuto.

1 THESSALONIKEK 5:10

ne kimechech, si ngegosu anan ngeruitosi, kesaptosi kobooto ineendet.

2 PETERO 3:13

Ago, kigeni kipsengwet ne leel ak ng'wonyut ne leel ko uu arorutyennyi, ole menyei imanda.

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.

NG'ANG'UTYET 11:12

Ak ki kas kutit ne oo ne punu kipsengwet koleenji icheek, Otogosu oli. Ak kitogosta koba kipsengwet eng' pooldet; ak kogeerot icheek puunikwak.

NG'ANG'UTYET 12:5

Ak ki sich lakweet ne weeriit, ne tuun pou pororyosyek tugul eng' koroktap karnet: ak ki kimut lakweennyi kwo ole mi Kamuktaindet, agoi ng'echerennyi ne po laitornatet.