1 THESSALONIKEK 4:11 - BUKUIT NE TILIIL Sireet ne Dutero Kanon

¹¹ ak oneetkei otebi eng' mutyonet, ak oyai poisyonikwok, ak oboisyee eunekwok, ko uu ye ki king'atak;

Bukuit Ne Tilil

¹¹ ak oneetkei otebi eng' mutyonet, ak oyai poisyonikwok, ak oboisyee eunekwok, ko uu ye ki king'atak;

BUKUIT NE TILIL

¹¹ ak onetge otebi eng’ mutyonet, ak oyai boisionikwok, ak oboisie eunekwok, ko u ye kiging’atak;

1 THESSALONIKEK 4:11 ပူးပေါင်းရင်းမြစ်များ

KALEWANAIK 17:1

Kaigai kererutyet ne yaamaat kobooto kamuung'et, kosiir ko ne nyiitaat igoorto ak komi pooryeet.

KALEWANAIK 17:14

Uu taunetap pooryeet ye kiyatei peek; omete anyun pooryeet kotom kobiit polateet.

AMDOINDET 4:6

Kaigai kererutyet kobooto siisek, kosiir kererutik aeng' ak pirtoetapkei, ak kaimetapkei ne po puch.

RIREKAB JEREMIA 3:26

Myee eng' chii komong' ak kogen eng' muitaet yetunetap Kamuktaindet ne Toroor.

MARIKO 13:34

Uu chii, ne ki pagaach koonnyi, ak koruto emet age, ak kogoochi otwogikyik kimnateet, chii age tugul ak poisyennyi, ak kong'at riibindet koriipso.

POISYONIGAP CHE KIYOKTOI 18:3

amu ki kergei poisyennyi ak nenywa, kotebi anyun kobooto icheek, ak kobois tugul; amu ki nabiik che po emaisyek icheeget.

POISYONIGAP CHE KIYOKTOI 20:35

Ki agoonok kaboorunet eng' tuguuk tugul, ale ye oboisyei ko nyolu otoret che ma tinyei kimnateet, ak obwaati ng'aleegap Kiptaiyat Jeso, ko uu ye ki mwa ineendet kole ‘Tinyei poiboiyet kagoitoet kosiir taaget.’ ”

ROMANIK 12:11

eng' kagiiletapkei amochoriren; ogiilgei miising' eng' mugulelwekwok, oote Kiptaiyat;

ROMANIK 15:20

ee, ayae nooto koek kiit ne atoorchinigei ale aamda logoiywek che myach, ma eng' ole kigemwae kainetap Kristo, si ma teech eng' lumeiywotap chiito age;

1 KORINTOEK 4:12

ak kibirtoigei, keboisyee eunekyok: ye king'emwech kuut, kiberuur; ye kiuseech, kemuitoi;

2 KORINTOEK 5:9

Nooto anyun ko ki it ne kitokyinige, ngemi eng' poori, anan ngo ma kimi, keegu che iboiboi ineendet.

EPESOEK 4:28

Ineendet ne kigochoorso ko matata kochoorso: ago kaigai kobois, koyai eng' eunekyik nooto myee, si kobiit kosich kiit ne igoochin ineendet ne panani.

1 TIMOTEO 2:2

agobo laitorinik ak tugul che tinyei pounateet; si kobiit ketebee kaalyeet ak mutyonet eng' kayweet ne kiywei Kamuktaindet ak teegisto.

1 TIMOTEO 5:13

Kobooto nooto anyun koneetkei koek chorirenik, ak koiitoti kooriik; ago ma chorirenik kityo, ago chaamik ak che ibooti chemererosyek, kong'alaalote tuguuk che ma nyooljin.

TITO 3:14

Ak ingoneetkei piikyok ak icheek koyai poisyonik che myachen kotugul, agobo tuguuk che makyingei, si ma ek che mayiei logoek.

1 PETERO 3:4

ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.

1 PETERO 4:15

Amat konyalil age eng' okweek amu rumin, anan ko choriin, anan ko ne yaei yaityo, anan ko chii ne indogei ng'aleegap piik alak;