1 THESSALONIKEK 4:16 - BUKUIT NE TILIIL Sireet ne Dutero Kanon

¹⁶ Amu choorugei Kiptaiyat ineendet eng' kipsengwet, kobooto tweguunet ne oo, ak kutitap malaikaiyat ne oo, ak iryageetap Kamuktaindet: ak isip kong'eetos che ki pek eng' Kristo:

Bukuit Ne Tilil

¹⁶ Amu choorugei Kiptaiyat ineendet eng' kipsengwet, kobooto tweguunet ne oo, ak kutitap malaikaiyat ne oo, ak iryageetap Kamuktaindet: ak isip kong'eetos che ki pek eng' Kristo:

BUKUIT NE TILIL

¹⁶ Amu chorugei Kiptaiyat inendet eng’ kipsengwet, koboto twegunet ne o, ak kutitab malaikaiyat ne o, ak iriagetab Jehovah: ak isib kong’eetos che kibek eng’ Kristo:

1 THESSALONIKEK 4:16 ပူးပေါင်းရင်းမြစ်များ

TIENWOGIKAL 47:1

Oraprap eunekwok, okweek piik tugul; ooren eng' Kamuktaindet eng' cheetap katerteeret.

TIENWOGIKAL 47:5

Ki togosta Kamuktaindet eng' tuleet, ki togosta Kamuktaindet ne Toroor ak cheetap iryageet.

KOMONG'U 19:16

Eng' peetuutap somok anyun, ko kaeech kobiit tuloosyek ak kalyelosyek. Ki ilaach `pooldet ne tuui tulweet ak ki mi cheetap iryageet ne cheei kot. Kibotanso piik tugul che ki mi nganaseet.

KOMONG'U 20:18

Ye kingo keer piik tugul kalyelosyek ak tulweet ne ki iyeni, ak kogas tuleetap ilotik ak cheetap iryageet, kobotanso eng' arageneet ak kotononso eng' ole loo.

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

JOEL 2:11

Ak kotwek Kamuktaindet ne Toroor eng' taitap lugeennyi; amu oo kabuureitanyi; amu kiim ineendet ne yaei ng'olyoondennyi kosulda; amu oo peetuutap Kamuktaindet ne Toroor ak komuisei miising'; ng'oo ne imuuchi komuita?

SEKARIA 4:7

Ii ng'oo, ee tulwooni oo? Iegu warenget eng' taitap Zerubabel: ak inemu koita ne po parak kowaaktos koleen, Myeeindo, myeeindo, ingotebee paragunnyi.”

SEKARIA 9:14

Ak kotook Kamuktaindet ne Toroor eng' paragunnywa, ak kwo ne kipchabennyi ko uu kalyeleet; ak koguut Kiptaiyat Kamuktaindet ne Toroor iryageet, ak kwo kobooto kipchurchurinik che po murot tai.

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

KAITOSYEK 23:21

Tomo kogeerchi Jakobo tengekto, ama keerchi Israel kiy ne imaasat. Mi kobooto ineendet Kamuktaindet ne Toroor Kamuktaindennyi, ak mi cheetap laitoryat kwenunnywa.

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

MATAYO 16:28

Amwaiwok iman ale, mi alak eng' che tonondos eng' yu che ma chamchami meet kot kogeer konyonei Weeriitap chii eng' pounatennyi.”

MATAYO 25:31

“Ye nyo Weeriitap chii eng' toroornatennyi, kobooto malaikaisyek tugul, kotebee anyun ng'echereetap toroornatennyi.

MATAYO 26:64

Koleenji Jeso, “Kaimwa. Ago amwaiwok ale, Kobooch nguno kotun ogeere Weeriitap chii kotebyei eng' eutap tai ne po kamuktaet, ak konyonei eng' pooligap kipsengwet.”

POISYONIGAP CHE KIYOKTOI 1:11

ak ki mwa kole, “Okweek piigap Galilaya, kalya si otononse ak onyali kipsengwet? Jeso niito, ne kagimut kwo kipsengwet, ko tuun nyoonei ko uu yu kogeere kowendi kipsengwet.”

1 KORINTOEK 15:18

Nooto anyun, icheeget che ki koruiyo eng' Kristo ko ki kolusyo.

1 KORINTOEK 15:20

Ago ki king'eet anyun Kristo komong' eng' che ki pek, tongoaniat ne po icheeget che ruitos.

1 KORINTOEK 15:23

Ago chii tugul eng' komostanyi: Kristo ko tongoaniat; ye ibata ko icheek che po Kristo, eng' nyonunennyi.

1 THESSALONIKEK 1:10

ak ogeni Weeriinnyi ne punu kipsengwet, ne ki ing'eet komong' eng' che ki pek, ineendet Jeso, ne sarwech eng' nereeknateet ne nyoonei.

1 THESSALONIKEK 3:11

Ingondochi anyun pandanyo kebwa oldang'wong', Kamuktaindet nenyo ak ko Kwanda ineendet ak Kiptaiyandennyo Jeso;

2 THESSALONIKEK 1:7

ak kogoonok kamuung'et kobootech, okweek che kiusei, eng' ng'ang'eetap Kiptaiyat Jeso kobunu kipsengwet kobooto malaikaisyek che po kamuktaennyi

2 THESSALONIKEK 2:1

Kisoomok anyun, che kitupche, agobo nyonunetap Kiptaiyandennyo Jeso Kristo, ak kayumennyo pogei ne kiyumjinigei ineendet;

2 PETERO 3:10

Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.

JUDA 1:9

Ago ye kingo paregei Mikael, malaikaiyat ne oo, ak chesawilyet, kotiitos agobo muustap Musa, koma kany koipchi ineendet kirwoogetap chubeet, ago ki le, Ingogerin kong' Kiptaiyat.

NG'ANG'UTYET 1:10

Ki ami eng' Kabuuset ne Tiliil eng' peetuutap Kiptaiyat, ak ki agas kutit ne oo eng' patennyu ko uu ne po iryageet

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.

NG'ANG'UTYET 14:13

Ak ki agas kutit kobunu kipsengwet kole, “Sir ile: Poiboen icheek che pegu eng' Kiptaiyat kobooch nguno.” Mwaei Kabuuset ne Tiliil kole, “Ee, imuunyi icheek eng' poisyonikwak, amu isubi icheek `poisyonikwak.”

NG'ANG'UTYET 8:13

Ak ki ageer kipsiichit kotirireni eng' kwenutap kipsengwet, ak agas koleen eng' kutit ne oo, “Pwo! Pwo! Pwo agobo icheek che menyei ng'wony, amu cheosyek alak che po iryagook che po malaikaisyek somok che ta koguutei!”

NG'ANG'UTYET 8:2

Ak ki ageer malaikaisyek tisap che kitonondos eng' taitap Kamuktaindet; ak ki kigoochi iryagook tisap.