1 THESSALONIKEK 3:12 - BUKUIT NE TILIIL Sireet ne Dutero Kanon

¹² ingogoonok Kiptaiyat otesage ak obaraitu eng' chamyet okweegei eng' okweegei, ak eng' piik tugul, agot ko uu acheek eng' okweek;

Bukuit Ne Tilil

¹² ingogoonok Kiptaiyat otesage ak obaraitu eng' chamyet okweegei eng' okweegei, ak eng' piik tugul, agot ko uu acheek eng' okweek;

BUKUIT NE TILIL

¹² ingogonok Kiptaiyat otesage ak obaraitu eng’ chamnyet okwege eng’ okwege, ak eng’ bik tugul, agot ko u achek eng’ okwek;

1 THESSALONIKEK 3:12 ပူးပေါင်းရင်းမြစ်များ

TIENWOGIKAL 115:4

Po fedha ak thahabu kanamonikwak, poisyetap eunegap piik.

MATAYO 22:39

Ak ne po aeng' ne kergei ak niito ko ni, ‘Cham chiitap kokweng'ung' ko uu ole ichamdoige.’

MATAYO 7:12

Nooto anyun, tuguuk tugul che omache koyaiywok piik, ko kanyool oyachi ak icheek ko uu nooto: amu chuuto ng'atuutigap Musa ak kaneetisyosyegap maotik.

LUKA 17:5

Ak ki leenji che kiyooktoi Kiptaiyat, Teswech kayanennyo.

ROMANIK 13:8

Amobesen chii kiy age tugul, ago ochamye: amu ineendet ne chamei chiitap kokwennyi ko kagoyai kosulda Ng'atuutyet.

2 KORINTOEK 9:10

Ak ineendet ne igoochin kesweek kolindet ak amitwogik che amei, kogoonok ak kotesei kesweekwok che ogoole, ak kotes logoegap imandang'wong':

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

GALATYEK 5:6

Amu eng' Kristo Jeso koma tilei kiy kamuratanet, anan ngo ma kimuratan; ago kayaneet ne poisyei eng' chamyet.

PILIPIK 1:9

Ak ni ko saaennyu ale kotesak chamyeng'wong' miising' inne eng' naet ak kaguiyet tugul;

1 THESSALONIKEK 2:8

ko uu nooto, ki kiting'enok emosto ne po chamyet ne oo, ki kimache miising' keele kegoonok, ma logoiywek che myach che po Kamuktaindet kityo, ago saboonwekyok ak icheek, amu ki oegu che chamaatiin miising' eng' acheek.

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

1 THESSALONIKEK 5:15

Ogeer si ma yaakyi chii age tugul chiito age yaityo eng' yaityo; ago osup nooto myee kotugul, chii age eng' age, ak eng' piik tugul.

2 THESSALONIKEK 1:3

Kanyool kemwachi Kamuktaindet kongoi peetuusyek tugul agobo okweek, che kitupche, ko uu ye nyolu, amu nerei kayaneng'wong' miising', ak ko tesoksei chamyet ne oting'egei okweek tugul;

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

2 PETERO 1:7

ak otesyi `chametap tupchosyek kayweetap Kamuktaindet; ak otesyi `chamyet chametap tupchosyek.

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.