1 THESSALONIKEK 4:13 - BUKUIT NE TILIIL Sireet ne Dutero Kanon

¹³ Ago ma kimache anyun, che kitupche, oegu che mongen agobo icheeget che ruitos; keele amoaragense, ko uu piik alak che ma tinyei kamang'unet.

Bukuit Ne Tilil

¹³ Ago ma kimache anyun, che kitupche, oegu che mongen agobo icheeget che ruitos; keele amoaragense, ko uu piik alak che ma tinyei kamang'unet.

BUKUIT NE TILIL

¹³ Ago magimache anyun, che kitupche, oegu che mongen agobo icheget che ruitos; kele amoarogense, ko u bik alak che matinyei kamang’unet.

1 THESSALONIKEK 4:13 ပူးပေါင်းရင်းမြစ်များ

TAUNET 37:35

Ki ng'eetyo weeriikyik tugul ak tiibiikyik tugul kole kogaigai ineendet, ago kiesyo ineendet kigaigai, ak ki le, “Eng' nooto anyun, ariirchini weeriinnyu agoi ait ye mi che ki kobek.” Ki riirchi anyun kwandanyi ineendet.

2 SAMUEL 18:33

Ki aragen miising' laitoryat ak kitogosta kwo koot oriit ne mi ormariichet parak ak koriir. Kingo wendi koleenoti, “Ooi weeriinnyu Absalom, weeriinnyu, weeriinnyu Absalom! Kata kaigai ame ne kata inyee, Ooi Absalom, weeriinnyu, weeriinnyu!”

1 LAITORINIK 1:21

Anan ngot koma uu nooto, ko ye kagoru kiptaiyandennyu laitoryat kobooto kwanisyekyik, kiitech anee ak weeriinnyu Solomon keegu ngelelik.”

1 LAITORINIK 2:10

Ki ru anyun Daudi kobooto kwanisyekyik ak ketupchi nganaseetap Daudi.

Kitabuutap JOB 1:21

Ak ki le, “Ki kisicho aach ngor, ak aweeksei aach ngor. Ki koonu Kamuktaindet ne Toroor, ak kagoweech Kamuktaindet ne Toroor. Iberuurot kainetap Kamuktaindet ne Toroor.”

KALEWANAIK 14:32

Ki wiirchin ng'wony kiptengekyot amu poisyonikyik che yaach, ago tinyei kamang'unet ne po iman eng' meennyi.

EZEKIEL 37:11

Yeityo, komwaiwo koleenjo, Ee, weeriitap chii, kowechu ko kootap Israel komugul: keero, leen icheek, Ki koyaamyo kawekyok, ak ki kobet kamang'unennyo; ki kigeswech.

ATEPTAP LAWIK 19:28

Amotil poorwekwok agobo piik che pegu, amobeel saremik alak tugul. Aa Kamuktaindet ne Toroor.

ATEPTAP LAWIK 21:2

kobatee eng' tilyonutikyik che neegit, kamet, kwandanyi, weeriinnyi, cheptonyi, ng'eetap kamet,

MATAYO 27:52

Ki yaatagis kereeriisyek ak ki king'eet poorwegap piik che chaang' che tiliileen che ki ruitos.

JOHANA 11:24

Koleenji Marta ineendet, Angen ale ng'eetei eng' ng'eetyeet ne po peetuutap let.

POISYONIGAP CHE KIYOKTOI 13:36

Amu ye kingo kagoboisyechi Daudi kirwoogutigap Kamuktaindet ne Toroor eng' ibindanyi, konuuch, ak ki kitup kobooto kwanisyekyik, ak kogeer nunet.

POISYONIGAP CHE KIYOKTOI 7:60

Ak kigutuny ak komwa eng' kutit ne oo kole, “Kiptaiyat, ameiityi icheek tengegi.” Ak kingo kagomwa niito, konuuch.

POISYONIGAP CHE KIYOKTOI 8:2

Kotup anyun Stepano `piik che ki konyiti Kamuktaindet, ak koteiyo miising' agobo ineendet.

ROMANIK 1:13

Ak ma mache oegu che mongen, che kitupche, ale, ki amach konyil che chaang' Anyoonjok (ak kigeraanya agoi kora), si kobiit anyoor logoek alak agot eng' okweek, agot ko uu eng' Pororyosyechuun alak ak icheek.

1 KORINTOEK 10:1

Ma mache anyun, che kitupche, ale oegu che mongen, ole ki miitei kwanisyekyok tugul ng'wonyutap pooldet, ak ki pun tugul nyanjet:

1 KORINTOEK 12:1

Nguno anyun agobo konunoik che po Kabuuset ne Tiliil, che kitupche, koma mache oegu che mongen.

1 KORINTOEK 15:6

yeityo komong'ji tupchosyek che siirei pogol muut komi tugul, che ta komi agoi kora che chaang' eng' icheek, ago ki koruiyo alak;

2 KORINTOEK 1:8

Amu ma kimache oegu che mongen, che kitupche, agobo pichiindo ne kinyoorwech eng' Asia, ale kisyebech miising', kosiir kamugennyo, kot koma ketinyei kamang'unetap sabeet.

EPESOEK 2:12

ole ki omi taban eng' Kristo eng' peetuusyechooto, che ki oo kipsagarek eng' pororyetap Israel, ak ki oo toek eng' kayomisutik che po arorutyet, ki ma otinye kamang'unet ak ki ma otinye Kamuktaindet eng' ng'wonyuni.

EPESOEK 2:3

che ki kimenye agot acheek tugul kwenunnywa eng' maguutik che yaach che po poorto, keyae maguutik che po poorto ak che po kabwaatutik, ak ki kilagogap nereeknateet, eng' sigeet, ko uu alak:

1 THESSALONIKEK 4:14

Amu ngiyani keele kime Jeso ak kong'eet kogeny, ko uu nooto anyun eng' icheeget che ruitos eng' Jeso, imutu Kamuktaindet kobooto ineendet.

1 THESSALONIKEK 4:15

Amu kimwaiwok ni eng' ng'olyootap Kiptaiyat, keele acheek che kisoptosi, che king'etunotiin agoi nyonunetap Kiptaiyat, koma koi kindoe icheek che ki koruiyo.

1 THESSALONIKEK 5:10

ne kimechech, si ngegosu anan ngeruitosi, kesaptosi kobooto ineendet.

1 THESSALONIKEK 5:6

nooto anyun among' keruiye ko uu piik alak, ago ongeriipse ak keegu che riibegei.

2 PETERO 3:4

ak komwaei koleen, Mi ano arorutyetap nyonunennyi? Amu, kobooch ye kingo ruiyo kwanisyekyok, komi tuguuk tugul ko uu kiit ne ki uu kobooch taunetap yaetap ng'wony.

2 PETERO 3:8

Ago amoutye ng'olyoondoni, chamanichu, ole peetuut agenge eng' Kiptaiyat ko kergei ak kenyiisyek eliphuut, ak ko kergei kenyiisyek eliphuut ak peetuut agenge.