1 THESSALONIKEK 2:14 - BUKUIT NE TILIIL Sireet ne Dutero Kanon

¹⁴ Amu okweek anyun, tupchosyechu, ko ki oegu yaigap tuguuk che yaei kanisosyegap Kamuktaindet che miitei Judea eng' Kristo Jeso: amu ki onyooru ak okweek, nyalilwogik che uu chooto eng' piigap emeng'wong', agot ko uu ye kinyoor icheek eng' Yahudik;

Bukuit Ne Tilil

¹⁴ Amu okweek anyun, tupchosyechu, ko ki oegu yaigap tuguuk che yaei kanisosyegap Kamuktaindet che miitei Judea eng' Kristo Jeso: amu ki onyooru ak okweek, nyalilwogik che uu chooto eng' piigap emeng'wong', agot ko uu ye kinyoor icheek eng' Yahudik;

BUKUIT NE TILIL

¹⁴ Amu okwek anyun, tupchosiechu, ko kioegu yaikab tuguk che yaei kanisosiekab Jehovah che mitei Judea eng’ Kristo Jesu: amu kionyoru ak okwek, nyalilwogik che u choto eng’ bikab emeng’wong’, agot ko u ye kinyor ichek eng’ Yahudik;

1 THESSALONIKEK 2:14 ပူးပေါင်းရင်းမြစ်များ

POISYONIGAP CHE KIYOKTOI 11:19

Ki pa anyun icheek che kiga yesta amu usiisyet ne king'eet agobo Stepano agoi koit Phoenisia, Cyprus, ak Antiok, koma ng'alaaljin chii age ng'olyoot kobatee Yahudik.

POISYONIGAP CHE KIYOKTOI 13:50

Ago ki inde `Yahudik ng'aleegap chaamset kobogorisyek che konyiti Kamuktaindet ak ko taagunotiin, ak piik che eecheen che po nganaseet, ak ki ing'eet usiisyet kous Paulo ak Barnaba, ak koon komanda eng' kiwotosyekwak.

POISYONIGAP CHE KIYOKTOI 14:19

Ago ki pwa Yahudik che ki punu Antiok ak Ikonia ak kolom tuiyosyek. Kilach `icheek Paulo eng' koik, ak kochuut komanda eng' nganaseet, koleen kagome.

POISYONIGAP CHE KIYOKTOI 14:2

Ago kiim Yahudik che kibistoik saboonwegap Pororyosyek kot kogoochi kowech tupchosyek.

POISYONIGAP CHE KIYOKTOI 14:4

Ago kipcheigei tuiyet ne po nganaseet; ak ki namgei alage ak Yahudik, konamgei alage ak che kiyooktoi.

POISYONIGAP CHE KIYOKTOI 14:5

Ak ye kimachei Pororyosyek ak Yahudik kobooto pounikwak kobookyi icheek, kole koyachi ne ya, ak kolach eng' koik,

POISYONIGAP CHE KIYOKTOI 17:13

Ago kingo nai Yahudik che po Thessalonike kole amdoi Paulo ng'olyootap Kamuktaindet eng' Berea agine, koba olooto agine, ak kowas ak konyalil tuiyosyek.

POISYONIGAP CHE KIYOKTOI 18:12

Ago ye kingo kirwoogindetap Akayo Galio, kong'eetyi `Yahudik Paulo eng' mageet agenge, ak komut ineendet kwo taitap ng'echereetap kirwooget.

POISYONIGAP CHE KIYOKTOI 8:1

Ak ki iyan Saulo agine agobo pareetap Stepano. Ki ng'eet peetuunooto usiisyet ne oo agobo kaniset ne ki mi Jerusalem, ak kiyesta icheek tugul koyom emotinwegap Judea ak Samaria, kobatee che kiyooktoi.

POISYONIGAP CHE KIYOKTOI 8:3

Ago ki inyaliil miising' `Saulo kaniset, kowendi koot age tugul ak kochuutu murenik ak kobogorisyek ak kotoorchin korgoreet.

POISYONIGAP CHE KIYOKTOI 9:1

Ye kita konereechi Saulo koboisyee kamuiset ak parisyet agobo kasubigap Kiptaiyat. Ki wo kaptisiindet ne oo,

POISYONIGAP CHE KIYOKTOI 9:13

Ago ki wol Anania kole, “Kiptaiyat, ki agas eng' piik che chaang' agobo chiichito, ole tee yaityet ne ki koyachi piiguk che tiliileen eng' Jerusalem;

POISYONIGAP CHE KIYOKTOI 9:31

Konyoor anyun kamuung'et kaniset eng' emet komugul ne po Judea, Galilaya ak Samaria ak koteegak. Ak ye kibendoti eng' kayweetap Kiptaiyat ak eng' kagaigaet ne po Kabuuset ne Tiliil, kotesak.

1 KORINTOEK 10:32

Amonach Yahudik anan Yunanik, anan kanisetap Kamuktaindet:

1 KORINTOEK 7:17

Ago, ko uu ye kigopchechi Kiptaiyat chii age tugul, ko uu ye kigoguur Kamuktaindet age tugul, ingotebi ko uu nooto. Ak ang'ate anyun ko uu nooto eng' kanisosyek tugul.

GALATYEK 1:22

Ak kitom kogeero togoch kanisosyegap Judea che ki mi eng' Kristo:

1 THESSALONIKEK 1:1

Paulo, Silvano ak Timoteo, kisirchini kanisetap Thessalonikek eng' Kamuktaindet Kwanda ak Kiptaiyat Jeso Kristo. Ingotep kobootok myeeindo ak kaalyeet.

1 THESSALONIKEK 1:6

Ak ki oegu kasubikyok, ak che po Kiptaiyat, ko kaotaach ng'olyoot eng' usiisyet ne oo, kobooto poiboiyet ne po Kabuuset ne Tiliil;

1 THESSALONIKEK 3:4

Amu iman, ki ngemi kobootok, kogisip kemwaiwok keele kinyooru usiisyet; ko uu ye ki kobiit, ak ongen ak okweek.

2 THESSALONIKEK 1:1

Paulo, ak Silvano, ak Timoteo, kisirchini kanisetap Thessalonikek eng' Kamuktaindet Kwandanyo ak Kiptaiyat Jeso Kristo:

2 THESSALONIKEK 1:4

kot kichounenok kei okweek eng' kanisosyegap Kamuktaindet amu muitaeng'wong' ak kayaneet eng' usiisyosyekwok tugul ak nyalilwogik che omuitoi;