1 THESSALONIKEK 3:10 - BUKUIT NE TILIIL Sireet ne Dutero Kanon

¹⁰ kisaae miising' kemoi ak peet si kobiit kegeer togoochikwok, ak kigeesu nooto ne rartaat eng' kayaneng'wong'?

Bukuit Ne Tilil

¹⁰ kisaae miising' kemoi ak peet si kobiit kegeer togoochikwok, ak kigeesu nooto ne rartaat eng' kayaneng'wong'?

BUKUIT NE TILIL

¹⁰ kisae mising’ kemoi ak bet si kobiit kegeer togochikwok, ak kigesu noto ne rartaat eng’ kayaneng’wong’?

1 THESSALONIKEK 3:10 ပူးပေါင်းရင်းမြစ်များ

LUKA 2:37

Ak ki tebi ko kwony ne ki kosiirtoe manong'otyot kenyiisyek tamanwogik sisiit ak ang'wan), koma mandoi eng' Hekaluut, ak kolasu, kobooto karugutetapkei, ak soomutik, kemoi ak peet.

POISYONIGAP CHE KIYOKTOI 26:7

nooto ne imang'u ortinwekyok tamanu ak aeng' kole nyooru, koboisyechin Kamuktaindet eng' kagiiletapkei peet ak kemoi. Kagogikyo Yahudik agobo kamang'unoniito, ee, laitoryandani!

2 KORINTOEK 1:15

Ak eng' kayanoniito ko ki abwaati isip Anyoonjok si kobiit onyooru myeeindo ne po aeng';

2 KORINTOEK 1:24

Ma keele ki tinyei pounateet eng' kayaneng'wong', ago kitoretik che po poiboiyeng'wong': amu otonondosi eng' kayaneng'wong'.

2 KORINTOEK 13:11

Ne po let anyun, che kitupche, ko saisere. Oegu che chobootiin; oegu che po kagaigaet; oegu che po kabwaatet agenge; otebi eng' kaalyeet: ak mi Kamuktaindet ne po chamyet ak kaalyeet kobootok.

2 KORINTOEK 13:9

Amu kiboiboen ye kinyalulyotin, ago oo kiimeen: kisaae agobo niito agine, keele oegu che ititaatiin.

PILIPIK 1:25

Ak atinye kamang'unoni, ak angen ale atebye, ee, ak ta atebye kobootok okweek tugul, agobo teseng'wong' po tai ak poiboiyet eng' kayaneet;

KOLOSAIK 1:28

ineendet ne kimwaitoi, ak kiteechini chii age tugul ak kineeti chii age tugul eng' utaatyet tugul, si kobiit kimut chii age tugul kogesunotkei eng' Kristo;

KOLOSAIK 4:12

Igatok Epapra, ne age eng' okweek, otwogindetap Kristo Jeso, igiilegei kotugul agobo okweek eng' saautikyik, si kobiit otononse ko ogesunotingei, ak ongen komyee mageet tugul ne po Kamuktaindet.

1 THESSALONIKEK 3:11

Ingondochi anyun pandanyo kebwa oldang'wong', Kamuktaindet nenyo ak ko Kwanda ineendet ak Kiptaiyandennyo Jeso;

2 THESSALONIKEK 1:11

Nooto anyun kisaiywok kotugul, si kobiit koiitok Kamuktaindet nenyo kole onyolu eng' kuurseng'wong', ak kosulda mageet age tugul ne po myeeindo ak poisyet age tugul ne po kayaneet, eng' kamuktaet;

2 TIMOTEO 1:3

Amwachini Kamuktaindet kongoi, ne aoote ko uu ye kiyaei kwanisyekyuk che po tai eng' kabwaatet ne tiliil, ale masisei kabwaatet ne abwaatin eng' soomutikyuk, kemoi ak peet,

PILEMON 1:22

Ago kobooto chooto ichobwa ole anyoo arue: amu amang'u ale eng' saautikwok amuuchi keeweekwo Anyoonjok.

NG'ANG'UTYET 4:8

Ak nyiitootiin tyong'ichooto ang'wan saptos koonyek, komoswek tugul ak oriit, kotinyei age tugul kebebaik lo. Ama imuunyi icheek peet ak kemoi, komwaei koleen, “Tiliil, tiliil, tiliil, Kiptaiyat Kamuktaindet, Ne po Kamuktaet, ne ki mi ak komi ak ko tuun nyoonei.”

NG'ANG'UTYET 7:15

Mi anyun icheek taitap ng'echereetap laitornatet ne po Kamuktaindet, ak koboisyechin ineendet peet ak kemoi eng' hekalunnyi, ak koiito ineendet ne tebee ng'echereetap laitornatet emainnyi eng' paragunnywa.

1 SAMUEL 12:23

Eng' anee, ko ingolooit ayachi tengek Kamuktaindet ne Toroor, ak abagaakte asaiywok; atesetai aneetook eng' ooreet ne myee ak ne nyolu.