1 THESSALONIKEK 3:2 - BUKUIT NE TILIIL Sireet ne Dutero Kanon

² ak kiyogu Timoteo, tupchennyo ak ko kiboityotap Kamuktaindet eng' logoiywek che myach che po Kristo, kogimitok, ak kogaigaak agobo kayaneng'wong';

Bukuit Ne Tilil

² ak kiyogu Timoteo, tupchennyo ak ko kiboityotap Kamuktaindet eng' logoiywek che myach che po Kristo, kogimitok, ak kogaigaak agobo kayaneng'wong';

BUKUIT NE TILIL

² ak kiyogu Timoteo, tupchennyo ak ko kiboitiotab Jehovah eng’ logoiywek che miach che bo Kristo, kogimitok, ak kogaigaak agobo kayaneng’wong’;

1 THESSALONIKEK 3:2 ပူးပေါင်းရင်းမြစ်များ

POISYONIGAP CHE KIYOKTOI 16:1

Ki wo kora Paulo agoi Derbe ak Lystra. Ki mi olooto agenge eng' kasubik ne ki kiguure Timoteo, weeriitap chepyahudyot ne ki kayanindet; ago kwandanyi ko ki Yunanindet.

POISYONIGAP CHE KIYOKTOI 16:5

Ki kigimit anyun kanisosyek eng' kayaneet, ak kotesak koiitennywa peetuut age tugul.

POISYONIGAP CHE KIYOKTOI 18:5

Ago ye kingo choorgei Sila ak Timoteo kobunu Makedonia, konyonji Paulo kachirchiret ne po ng'olyoot, kobaoryanjin Yahudik kole Jeso ko Kristo.

ROMANIK 16:21

Igatok Timoteo ne kiboityot kobooto; ak Lukio ak Jason ak Sosipatros, che po ornyo.

1 KORINTOEK 3:10

Ki alumde lumeiywot ko uu teegindet ne oo ne ng'oom, ko uu myeeindap Kamuktaindet ne ki kigoono; ak teechei chiito age paragunnyi. Ago ingoriip chii age tugul ole teektoi eng' paragunnyi.

1 KORINTOEK 4:17

Kaayokwok anyun Timoteo amu ng'olyoondoniito, ne ineendet ko lakweennyu ne achame ak iyani, eng' Kiptaiyat, ne nyoonei kabwaatwok ortinwekyuk che mi eng' Kristo, ko uu ye aneetoti komosta age tugul eng' kaniset age tugul.

2 KORINTOEK 1:1

Paulo, kayooktoindet ne po Kristo Jeso eng' mageetap Kamuktaindet, ak Timoteo tupchennyo, kisirchini kanisetap Kamuktaindet ne miitei Korinto, kobooto che tiliileen tugul che miitei Akaia komugul:

2 KORINTOEK 1:19

Amu Weeriitap Kamuktaindet, Jeso Kristo, ne ki kiamde eng' kwenung'wong', anee ak Silvano ak Timoteo, ne ki ma ko “ee” ak “achicha”, ago eng' ineendet ko “wei” kipchulyo.

2 KORINTOEK 2:12

Ak ye kinga nyo Traos amu logoiywek che myach che po Kristo, ak ye ki ngeyatwa kurgeet eng' Kiptaiyat,

2 KORINTOEK 2:13

ki ma nyooru kamuung'et eng' saboondanyu, amu ki ma anyooru Tito ne kitupche. Ara ki amwachi icheek saisere ak atestai awe Makedonia.

2 KORINTOEK 8:23

Ngo teebenak chii agobo Tito, ineendet ko kiboityot ne ki mi tuwai, ak kiboisyei tuwai agobo okweek; anan agobo tupchosyekyok, icheeget ko che kiyooktoi che po kanisosyek, chooto ko toroornatetap Kristo.

PILIPIK 1:25

Ak atinye kamang'unoni, ak angen ale atebye, ee, ak ta atebye kobootok okweek tugul, agobo teseng'wong' po tai ak poiboiyet eng' kayaneet;

KOLOSAIK 1:1

Paulo, kayooktoindet ne po Kristo Jeso eng' mageetap Kamuktaindet, ak Timoteo tupchennyo,

KOLOSAIK 1:7

ko uu ye ki oneetkei eng' Epapra chamanennyo ne kiboisyei tugul, ne kiboityot ne iyanaat ne po Kristo agobo acheek,

KOLOSAIK 4:12

Igatok Epapra, ne age eng' okweek, otwogindetap Kristo Jeso, igiilegei kotugul agobo okweek eng' saautikyik, si kobiit otononse ko ogesunotingei, ak ongen komyee mageet tugul ne po Kamuktaindet.

KOLOSAIK 4:9

kobooto Onesmus, tupchet ne kiyani ak kochamaat, ne age eng' okweek. Mwaiwok icheek tuguuk tugul che po olito.

1 THESSALONIKEK 3:13

si kobiit kogimit mugulelwekwok ko motinye kiy ne kimuuchi kirwoogunenok eng' tiliilindo eng' taitap Kamuktaindet nenyo ak ko Kwandanyo, eng' nyonunetap Kiptaiyandennyo Jeso kobooto chechiik che tiliileen tugul.

1 THESSALONIKEK 3:5

Amu ng'olyoondoniito ye ki mata amuuch amuita, ayoogu kuut si kobiit anai kayaneng'wong', ale tama kogoyomak yoomindet, ak koek puch poisyennyo ne uui.

2 THESSALONIKEK 2:17

kogaigai mugulelwekwok ak kogimit icheek eng' poisyet age tugul ne myee ak ng'olyoot.